Qara amadowa massie

Cinaanchu doorshiwa massie

Furchonniwa massie

Yihowa Farci'raasine

Sidaamu Afoo

Ooso’ne Rosiisse

 ROSO 1

Dhagge Ikkannoha Mitto Goˈlino Coye

Dhagge Ikkannoha Mitto Goˈlino Coye

Mannu maaxe atera calla kule egenninoheri no?— * Hattoo coye wolu manni afinokkiha ikkino daafira goˈlino coyeeti yinanni. Qullaawu Maxaafi mittu addihu goˈlino coyi noota kulanno; konne coye “qullaawa goˈlino coye” yinanni. Qullaawaho yinoonnihu Maganuwiinni dayinoha ikkino daafiraati. Sokkaano nafa konne coye roore afa hasidhino. Kuni goˈlino coyi maatiro kulohe?—

Sokkaano maa afate laˈanni no?

Biˈre lowo diri albaanni, Maganu umi labbaahanna meyaata kalaqino. Insa suˈmi Addaaminna Heewaniiti. Maganu insara Edenete kaashshu base yinannita biifado qae kalaqe uyinonsa. Addaaminna Heewani Maganoho hajajamoommero, insanna oosonsa uulla woˈma hattoota biifado gannate assitanno. Hattono gannatete hegerera heedhanno. Addaaminna Heewani kayinni ma assitinoro qaagatto?—

Addaaminna Heewani Maganoho dihajajantino; xaa yannara gannate nookkihu iseraati. Maganu kayinni, uulla gudisidhe biifado gannate ikkitannotanna mannu baalunku hegerera hagiidhanni heeˈrannota coyiˈrino. Isi tenne assannohu hiittoonniiti? Mannu tenne afikki lowo diri saino. Kuni coyi goˈle keeshshino.

Yesuusi uullara dayiti, konne goˈlino coye mannaho kulino. Isi kuni goˈlino coyi Maganu Mangisteha ikkinota coyiˈrino. Yesuusi manna tini Mangiste daggara huuccidhe yiino. Tini Mangiste uulla biifado gannate ikkitanno gede assitanno.

Konne goˈlino coye afittota tashshi yiinohe?— Gannatete heedhannori Yihowara hajajantannore calla ikkitinota qaagi. Qullaawu Maxaafi Yihowara hajajantinorita lowo labballinna meenti xagge kulannonke. Konni manni xagge rosa hasiˈratto?— Hanni insa giddo gamu ayeootironna insa lawishsha harunsa dandiineemmo gara ronso.

^ GUFO 3 Tenne borro giddo mite xaˈmonni aanchine konne malaate (—) worroonnihu, ati taxxi yiteenna qaaqqikki dawaro qolanno gedeeti. Qaaqqu dawaro qolanno gede jawaachishi.