Qara amadowa massie

Cinaanchu doorshiwa massie

Furchonniwa massie

Yihowa Farci'raasine

Sidaamu Afoo

Qullaawu Maxaafi Xagge Roseemmo Maxaafa'ya

Xagge 96: Yesuusi Xiwantinore Hursino

Xagge 96: Yesuusi Xiwantinore Hursino

YESUUSI mariwa baala, xiwantinore hursino. Isi assino maalale duduwi qooxeessaho noo olliiranna katamma baalate duduwami. Konni daafira mannu naafoota, balloota, danqootanna xiwantinore wole lowo mannoota Yesuusiwa abbi. Yesuusino baalanka hursinsa.

Yohaannisi Yesuusa cuuinku sasu diri saino. Yesuusi hawaariyaatesira mulenni Yerusaalame ha'rannota, hakko shinannisitanna hakkiinnino reyotenni ka''annota kulinsa. Ha'ra geeshsha kayinni xiwantinore hursanni keeshshi.

Yesuusi xiwantino mancho hursanni no

Mitto barra Yesuusi Sambatunni rosiisanni no. Yihudu mannira Sambatu fooliishshote barraati. Tini la''atto mancho lowo geeshsha xiwantino. Ise 18 diro wo'ma ukkite keeshshitino; hossi yite uurrite diaffanno. Konni daafira Yesuusi angasi aanaho woreenna hurte hossi yite uurritu!

Kuni coyi amma'note cimeeyye hanqisi. Insa mereerinni mittu hanqe, gamba yiino manna togo yii: ‘Loosi'nannihu lewu barri no. Konni daafira xiwani'nenni hura hasiissanno'nehu hakko barra ikkiina Sambatunni ikka dihasiissannosi!’

Ikkollana Yesuusi togo yee qoli: ‘Ki'ne bushuullu, mereeri'nenni Sambatunni harrichchosi tire waa hayikkisannokkihu no? Ikkina tini buxichcho mancho 18 diro wo'ma xiwantinoti hura dihasiissannose?’ Yesuusi qolino dawaro konne bushuulle manna saalfachchishshu.

Yannate gedensaanni Yesuusinna hawaariyaatesi Yerusaalame hadhu. Hadhanni Iyyaarkote katama sa'uta, lamu ballootu huucci'raano Yesuusi sa''anni noota macciishshitu. Hakkiinnino qoonqonsa gotti assite, ‘Yesuusa kaa'linke!’ yitu.

Yesuusino balloota woshshe, ‘Marichcho assammo'nera hasidhinanni?’ yee xa'minsa. Insano, ‘Mootichcha, illenke faninke’ yitu. Yesuusino illensa amammadi; insano hakkawotenni la'u! Yesuusi tenne hagiirsiissanno maalale baala assinohu mayiraatiro afootto? Korkaatuno manna baxanno daafiraatinna mannu iso amma'nanno gede hasi'reeti. Qoleno isi Nugusa ikke moohanno yannara uullate aana layinkita mittuno xiwamannokkita afa dandiineemmo.

Maatewoosi 15:30, 31; Luqaasi 13:10-17; Maatewoosi 20:29-34.



Xa'muwa

  • Yesuusi ha'ri bayichcho baalaho ma assino?
  • Yesuusi cuuamihunni sasu diri gedensaanni, hawaariyaatesira maa kuli?
  • Misilete aana noo mannooti ayeooti? Yesuusi manchote ma assino?
  • Yesuusi amma'note cimeeyyera qolino tumo saalfachchishshinonsahu mayiraati?
  • Yesuusinna hawaariyaatesi Iyyaarkote katama sa'uta, Yesuusi lamu ballootu huucci'raanora ma assi?
  • Yesuusi maalale assinohu mayiraati?

Wole xa'muwa

  • Maatewoosi 15:30, 31 nabbawi.

    Yesuusi assino maalale Yihowa wolqa leellishshannohu hiittoonniiti? Tini ikkito Yihowa haaro alame giddo eemmo'ne yiinore roore buunxeemmo gede assitannonkehu hiittoonniiti? (Far. 37:29; Isa. 33:24)

  • Luqaasi 13:10-17 nabbawi.

    Yesuusi Sambatunni xagge ikkitanno maalale assasi, Kumu Diri Gashshootisi yannara mannu oosora abbanno fooliishsho leellishshannohu hiittoonniiti? (Luq. 13:10-13; Far. 46:9; Maat. 12:8; Qol. 2:16, 17; Yo. Aj. 21:1-4)

  • Maatewoosi 20:29-34 nabbawi.

    Tini xagge Yesuusi manna kaa'late yanna hooge egenninokkita leellishshannohu hiittoonniiti? Ninke konninni maa ronseemmo? (Marro 15:7; Ya. 2:15, 16; 1 Yo. 3:17)