Qara amadowa massie

Cinaanchu doorshiwa massie

Yihowa Farci'raasine

Sidaamu Afoo

Qarrunna Shetto Heedhannokki Yanna Dagga Ikka?

Qarrunna Shetto Heedhannokki Yanna Dagga Ikka?

Ate dawaro hiitteeti?

  • ee dagganno?

  • didagganno?

  • daggarano hooggarano dandiitanno?

 QULLAAWU MAXAAFI TOGO YAANNO

“Maganu . . . hindiiddo baalanta illensa aaninni feyanno, reyono layinkita diheedhanno, wiˈla woy raare woy xisso higgeno diheedhanno.”—Ajuuja 21:3, 4, Haaro Alame Tiro.

TENNE AMMANAKKI MAAHO KAAˈLITANNOHE?

Qarrunna mitiimma iillitannonke gede assannohu Magano ikkinokkita huwatatto gede.—Yaaqoobi 1:13.

Qarramme shenteemmo wote Maganu laˈˈannonketa affe sheshifatatto gede.—Zekkaariyaasi 2:8.

Qarrunna shetto baˈanno yanna dagganno yite hexxatto gede. —Faarso 37:9-11.

 QULLAAWU MAXAAFI YAANNORE AMMANNEEMMO GEDE ASSANNONKERI NO?

Ee, ajayi ajeenna lamu coyi no:

  • Maganu qarranna shetto, hattono taashshote xeˈne dibaxanno. Lawishshaho Maganu Yihowa hundi waro mannasi lowonta gadadinsi yannara hiitto ikkinoro wodanchi. Qullaawu Maxaafi tenne kulanni, “gadadisannonsa manninni” kainohunni Yihowa lowonta dadillino yaanno.—Mesaafinti 2:18, Haaro Alame Tiro.

    Maganu mannaho qarra naqqannore dancha illenni dilaˈˈanno. Lawishshaho, Qullaawu Maxaafi isi “keeraanote mundee duntanno anguwa effire giwanno” yaanno.—Lawishsha 6:16, 17.

  • Maganu mitti mittinkera assaawanno. Mittu manchita ‘giddosi xissonna mitiimma afannohu’ hakkoye mancho calla ikkikkinni, Yihowano tenne seekke afanno!2 Zeena 6:29, 30.

Yihowa muli barri giddo Mangistesi widoonni mittu mittunku manchi shetto hoolanno. (Maatewoosi 6:9, 10) Hakka geeshsha kayinni woˈmu wodaninsanni isiwa alba higgannore sheshifachishanno.—Hawaariyaatete Looso 17:27; 2 Qorontoosi 1:3, 4.

 HANNI KONNE COYE HEDI

Maganu qarrunna shetto heedhara sammi yiinohu mayiraati?

Qullaawu Maxaafi tenne xaˈmora qolanno dawaro ROOMU SOKKA 5:12 nna 2 PHEEXIROOSI 3:9 aana lai.