Qara amadowa massie

Cinaanchu doorshiwa massie

Furchonniwa massie

Yihowa Farci'raasine

Sidaamu Afoo

Ooso’ne Rosiisse

 ROSO 3

Reaabi Yihowa Ammantu

Reaabi Yihowa Ammantu

Hanni Iyyaarkote katamira heeˈnoommohu gede assine hendo. Kuni katami Kanaani gobbara nooho; hakko heeˈranno manni Yihowa diammananno. Hakko Reaabi yinanni mancho heedhanno.

Reaabi anje noo waro, Muse Duumo Baara lamewa bade Isiraeele Gibitsetenni fushshino gara macciishshitino. Qoleno Yihowa, Isiraeele diinnansa olante qeeltanno gede kaaˈlinonsa gara macciishshitino. Xa qolte Isiraeele Iyyaarkote mule dagge dunkaanna qasidhe noota affino!

Reaabi Yihowa ammantanno daafira qotaano maaxxe gatissino

Mitto hashsha lamu Isiraeelete manni Iyyaarkote katama maaxante laˈara martu. Insa qotaanote yinanni. Hadhe marte Reaabi minira iillitu. Ise insa minisera haadhe eessitu. Hakko hashsha Iyyaarkote nugusira, qotaano katama dagge Reaabi minira eˈinota kullisi. Hakkiinnino nugusu insa amadanno manna soyi. Reaabi kuri lamenka qotaano minisera iimaanni maaxxe nugusu soyino mannira togo yitu: ‘Qotaano ee daate wote daggino, kayinni katamunni fulte hadhe kaˈino. Xaanni hordoffiniro iillitinanni!’ Reaabi qotaano maaxxe gatissinohu mayiraatiro afootto?— Yihowa ammantanno daafiraatinna isi Kanaani gobba Isiraeelete aara kainota affinohuraati.

Qotaano Reaabi mininni hadhara kaˈuti, Iyyaarkote katami baˈˈanno wote atinna ayiddikki gattinanni yituse. Insa ise ma assitanno gede kultinosero afootto?— Togo yitinose: ‘Tenne duume siiwo maskootekkira gobbaanni rarraasi. Hatto assittaro, minekki noo manni baalu gatanno.’ Reaabi qotaano kultinosere assitu. Hakkiinni aane mayi ikkinoro afootto?—

Yihowa Reaabinna ayiddese gatisino

Shiimu barri gedensaanni, Isiraeele cuqqino yitukkinni katama doyitu. Barrunni mitte higge doyitanni lee barra keeshshitu. Lamalki barra kayinni, lamala higge doyitu. Hakkiinnino baalunku mitteenni koocce raartu. Yihowa katamu gimbe diigantanno gede assi. Maskootete gobbaanni duume  siiwo rarraansoonni mini kayinni didiigamino. Misilete aana kuni mini leellannohe?— Reaabinna ayiddise reyikki gatino!

Reaabi xaggenni maa ronseemmo?— Reaabi Yihowa assinoha dhaggete coye baala affino daafira Yihowa ammantino. Atino Yihowa assinoha dhagge ikkanno coye rossanni nootto. Reaabi gede atino Yihowa ammanatto?— Ammanattota dihuluullameemmo!

TENNE XIQISUBBA FANTE NABBAWI

  • Iyyaasu 2:1-24; 6:1-5, 14, 15, 20-25

  • Ibiraawuyaani 11:31