Qara amadowa massie

Cinaanchu doorshiwa massie

Furchonniwa massie

Yihowa Farci'raasine

Sidaamu Afoo

Qullaawu Maxaafi Xagge Roseemmo Maxaafa'ya

Xagge 105: Yerusaalamete Mare Agadha

Xagge 105: Yerusaalamete Mare Agadha

KUNI misilete aana noo manni Yesuusi rosaanooti. Insa Yesuusi yiinota hajajante Yerusaalamete agadhitanni no. Baalunku agadhitanni heedheenna, mitturichchi lowo geeshsha luule mine wo'mi. Lowo geeshsha bubbissanno bubbe gede ikke luulannorichchooti. Hakkiinnino giirate buwano lawanno arrawi mittu mittunku rosaanchi umira dirri. Mittu mittunku umira noo giira laitto? Kuni baalu ikkinohu mayiraati?

Umi xibbi diri Kiristaanira qullaawu ayyaani dirranni no

Tini ikkito maalalete! Yesuusi iima Annisi ledo hee're, rosaanosira Maganunniha qullaawa ayyaana dirrisanni noo daafiraati. Kuni ayyaani ma assitanno gede kaa'linonsaro afootto? Insa baalunku addi addi qaalinni coyidhanno gede assino.

Yerusaalamete noohu lowo manni bubbete gede ikke luulannore macciishshe, maatiro la''ara dayi. Konni manni giddo gamu, Isiraeelenniha Phenxeqosxete ayyaana ayirrisara wole gobbanni dayinoho. Hakko wosinira kuni coyi mageeshsha xagge ikkinonsakka! Kuni manni uminsa qaalinni Maganu assinoha hagiirsiisanno coye rosaano coyidhanna macciishshino.

Wole gobbanni daggu mannooti togo yitu: ‘Kuni baalunku manni Galiilu mannaati; ikkina ninke gobbara coyi'nannihunni konni babbaxxino qaalinni coyidhannohu hiitto ikkiteeti?’

Hakkiinnino Pheexiroosi kuni ikkinohu hiittoonniitiro kulansara gotti yii. Isino qoonqosi gotti asse Yesuusa shinoonni garanna Yihowa reyotenni kayisinosi gara mannaho kuli. Togo yii: ‘Yesuusi xa iima Maganu qiniiteenni no. Kuneeti dirriseemmo yiinoha qullaawa ayyaana dirrisino. Tenne maalale la'inoonnihunna macciishshitinoonnihu iseraati.’

Pheexiroosi tenne coyi'rita, duuchchu mannooti Yesuusira iillino qarra macciishshite lowo geeshsha dadillitu. Konni daafira, ‘Xa ma assinokka?’ yite xa'mitu. Pheexiroosino, ‘Bunshete doogo'nenni higgine cuuamme’ yiinsa. Konni daafira hakko barra calla mito 3,000 ikkanno manni cuuame Yesuusi rosaano ikki.

Soqqamaanote Looso 2:1-47.



Xa'muwa

  • Misilete aana leellannonte gede, Yerusaalamete agadhitanni noorira Yesuusi harunsaanora mayi maikki?
  • Yerusaalame dayino wosinira xagge ikkinori maati?
  • Pheexiroosi mannaho maa xawise kuli?
  • Pheexiroosi coyi'ranna macciishshitu gedensaanni mannootaho mayi macciishshaminsa? Pheexiroosi qole ma asse yiinsa?
  • Phenxeqosxete barra yaano 33 M.D meu manni cuuamino?

Wole xa'muwa

  • Soqqamaanote Looso 2:1-47 nabbawi.

    Pheexiroosi Soqqamaanote Looso 2:23, 36 aana coyi'rino qaali, Yesuusi reyora Yihudu gosa gudisidhe xa'mantannota leellishannohu hiittoonniiti? (1 Tes. 2:14, 15)

    Qullaawa Borronni xiqise qummi assa lainohunni, Pheexiroosi dancha lawishsha ikkannonkehu hiittoonniiti? (Soq. Los. 2:16, 17, 29, 31, 36, 39; Qol. 4:6)

    Pheexiroosi, Yesuusi eemmohe yiinosiri ‘iimi mangiste makafachchuwa’ giddonni umiha horonsi'rinohu hiittoonniiti? (Soq. Los. 2:14, 22-24, 37, 38; Maat. 16:19)