Qara amadowa massie

Maate Hagiirraame Assiˈrate Kaaˈlannohu Qaru Coyi Maati?

Maate Hagiirraame Assiˈrate Kaaˈlannohu Qaru Coyi Maati?

Ati maati yaatto?

  • baxilleho?

  • woxehonso?

  • wolereeti?

 QULLAAWU MAXAAFI TOGO YAANNO

“Hagiirraammu Maganu qaale macciishshite hajajantannoreeti!”—Luqaasi 11:28, Haaro Alame Tiro.

TENNE AMAALE HARUNSA MAATETE UYITANNO KAAˈLO

Addu baxille afiˈrate.—Efesooni 5:28, 29.

Mimmito ayirrisate.—Efesooni 5:33.

Teense heeˈrate.—Marqoosi 10:6-9.

 QULLAAWU MAXAAFI YAANNORE AMMANNEEMMO GEDE ASSANNONKERI NO?

Ee, ajayi ajeenna lamu coyi no:

  • Maate xintinohu Maganoho. Qullaawu Maxaafi, “baalanti maate . . . suˈma afidhanno” gede assinohu Magano Yihowa ikkinota kulanno. (Efesooni 3:14, 15) Togo yaa, maatete yinanniri noohu Yihowa kalaqino daafiraati yaate. Tenne afanke maaho kaaˈlitannonke?

    Lawishshaho, coommitino sagale shiqinsheenna ittanni heedhe tenne sagale coommishshino qimamma afa hasiˈrittoro, aye xaˈmatto? Hatte sagale qishshino mancho xaˈmattoti dihuluullissannote.

    Hatteente gede maate hagiirraame ikkitanno gede assitanno qimamma afate, maate xintinohuwa Yihowawa alba higa hasiissannonke.—Kalaqo 2:18-24.

  • Maganu kiˈnera assaawanno. Maate Yihowa Qaalisi widoonni aanno amaale afiˈrate sharrama hasiissannonsa. Mayira? “Korkaatuno isi kiˈnera assaawanno.” (1 Pheexiroosi 5:6, 7) Yihowa woyyaabbino heeshsho heedhinara lowonta hasiˈranno; qoleno aanno amaale diru dishaarannote!—Lawishsha 3:5, 6; Isayyaasi 48:17, 18.

 HANNI KONNE COYE HEDI

Dancha minaanna, dancha minaama woy dancha annanna ama ikka dandiinannihu hiittoonniiti?

Qullaawu Maxaafi tenne xaˈmora qolanno dawaro EFESOONI 5:1, 2 nna QOLASIYAASI 3:18-21 aana lai.