Qara amadowa massie

Cinaanchu doorshiwa massie

Furchonniwa massie

Yihowa Farci'raasine

Sidaamu Afoo

Qullaawu Maxaafi Xagge Roseemmo Maxaafa'ya

Xagge 100: Yesuusi Kaashshu Basera

Xagge 100: Yesuusi Kaashshu Basera

YESUUSINNA hawaariyaatesi fooqete mininni fultu gedensaanni, Geetesemaani yinanniwa kaashshu base hadhu. Konni albaanni hakko bayichcho duuchcha higge martino. Yesuusi hakkiichcho hawaariyaatesi baqqi yite agadhitanno gedenna huuccatto assidhanno gede kulinsa. Hakkiinnino insawiinni shiima geeshsha xeertire, albisinni uulla uwe huuccatto assiri.

Hakkiinnino Yesuusi hawaariyaatesi noowa dayi. Daanno wote insa ma assitanni nooha lawannohe? Goxxe no! Yesuusi sase hige baqqi yite agadhitanno gede kulinsa; insa kayinni isi maranno kiiro goxxe no. Yesuusi goofimarchoho dayitera togo yiinsa: ‘Togoo yannara hiitto goxxinanni? Diinna'ya amaddannoe yanna iillitino.’

Yesuusi coyi're ka''anni hee'reenna, lowo manni huuro macciishshantu. Kuneeti lai! Mannootu bise, dullanna caabbichcho adhite dagganni no! Mulira shiqqi yituta, insa giddonni mittu manchi fule Yesuusiwa mari. Koye misilete aana la''attonte gede, manchuno Yesuusa sunqi. Hakku manchi Asqorootu Yihudaati! Isi Yesuusa sunqinohu mayiraati?

Yihuda Yesuusa sayise hiranni no

Yesuusi togo yee xa'misi: ‘Yihuda, sunqittoehu sayisse aattoeraati?’ Yihuda sunqinohu maalatehooti. Korkaatuno ledosi noo mannooti isi sunqi manchi insa hasidhanni nooha Yesuusa ikkinota affanno gedeeti. Konni daafira Yesuusi diinna, amaddasira shiqqi yitu. Ikkollana Pheexiroosi kuri mannooti Yesuusa haadhe hadhannota hoolate ola kayisara hasi'rino. Adhe dayino bise fushshe, mulesi noo mancho gani. Biseno manchoho umo sodhe qiniitichcho maccasi murte tayissu. Yesuusi kayinni manchu macca amammade hursi.

Yesuusi Pheexiroosi togo yii: ‘Bise bayichchose qoli. Anni'ya kumunni kiirranni sokkaano soye gatisannoe gede xa'mira dandeemmota diafootto?’ Eewa xa'mira dandaanno! Ikkollana Yesuusi diinnasi amaddannosi yanna iillitinota afino daafira, Maganu mitto sokkaancho nafa soyasira dixa'mirino. Konni daafira mannootu amaddannasi sammi yii. Yesuusa amadde hiissituro hanni la'no.

Maatewoosi 26:36-56; Luqaasi 22:39-53; Yohaannisi 18:1-12.



Xa'muwa

  • Yesuusinna hawaariyaatesi fooqete mininni fulte hiikka hadhu? Isi insara ma assitanno gede kulinsa?
  • Yesuusi hawaariyaatesi noowa galagale higanno wote insa ma assitanni no? Insa goxxe heedheenna Yesuusi me''e hige dayi?
  • Yesuusinna hawaariyaatesi kaashshu basera heedheenna hakkira ayeoo daggu? Misilete aana la''attonte gede, Asqorootu Yihuda ma assi?
  • Yihuda Yesuusa sunqinohu mayiraati? Pheexiroosi ma assi?
  • Yesuusi Pheexiroosi mayyii? Yesuusi, Maganu mitto sokkaancho nafa soyaasira xa'mirinokkihu mayiraati?

Wole xa'muwa

  • Maatewoosi 26:36-56 nabbawi.

    Yesuusi rosaanosi seejjino gari, xaa yannara Kiristaanu cimeeyyera dancha lawishsha ikkannohu hiittoonniiti? (Maat. 20:25-28; 26:40, 41; Gal. 5:17; Efe. 4:29, 31, 32)

    Manna gawajjate bagado horonsi'ra lainohunni, Yesuusira mayi lao noosi? (Maat. 26:52; Luq. 6:27, 28; Yoh. 18:36)

  • Luqaasi 22:39-53 nabbawi.

    Yesuusi Geetesemaanete kaashshu basera hee'reenna mittu sokkaanchi iso jawaachchishara daasi, hakkawote Yesuusira ammana xe'inota leellishshannoni? Xawisi. (Luq. 22:41-43; Isa. 49:8; Maat. 4:10, 11; Ibi. 5:7)

  • Yohaannisi 18:1-12 nabbawi.

    Yesuusi rosaanosi giwannonsa manni anganni gatisinonsahu hiittoonniiti? Ninke konni lawishshinni maa ronseemmo? (Yoh. 10:11, 12; 18:1, 6-9; Ibi. 13:6; Ya. 2:25)