Qara amadowa massie

Cinaanchu doorshiwa massie

Furchonniwa massie

Yihowa Farci'raasine

Sidaamu Afoo

Ooso’ne Rosiisse

 ROSO 12

Phaawuloosi Rodoo Iltino Beetti Worbaho

Phaawuloosi Rodoo Iltino Beetti Worbaho

Hanni abbisi lubbo gatisinohu mittu worbu beetti xagge ronso. Konni wedellichu beetti abbi hawaariya Phaawuloosiiti. Konni beetti suˈma afa hoongummorono, isi worba ikkinota anfoommo. Kuni beetti worbimmatenni assinore afa hasiˈratto?—

Hakkawaro Phaawuloosi Yerusaalamete usuru mine no. Iso usurroonnihu Yesuusire mannaho kulanni sabbakino daafiraati. Mitu bushuullu mannooti kayinni Phaawuloosi gibbino daafira, busha mala maltu. Insa togo yitu: ‘Wottaaddaru roorrichi Phaawuloosi yoote minira abbate wottaaddara soyanno gede assineemmo. Hakkiinnino Phaawuloosi saˈˈanno doogora maaxamme agarre, iso shineemmo!’

Phaawuloosi rodoo iltino beetti busha mala malloonnita Phaawuloosirano wottaaddaru roorrichirano kulino

Phaawuloosi rodoo iltino beetti konne busha mala malloonnita afi. Isi tenne afiti ma assikka? Phaawuloosi noowa usuru minira mare isira tenne kuli. Phaawuloosi hakkawontenni, tenne wottaaddaru roorrichira kuli yiisi. Wottaaddaru roorricha coyishiisha konni beettira qallaale ikkitinoha lawannohe?— Diˈˈikkitino, mayira yiniro, kuni manchi ayirradoho. Ikkirono, Phaawuloosi rodoo iltino beetti worba ikkino daafira wottaaddaru roorricha mare coyishiishino.

Wottaaddaru roorrichi ma assiro woyyannoro afino. Isi Phaawuloosi agarannoha 500 meddi yaanno wottaaddara qixxeessi! Qoleno kuni wottaaddari hakko hashshanni Phaawuloosi Qeesaariya haare haˈranno gede hajaji. Phaawuloosi keere iillikka?— Ee, bushuullu mannooti digawajjitinosi! Maˈlitino mali mulla daafuro ikke gati.

Tenne xaggenni maa rosatto?— Atino Phaawuloosi rodoo iltino beetti gede worba ikka hasiissannohe. Mannaho Yihoware kulleemmo wote worboota ikka hasiissannonke. Ati waajjittokki mannaho Yihoware kulatto?— Kulattoha ikkiro, mitu lubbo gatisattora dandaatto.