Qara amadowa massie

Furchonniwa massie

Yihowa Farci'raasine

Afoo doodhi Sidaamu Afoo

Xagge 53: Yoftahe Eino Qaale

Xagge 53: Yoftahe Eino Qaale
Yoftahe ilino beetto

MITTORICHCHO assate eootto qaali wonshate qarrise egenninohe? Koye misilete aana la''atto manchi hattoori iilleennasi dadillanni no. Kuni manchi Yoftahe yinanniho; isi worba Isiraeelete mesaafintichchooti.

Yoftahe hee'rinohu Isiraeele Yihowa magansi'ra agurtino warooti. Hakkawarono Isiraeele bunshe assitanni no. Konni daafira Yihowa Amooni manni insa qasanno gede aguri. Konni daafira Isiraeele Yihowawa higge, ‘Ate aana cubbo loonsoommo. Eeggatena gatisinke!’ yite raartu.

Yoftahenna mannisi

Isiraeele assitino bunshenni gaabbitu. Yihowa galagalte magansidhe gaabbitinota leellishshu. Konni daafira Yihowa xaano kaa'linsa.

Insano bushuulle Amooni manna qasate Yoftahe doodhitu. Yoftaheno Yihowa olaho kaa'lannosi gede lowo geeshsha hasi'ri. Konni daafira togo yee Yihowara qaale ei: ‘Amooni manna qeeleemmo gede kaa'littoero, qeele higeemmo wote mini'yanni balaxe fule anewa daannoha atera eemmohe.’

Yihowano Yoftahe eino qaale macciishshe, ola qeelanno gede kaa'lisi. Yoftahe qaesi higita mininni balaxe fule isiwa marinohu ayeetiro afitto? Mitte afi'rino beettooti. Yoftahe qoonqosi gotti asse, ‘Ane beetto'ya!’ yii. Qoleno, ‘Dadillu aana tugittae; Yihowara agureemmokki qaale eoommona’ yii.

Yoftahe beetto annise eino qaale affuti, umi qara iseno dadillitu. Korkaatuno annisenna jaallasewiinni baxxitaraati. Heeshshose diro wo'ma Seelo noo Yihowahu xaadooshshu dunkaani giddo isira soqqantaraati. Konni daafira annase, ‘Yihowara qaale eootto ikkiro qaalekki wonsha hasiissannohe’ yitu.

Hakkiinnino Yoftahe beetto Seelo hadhe, gatinoha heeshshose diro wo'ma Yihowara xaadooshshu dunkaani giddo soqqantu. Diru dirunku shoole barra Isiraeelete meenti isewa ha'ranno; hakkono mitteenni hagiidhanno. Yoftahe beetto dancha Yihowa soqqamaancho ikkitino daafira, mannu baxannose.

Mesaafinti 10:6-18; 11:1-40.



Xa'muwa

  • Yoftahe ayeeti? Isi hee'rinohu mamarooti?
  • Yoftahe Yihowara mayi qaale ei?
  • Yoftahe Amooni manna qeele qae higi yannara mayira dadilli?
  • Yoftahe beetto annise eino qaale affuti mayitu?
  • Mannu Yoftahe beetto baxannohu mayiraati?

Wole xa'muwa

  • Mesaafinti 10:6-18 nabbawi.

    Isiraeele Yihowara ammanantinokkire ikkitinota kultanno xaggenni, ninke mayi qorowishsha afi'neemmo? (Mes. 10:6, 15, 16; Ro. 15:4; Yo. Aj. 2:10)

  • Mesaafinti 11:1-11, 29-40 nabbawi.

    Yoftahe beettosi “giirre shiqinshanni kakkalo” asse shiqishi wote, ise umose giire shiqishinokkita mayinni anfeemmo? (Mes. 11:31; Zel. 16:24; Marro 18:10, 12)

    Yoftahe beettosi kakkalo asse shiqishinohu ma garinniiti?

    Yoftahe Yihowara eino qaalira noosi laonni mayi roso afi'neemmo? (Mes. 11:35, 39; Mek. 5:4, 5; Maat. 16:24)

    Yoftahe beetto wedella ikkitino Kiristaani wo'ma yanna soqqansho soqqantanno gede dancha lawishsha ikkitannohu hiittoonniiti? (Mes. 11:36; Maat. 6:33; Fil. 3:8)