Qara amadowa massie

Furchonniwa massie

 ROSO 7

Ikke Sainorinni Roso Afiˈre Qoropha

Ikke Sainorinni Roso Afiˈre Qoropha

Yihowa bushu manni gannate hunara difajjannonsa. Hakkiicho isi jaalla calla heedhanno. Bushuullu ma ikkitanno? Dawaro afiˈrate, Nohita halaalaancho xagge laˈno. Nohi heeˈrinohu seedu diri albaanniiti. Dancha mancho ikkinohura heeshshosi diro woˈma Yihowa fajjo assate sharramino. Hatte yannara noohu wolu manni kayinni bunshe loossannoreeti. Konni daafira Yihowa lolaho abbe busha manna baala hunannota Nohira kulisi. Hattono konni lolahinni Nohinna maatesi baˈannokki gede markaawe qixxeessara kulisi.—Kalaqo 6:9-18.

Nohinna maatesi markaawe qixxeessitu. Nohi lolahu daannohura mannu qorophanno gede kulirono, dimacciishshitinosi. Bunshe loosansa diagurtino. Nohi markaawe qixxeesse kai gedensaanni babbaxxitino saadanna gaxigalla markaawete giddora eessi, hattono isinna maatesi markaawete giddora eˈu. Hakkunni gedensaanni Yihowa biitete xeena dirrisi. Konne xeenano 40 barranna 40 hashsha gani. Lolahuno uullate aana noore baala egemmi.—Kalaqo 7:7-12.

 Bunshe woˈmitino manni heeshshonsa hooggu, Nohinna maatesi kayinni gattu. Yihowa Nohinna maatesi baotenni gatisensa bushuullu nookki uullara heedhanno gede assinonsa. (Kalaqo 7:22, 23) Qullaawu Maxaafi Yihowa suwinorenna dancha ikkinore assitannokkire galagale hunanno yanna dagganno yaanno. Danchare assitannori dibaˈanno. Gannate ikkitanno uullara hegerera heedhanno.—2 Pheexiroosi 2:5, 6, 9.

Yannankera batinyu manni bunshe assanno. Alamete aana qarru woˈmino. Yihowa marro marro hige farciˈraasinesi mannu qorophanno gede soyirono, rooru manni Qaalesi macciishsha dihasiˈrino. Bunshete doogonsanni higa dihasidhino. Maganu bushunna danchu hiikkonneetiro bade kulinore macciishsha dihasidhino. Konni mannira mayi iillannonsa? Barruyi mitto barra soorranta ikka? Batinyu disoorrantanno. Bunshe woˈmitinori baˈannotinna galagalte heedhannokkiti yanna dagganno.—Faarso 92:7.

Uulla dibaˈanno; hatteentenni gannate ikkitanno. Maganu jaalla ikkitannori baalu gannate ikkitanno uullara hegerera heedhanno.—Faarso 37:29.