Qara amadowa massie

Furchonniwa massie

Xagge 106: Usuru Mininni Fultu

Xagge 106: Usuru Mininni Fultu

USURU mini saanqa fananni noo sokkaancho lai. Sokkaanchu usuru mininni fushshanni noori Yesuusi hawaariyaateeti. Insa usurantanno gede assinonsahu maatiro hanni la'no.

Sokkaanchu hawaariyaate usuru mininni fushshanni no

Yesuusi rosaanora qullaawu ayyaani dirrinku shiima yannalla sa'ino. Hakkunni gedensaanni mayi kalaqamikka? Mitto barra Pheexiroosinna Yohaannisi Yerusaalame Maganu minira hadhu. Martanno wote, ilaminku kayise laanshaawinohu mittu manchi nafara no. Maganu minira daanno manna woxe huucci'ranno gede, barru baala mannu iso duhe hakka abbanno. Isi Pheexiroosinna Yohaannisi laiti, woxe uyitasira huucci'ri. Kuri lamu hawaariyaate ma assitukka?

Insano uurrite konne buxichcho mancho la'u. Hakkiinnino Pheexiroosi togo yiisi: ‘Woxu dinoe; nooere kayinni eemmohe. Yesuusi su'minni gotti yite ha'ri!’ Hakkiinnino Pheexiroosi qiniitichcho angasinni amadisi; manchuno kubbe kae ha'rami. Mannu tenne laiti, lowo geeshsha xagge assiri; qoleno tenne maalalenni hagiidhi.

Pheexiroosino togo yii: ‘Ninke tenne maalale assinoommohu, Yesuusa reyotenni kayisino Magani wolqanniiti.’ Isinna Yohaannisi tenne coyidhanni heedheenna, amma'note cimeeyye daggu. Pheexiroosinna Yohaannisi Yesuusi reyotenni kainota mannaho kultanni noo daafira, cimeeyye hanqitu. Hakkiinnino amadde usuru minira eessitunsa.

Layinki barra amma'note cimeeyye songo songitu. Tini cimeeyye Pheexiroosinna Yohaannisi insa hursitu manchi ledo songonsawa abbitu. Hakkiinnino, ‘Tenne maalale assitinannihu mayi wolqanniiti?’ yite lamenka xa'mitu.

Tenne maalale assitinohu Yesuusa reyotenni kayisino Magani wolqanni ikkinota Pheexiroosi kulinsa. Kuri kakkalaano tini hagiirsiissanno maalale ikkitinota kaada dandiitannokki daafira, assitannori bainsa. Konni daafira lamenka layinkita Yesuusire coyidhinoonte yite ha'rissunsa.

Barru lexxanni ha'ri kiiro hawaariyaate Yesuusire farci'ranna xiwantinore hursa diagurtino. Assitino maalale duduwi gobba baala iilli. Konni daafira Yerusaalamete qooxeessira noo katammanni lowo manni xiwamino manna hursitanno gede hawaariyaatenniwa abbi. Amma'note cimeeyye konninni hinaasse, hawaariyaate amadde usuru minira eessitu. Ikkollana hawaariyaate usuru mine lowo yanna dikeeshshitino.

Koye misilete aana la''attonte gede, hashsha Maganu sokkaanchi daye usuru mini saanqa fani. Sokkaanchuno togo yiinsa: ‘Hadhine Maganu mine uurritine, konne qaale mannaho kulle.’ Layinki soodo amma'note cimeeyye hawaariyaate abbanno gede manna sokkanno wote, insa fulte ka'ino. Hakkiinnino sonki mannooti hawaariyaate Maganu mine rosiissanna affe, Sanihediriini yinanni songo hoowe abbitu.

Amma'note cimeeyye hawaariyaate togo yitunsa: ‘Layinkita Yesuusire rosiissinoonte yine seekkine kulloommo'ne. Ki'ne kayinni roso'ne Yerusaalame wonshitini.’ Hawaariyaateno, ‘Ninke mannunni roore Maganoho hajajama hasiissannonke’ yite qoltu. Konni daafira “dancha duduwo” mannaho kulansa diagurtino. Kuni ninkera dancha lawishsha di''ikkino?

Soqqamaanote Looso fooliishsho 3 kayise 5.



Xa'muwa

  • Mitto barra Pheexiroosinna Yohaannisi Maganu minira hadhanni heedheenna mayi tuncu yiinsa?
  • Pheexiroosi laanshaawino mancho mayyii? Qoleno woxunni roorannore maa assisi?
  • Amma'note cimeeyye mayira hanqitu? Hanqite Pheexiroosinna Yohaannisi ma assitu?
  • Pheexiroosi amma'note cimeeyye mayyii? Amma'note cimeeyye Pheexiroosinna Yohaannisi mayite qorowisiissu?
  • Amma'note cimeeyye hinaassinohu mayiraati? Lamunku hawaariyaate layinkita usurantuta kayinni mayi maikki?
  • Lamenka hawaariyaate Sanihediriini songowa abbinita mayite qoltu?

Wole xa'muwa

  • Soqqamaanote Looso 3:1-10 nabbawi.

    Xaa yannara maalale assineemmo wolqa aa hoonginkerono, Pheexiroosi Soqqamaanote Looso 3:6 aana coyi'rino qaali Maganu Mangiste sokka gotti assine la'neemmo gede kaa'lannonkehu hiittoonniiti? (Yoh. 17:3; 2 Qor. 5:18-20; Fil. 3:8)

  • Soqqamaanote Looso 4:1-31 nabbawi.

    Soqqansho fulle hee'neenna giwanno manni xaadinkero, umi sanira heedhinori Kiristaanu roduuwinke lawishsha harunsa dandiineemmohu hiittoonniiti? (Soq. Los. 4:29, 31; Efe. 6:18-20; 1 Tes. 2:2)

  • Soqqamaanote Looso 5:17-42 nabbawi.

    Bi'ree yannarano ikko xaatera, Maganu Farci'raasine ikkitinokkiri mitu mitu mannooti farci'rote looso lainohunni korkaatunni assaabbannore ikkansa leellishshinohu hiittoonniiti? (Soq. Los. 5:34-39)