Qara amadowa massie

Cinaanchu doorshiwa massie

Furchonniwa massie

Yihowa Farci'raasine

Sidaamu Afoo

Qullaawu Maxaafi Xagge Roseemmo Maxaafa'ya

Xagge 107: Isxifaanoosi Kinnatenni Ganni

Xagge 107: Isxifaanoosi Kinnatenni Ganni

KUNI guluphphe noo manchi Isxifaanoosiiti. Isi ammanaminoho Yesuusi rosaanchooti. Kuneeti iso assinanni hee'noonnire lai! Kuni mannooti iso jajjabba kinnanni gantanni no. Insa Isxifaanoosi mayira gibbeetikka togo kinnatenni gantanni noohu? Hanni la'no.

Isxifaanoosi kinnatenni gannanni hee'noonni

Maganu, Isxifaanoosi hagiirsiissanno maalale assanno gede kaa'linosi. Kuri mannooti kayinni tenne dibaxxino; konni daafira mannaho halaale rosiisinohura isi ledo heewisantu. Ikkollana Maganu Isxifaanoosira lowo hayyo uyinosi daafira, kuri mannooti kaphpho rosiissanni keeshshitinota kuli. Insano tenne macciishshite wonanni roore hanqitu. Hakkiinnino amaddusi gedensaanni, isi aana kaphpho farci'ranno manna gamba assitu.

Kakkalaanote biili Isxifaanoosi, ‘Kuni yiniri halaaleho?’ yee xa'misi. Isxifaanoosino Qullaawu Maxaafinni qaale dancha gede asse kule, tenne xa'mora dawaro qoli. Hakkunni gedensaanni, bushu manni konni albaanni Yihowa masaalaano giwino gara kulinsa. Qoleno togo yiinsa: ‘Ki'ne hakko manni gedeereeti. Maganu soqqamaancho Yesuusa shitinoonni; Maganu higgeno diayirrissinoonni.’

Hatto yiita amma'note cimeeyye lowo geeshsha hanqitu! Hanqite suumensa ga'midhu. Isxifaanoosi kayinni iima hige lae togo yii: ‘Kuneeti Yesuusi iima annisira qiniiteenni ofolle nooha laummo!’ Hakkiinnino kuri mannooti angansanni macca cu'midhe Isxifaanoosiwa higge doddu. Amaddusihu gedensaanni goshooshshanni katamu gobbaanni fushshitusi.

Iimaanni uddidhino uddano fushshite, Saawuli yinanni wedellichchiwa wodhitu. Kuneeti Saawuli laitto? Hakkiinnino gamu mannooti Isxifaanoosi kinnatenni gantu. Misilete aana la''attonte gede, Isxifaanoosi guluphphe togo yee Magano huucci'ri: ‘Yihowa, tenne bunshensara qorichchishshootinsa.’ Isxifaanoosi gama manna amma'note cimeeyye dogginonsata afino. Hakkunni gedensaanni Isxifaanoosi reyi.

Mittu manchi atera bunshe assihero, ati qolte isira bunshe assatto? Woyi Maganu qorichchishannosi gede huuccatto? Isxifaanoosinna Yesuusi hatto diassitino. Insa bunshe assinonsa mannira nafa danchuulleho. Ninkeno insa lawishsha harunsino.

Soqqamaanote Looso 6:8-15; 7:1-60.



Xa'muwa

  • Isxifaanoosi ayeeti? Maganu iso ma assanno gede kaa'linosi?
  • Amma'note cimeeyye lowo geeshsha hanqitinohu Isxifaanoosi mayyeennaati?
  • Mannootu Isxifaanoosi goshooshshe katamu gobbaanni fushshite hiissitu?
  • Misilete aana, mannootu uduunne agaranni noo wedellichchi ayeeti?
  • Isxifaanoosi shinasira albaanni Yihowa mayyee huucci'ri?
  • Isxifaanoosi lawishsha harunsatenni, mittu manchi bunshe assinkero maa assa hasiissannonke?

Wole xa'muwa

  • Soqqamaanote Looso 6:8-15 nabbawi.

    Amma'note cimeeyye Yihowa Farci'raasineha farci'rote looso uurrisate manna mayite doggino? (Soq. Los. 6:9, 11, 13)

  • Soqqamaanote Looso 7:1-60 nabbawi.

    Isxifaanoosi Sanihediriini songo albaanni shiqi wote danchu duduwi daafira kaajje sharramanno gede kaa'linosihu maati? Isi lawishshinni ninke maa ronseemmo? (Soq. Los. 7:51-53; Ro. 15:4; 2 Xim. 3:14-17; 1 Phe. 3:15)

    Farci'rote loosonke giwanno mannira hiittoo lao heedhankera hasiisanno? (Soq. Los. 7:58-60; Maat. 5:44; Luq. 23:33, 34)