Qara amadowa massie

Cinaanchu doorshiwa massie

Furchonniwa massie

Yihowa Farci'raasine

Sidaamu Afoo

Qullaawu Maxaafi Xagge Roseemmo Maxaafa'ya

Xagge 81: Maganu Kaa'lo Addaxxa

Xagge 81: Maganu Kaa'lo Addaxxa

BAABILOONETE kae seeda doogo ha're Yerusaalame iillino manni lowo kume ikkanno. Ikkollana kuni manni maranno wote, Yerusaalame gudisante giirantino daafira, lowo geeshsha ontino. Hakko mittu manchino dihee'ranno. Isiraeelete gosa duuchchankare galagalte biddi assa hasiissannonsa.

Isiraeelete gosa balaxxe seekkitinori giddo mittu kakkalote bayichchooti. Kakkalote bayichchi insa Yihowara saada gorrite kakkaltanno baseeti. Agannate gedensaanni, Isiraeelete manni Maganu mine mina hanafi. Ikkollana qooxeessinsara noo gobbara heedhanno diinna insa Maganu mine mintannota dibaxxino. Konni daafira mine mintannota hooltara insa waajjishiisha hanaffu. Gedensaannino tini diinna Faarsiha haaro nugusa minu minama uurrara seera fushshanno gede assitu.

Xa lowo diri saino. Isiraeelete manni Baabiloonetenni dayinku 17 diro ikkino. Yihowa Isiraeelete gosa mine galagalte mintanno gede kultara masaalaanosi Hagenna Zakkaariyasi soyi. Mannuno Maganu kaa'lo addaxxe masaalaanote hajajami. Fushshinoonni seeri minnannita hoolannoha ikkirono, mannu kayinni galagale mina hanafi.

Konni daafira Tentinayi yinannihu Faarsi gashshaanchi daye, Maganu mine ayi minne yiinonsaro Isiraeele xa'mi. Isiraeeleno insa Baabiloonete noo waro Nugusu Qiroosi, ‘Xa Yerusaalame hadhine, Magani'neha Yihowa mine minne’ yiinonke yite kultusi.

Tentinayi, Qiroosi lubbote noo waro addinta togo yiinoronna yiinokkiro afara Baabiloonete gobba sokka soyi. Faarsihu haaru nugusi sokka mulenni qole soyi. Soyino sokka Qiroosi mine minne yiinota kultannote. Nugusu qoleno togo yee soyi: ‘Isiraeele Maganinsa mine mintona aguri. Atino kaa'linsa yee hajajoommohe.’ Shoolu dirinni Maganu mini miname goofi; Isiraeeleno lowo geeshsha hagiidhitu.

Xaano lowo diri sai. Maganu mine minne gundinku 48 diro ikkino. Yerusaalamete noo manni buxanete; katamuno ikko Maganu mini hakkeeshshi geeshsha dixu'mino. Baabiloonete gobbara gatinohu Isiraeelete manchi Izira, Maganu mine biifisa hasiissinota afi. Konni daafira maa assinoro afootto?

Izira Faarsi nugusa Arxekisisi coyishiishara ha'ri; hakkiinnino kuni danchu nugusi Izira Yerusaalame haare ha'ranno gede lowo elto uyi. Izirano Baabiloonete nooha Isiraeelete manna konne uduunne Yerusaalame massa kaa'le''e yii. Mito 6,000 ikkanno manni kaa'lineemmo yii. Insa Yerusaalame haadhe hadhannohu lowo birri, worqenna wolu muxxe ikkinori no.

Doogote bushuullu manni noo daafira, Izira dadilli. Kuni manni birransanna worqensa mulqi're, insano shaara dandaanno. Konni daafira, misilete aana la''attonte gede Izira manna gamba assi. Hakkiinnino Yerusaalame hadhanno wote Yihowa gawajjotenni agarannonsa gede huuccatto assidhu.

Iziranna ledosi noo manni huuccatto assi'ranni no

Yihowano gawajjotenni agarinsa. Insano shoole agana hadhanni keeshshitu gedensaanni, Yerusaalame keerunni iillitu. Yihowa kaa'lannonsa gede iso addaxxitannore agara dandaannota tini xagge dileellishshanno?

Izira fooliishsho 2 kayise 8.



Xa'muwa

  • Baabiloonetenni kae seeda doogo ha're Yerusaalame iillino manni mageeshshiho? Insa martanno wote kayinni mayi maikkino?
  • Isiraeelete manni Yerusaalame mare iilliti maa mina hanafi? Diinnansa kayinni ma assitu?
  • Hagenna Zakkaariyasi ayeeti? Insa mannaho maa kultu?
  • Tentinayi sokka Baabiloone soyinohu mayiraati? Isira hakkiinni mayitanno dawaro sonkisi?
  • Izira Maganu mine gatamara hasiissinota afiti ma assi?
  • Misilete aana la''attonte gede, Izira huuccatto assanni noohu mayiraati? Huuccattosira dawaro afi'rinohu hiittoonniiti? Tennenni ninke mayi roso afi'neemmo?

Wole xa'muwa

  • Izira 3:1-13 nabbawi.

    Kiristaanu songo nookki qooxeessira hee'nummoro, maa assanke sufa hasiissannonke? (Izira 3:3, 6; Soq. Los. 17:16, 17; Ibi. 13:15)

  • Izira 4:1-7 nabbawi.

    Amma'na karsiisa giwa lainohunni Zerubaabeeli Yihowa dagara lawishsha ikkannohu hiittoonniiti? (Wol. 34:12; 1 Qor. 15:33; 2 Qor. 6:14-17)

  • Izira 5:1-5, 17 nna 6:1-22 nabbawi.

    Maganu manna gibbannori, Maganu mine minnannita hoola hoogginohu mayiraati? (Izira 5:5; Isa. 54:17)

    Yihudootunnihu jajjabbu manni assinori, Kiristaanu cimeeyye Maganu daga gibbannori tuncu yitannonsa wote Yihowa biddishsha harunsitanno gede lawishsha ikkannonsahu hiittoonniiti? (Izira 6:14; Far. 32:8; Ro. 8:31; Ya. 1:5)

  • Izira 8:21-23, 28-36 nabbawi.

    Mitto coye assa hanafankera albaanni, Iziriha hiikkonne dancha lawishsha harunsa dandiineemmo? (Izira 8:23; Far. 127:1; Law. 10:22; Ya. 4:13-15)