Qara amadowa massie

Cinaanchu doorshiwa massie

Furchonniwa massie

Yihowa Farci'raasine

Sidaamu Afoo

Ooso’ne Rosiisse

 ROSO 8

Iyyoosiyaasira Dancha Jaalla Noosi

Iyyoosiyaasira Dancha Jaalla Noosi

Danchare assa qarrissannoha lawannohe?— Lowo mannira hatto lawannonsa. Qullaawu Maxaafi biˈree waro danchare assa roore qarrissinohu Iyyoosiyaasi yinanni beetti noota kulanno. Kayinni konni beettira dancha jaalla noosi. Hanni Iyyoosiyaasinna jaallasi xagge ronso.

Iyyoosiyaasi anni Amooni, Yihudu nugusaati. Amooni busha manchooti, qoleno kaphu maganna ammanannoho. Iyyoosiyaasi annisi reyita, Yihudu nugusa ikki. Hakkawote kayinni sette dirolla ikkinosi! Isi annisi gede busha ikkannoha lawannohe?— Deeˈni, isi danchaho!

Sofooniyaasi manna kaphu maganna ammantinoonte yee seejjino

Iyyoosiyaasi shiinqu heeˈre nafa Yihowara hajajama baxannoho. Hakko daafira isi jaalooˈminohu Yihowa baxanno manni ledo callaati. Tini jaallasi danchare assanno gede kaaˈlitinosi. Iyyoosiyaasi jaalla giddo gamu ayeooti?

Jaallasi giddo mittu Sofooniyaasiiti. Sofooniyaasi masaalaanchoho; isi Yihudu manna, kaphu maganna magansidhiniro bushuri iillannoˈnena qorophe  yiino. Iyyoosiyaasi Sofooniyaasi yiinore macciishshe, kaphu maganna giwe Yihowa magansiˈrino.

Wolu Iyyoosiyaasi jaali kayinni Ermiyaasiiti. Lamunku darawote, lophitinohuno mittu qooxeessiraati. Insa jaalla ikkitino daafira, Ermiyaasi Iyyoosiyaasi reyenna lowo geeshsha dadillinota kulate borro borreessino. Ermiyaasinna Iyyoosiyaasi danchare assatenna Yihowara hajajamate mimmito kaaˈlitino.

Iyyoosiyaasinna Ermiyaasi mimmito kaaˈlitinohu ma garinniiti?

Iyyoosiyaasi xaggenni maa rositto?— Iyyoosiyaasi shiimu heeˈre nafa danchare assa baxanno. Isi Yihowa baxanno manni ledo calla jaalooˈma hasiissannosita afino. Atino Magano baxannohanna danchare assatto gede kaaˈlannohe manna jaalla assiˈri!

TENNE XIQISUBBA FANTE NABBAWI

  • 2 Zeena 33:21-25; 34:1, 2; 35:25