Qara amadowa massie

Cinaanchu doorshiwa massie

Furchonniwa massie

Yihowa Farci'raasine

Sidaamu Afoo

Maganuwiinni Dayinoha Dancha Duduwo!

 Roso 14

Maganoho Dirijjite Hasiissinosihu Mayiraati?

Maganoho Dirijjite Hasiissinosihu Mayiraati?

1. Maganu hunda Isiraeele darajjaisiisinohu mayiraati?

Maganu hunda Abirahaami sircho gamba asse umonsa dandiitino daga ikkitanno gede darajjaisiisino, hattono higguwa uyinonsa. Isi tenne gosara “Isiraeele” yee suˈma fushshino; qoleno halaalu magansiˈranna qaalesi adara insara wodhino. (Faarso 147:19, 20) Konni garinni Isiraeele wole gosa baalantera atoote abbitanno.Kalaqo 22:18 nabbawi.

Maganu Isiraeele doodhinohu farciˈraasinesi ikkitanno gedeeti. Isiraeelenniti hundi xagge, mitte gosa Maganu higgera hajajanturo afidhanno atoote dancha gede assite leellishshannote. (Marro 4:6) Konni garinni wole gosa Isiraeelete widoonni halaalaanchu Magani ayetiro afa dandiitanno.Isayyaasi 43:10, 12 nabbawi.

2. Halaalaanchu Kiristaani darajjainohu mayiraati?

Isiraeele galte hossanni Maganu ledo noonsa fiixooma huˈnitu; konnira Yihowa insa mulaagise agure Kiristaanu songo doodhi. (Maatewoosi 21:43; 23:37, 38) Xa Isiraeelete bayicho addu Kiristaani Yihoware farciˈrannoha ikkino.Soqqamaanote Looso 15:14, 17 nabbawi.

Yesuusi harunsaanosi sabbakkanno gedenna duuchante gaˈre manna rosaano assitanno gede darajjaisiisino. (Maatewoosi 10:7, 11; 24:14; 28:19, 20) Alamete goofimarchi shiqe daye noote tenne yannara, sabbakate loosi lowonta iibbe loosamanni no. Yihowa mite yee lowo miliyoone ikkanno manna duuchante gaˈrenni halaalu magansiˈrawa gamba assinohu ninke yannaraati. (Ajuuja 7:9, 10) Halaalaanchu Kiristaani mimmito jawaachishatenna kaaˈlate darajjainoho. Qoleno alamete deerrinni mittu daniha Qullaawu Maxaafi roso rosanno.Ibiraawuyaani 10:24, 25 nabbawi.

 3. Yannanketi Yihowa Farciˈraasine dirijjite jammartinohu hiittoonniiti?

Boode Qullaawu Maxaafi rosaano gaamo 1870 kawa, bae keeshshinoha Qullaawu Maxaafi halaale galagalte xawo fushsha jammartu. Yesuusi Kiristaanu Songo darajjaisiisinohu sabbakkara ikkinota buuxxino daafira, insano alamete deerrinni Maganu mangistere duduwa jammartu. Hakkiinnino 1931nni jammarte Yihowa Farciˈraasine yaamante woshshantino.Soqqamaanote Looso 1:8; 2:1, 4; 5:42 nabbawi.

4. Yihowa Farciˈraasine darajjaˈinohu hiittoonniiti?

Umi xibbi diro, lowo gobbara heedhannota Kiristaanu songuwa qara ikke marraˈˈannohu aliidi bisi lowore kaaˈlinonsa; kuni aliidi bisi Yesuusi Kiristaanu songora Umo ikkinota huwatannoho. (Soqqamaanote Looso 16:4, 5) Hatteente gede xaa yannarano alamete deerrinni noori Yihowa Farciˈraasine, giddosiinni lowo temokkiro afidhino cimeeyye amadinohu Aliidi Bisi aanno biddishshinni xiqime afidhanno. Kuni Aliidi Bisi Yihowa Farciˈraasinete sinu biirora biddishsha aanno; babbaxxitinoti sinu biiro qolte Qullaawu Maxaafi aana xintantino borro 600 aleenni ikkanno afiinni tirtanno, attantanno, hattono songuwate iillishshanno. Konni garinni Aliidi Bisi alamete deerrinni noota 100,000 aleenni ikkitanno songuwa Qullaawa Borronni jawaachishanno, hattono insara biddishsha aanno. Mitte mittente songo giddo ikkado ikkino labballi cimeeyye woyi aliidi laˈˈaano ikke soqqamanno. Kuri labballi Maganu hoshsha baxillunni allaalanno.1 Pheexiroosi 5:2, 3 nabbawi.

Yihowa Farciˈraasine dancha duduwo sabbakatenna manna rosaano assate darajjaˈinoreeti. Hundi hawaariyaate gede, ninkeno minunni mine haˈne sabbankeemmo. (Soqqamaanote Looso 20:20) Qoleno giddonsanni halaale baxanno manna Qullaawa Maxaafa xiinxallinseemmo. Yihowa Farciˈraasine dirijjite calla diˈˈikkitino. Ninke baxillaanchu Anni noonke maateeti. Ninke mimmitoho assaambeemmo roduuwaati. (2 Teselonqe 1:3) Yihowa manni darajjainohu iso hagiirsiisatenna manna kaaˈlate ikkino daafira, uullate aana duuchunkunni roore hagiirraame maate ikkino.Faarso 33:12; Soqqamaanote Looso 20:35 nabbawi.