Qara amadowa massie

Cinaanchu doorshiwa massie

Furchonniwa massie

Yihowa Farci'raasine

Sidaamu Afoo

Maatekki Hagiirru Noota Ikka Dandiitanno!

 GAFA 4

Woxe Amaxxinanni Gara

Woxe Amaxxinanni Gara

“Amaale heedhuro, somu qinaanno.”—Lawishsha 20:18

Maatenkera hasiisannore shiqishate ninke baalunkura woxu hasiisannonke. (Lawishsha 30:8) Qoleno, “woxu agarooshshe ikkanno.” (Mekibibi 7:12) Galteˈne ledo woxu daafira hasaawa shota ikka hooggaˈnera dandiitanno; ikkirono, woxu mereeroˈne qarra kalaqara wodhitinoonte. (Efesooni 4:32) Minaanninna minaama woxensa ma garinni horoonsiˈrannoro muranno wote mimmito ammananna buusama hasiissannonsa.

 1 SEEKKITINE HEDDINE SOMA FUSHSHIDHE

QULLAAWU MAXAAFI MAYYAANNO? “Kiˈne giddo gimbe miˈnara kae gudate ikkanno woxi noosironna teˈee afate balaxe ofolle fulanno woxe shallaqqannokkihu ayi no?” (Luqaasi 14:28) Woxeˈne hiittoonni horoonsidhinanniro mitteenni hasaawaˈne lowonta hasiissinote. (Amootsi 3:3) Maa hidha hasiissannoˈneronna mageeshshi woxe fushsha dandiitinanniro hasaabbine xaadisidhe. (Lawishsha 31:16) Mitto coye woxu nooˈne daafira calla hidha hasiissannoˈne yaa diˈˈikkino. Asalu giddora eˈinannikki gede qorophe. Angaˈne noo woxi aleenni ikkino coye hidhitinoonte.—Lawishsha 21:5; 22:7.

MAA ASSA DANDIITINANNI?

  • Hasiisannoˈnere baala hidhitinihu gedensaanni gatanno woxe hiissitinoro woyyannoro mitteenni hasaabbe

  • Fushshitinoonni woxi afidhinanni woxinni rooriha ikkiro, fulanno woxe ajishate soma fushshidhe. Lawishshaho, sagale hidhe itantenni mine qishiˈra dandiitinanni

 HEDOˈNE XAWISSINE COYIDHE, QUWANO SAˈINOONTE

QULLAAWU MAXAAFI MAYYAANNO? ‘Assitinannire baala Yihowa albaanni calla ikkikkinni mannu albaannino ammanantine asse.’ (2 Qorontoosi 8:21) Mageeshshi woxe afiˈrattoronna fushshattoro galtekkira maaxittokki kuli.

Woxu ledo xaado afidhinota jajjabba coyibba assatto yannara duuchanka wote galtekki ledo amaalami. (Lawishsha 13:10) Woxu daafira hasaawaˈne maateˈne giddo salaame heedhanno gede assitanno. Afiˈratto woxe umikkihu gede ikkikkinni maatete woxi gede assite hedi.—1 Ximootewosi 5:8.

MAA ASSA DANDIITINANNI?

  • Mimmitoho kultinikki mageeshshi woxe fushsha dandiitinanniro hasaabbine xaadisidhe

  • Woxu daafira hasaawate qarru kalaqama geeshsha agartinoonte