Qara amadowa massie

Cinaanchu doorshiwa massie

Yihowa Farci'raasine

Sidaamu Afoo

Reyino Manni Addinta Kaˈˈanno?

Reyino Manni Addinta Kaˈˈanno?

Ate dawaro hiitteeti?

  • ee kaˈˈanno

  • dikaˈˈanno

  • kaˈˈarano hoogarano dandaanno

 QULLAAWU MAXAAFI TOGO YAANNO

‘Reyino manni kaˈˈanno.’—Hawaariyaatete Looso 24:15, Haaro Alame Tiro

TENNE AMMANAKKI MAAHO KAAˈLITANNOHE?

Baxatto manni reyanno wote sheshifatatto gede.—2 Qorontoosi 1:3, 4

Reyo quwa saˈe waajjattokki gede.—Ibiraawuyaani 2:15.

Shiiˈrootto manni ledo galagalte xaadate halaalaancho hexxo heedhannohe gede.—Yohaannisi 5:28, 29.

 QULLAAWU MAXAAFI YAANNORE AMMANNEEMMO GEDE ASSANNONKERI NO?

Ee, ajayi ajeenna sasu coyi no:

  • Maganu heeshshote Kalaqaanchooti. Qullaawu Maxaafi Magano Yihowa “heeshshote buichooti” yaanno. (Faarso 36:9; Hawaariyaatete Looso 17:24, 25) Heeshsho noo kalaqamira baalaho heeshsho uyino Magani, reyitinori galagalte heedhanno gede assa dandaanno.

  • Maganu konni albaanni reyitinore kayisino. Qullaawu Maxaafi settu manni yaano wedelluno jajjabbuno hattono, meentuno labballuno reyotenni kae layinkimeeshsho uullate aana heeˈrinota kulanno. Kuri giddo gamu reyite boode yanna keeshshitinoreeti, mittu kayinni waammate giddo shoole barra keeshshinoho!—Yohaannisi 11:39-44.

  • Maganu xaano reyitinore kayisate quqquxamanno. Yihowa reyo giwanno; isira reyo diinu gedeeti. (1 Qorontoosi 15:26) Isi konne diina qeelate “quqquxamanno,” hattono reyo abbitino gawajjo hoolanno. Isi kayisa hasiˈrannori reyotenni kaˈe galagalte uullate aana heedhanna laˈˈate quqquxamanno.—Iyyoobi 14:14, 15.

 HANNI KONNE COYE HEDI

Geedhineemmohunna reyineemmohu mayiraati?

Qullaawu Maxaafi tenne xaˈmora qolanno dawaro KALAQO 3:17-19 nna ROOMU SOKKA 5:12 aana lai.