Qara amadowa massie

Cinaanchu doorshiwa massie

Furchonniwa massie

Yihowa Farci'raasine

Sidaamu Afoo

Qullaawu Maxaafi Xagge Roseemmo Maxaafa'ya

Xagge 49: Arrishsho Noowa Uurritu

Xagge 49: Arrishsho Noowa Uurritu

KUNEETI Iyyaasu lai. Isi togo yaanni no: ‘Arrishsho, noottawa uurri!’ Arrishshono noowa uurritu. Mitto barra wo'ma gordu mereero uurrite hossu. Hatto ikkitanno gede assinohu Yihowaati! Kayinni Iyyaasu arrishsho xabbanni hossara hasi'rinohu mayiraatiro hanni la'no.

Arrishsho

Kana''aani gobbara heedhannori ontu nugussa Gebaooni manna qasa hanaffuta, Gebaooni manni Iyyaasuwa kaa'lote mitto mancho soqqitu. Manchuno mare, ‘Rakkine iillenke! Gatissenke! Ilaalaame gobbara heedhanno nugussa baalanti ninke soqqamaano'ne qassara dagginona’ yee kulisi.

Hakkawotenni Iyyaasunna wottaaddarisi hadhu. Hashsha wo'ma hadhanni galtu. Marte Gebaooni iillituta onte nugussa wottaaddari waajje xooqa hanafi. Hakkiinnino Yihowa iiminni du'muulle kaade dirrisi; Iyyaasu wottaaddari shiinonkunni, kaade gante roore wottaaddara shitu.

Iyyaasu

Hakko mereero Iyyaasu arrishsho e'ara ka'inota lai. Tunseenna onte nugussa wottaaddari xooqe ba''araati. Iyyaasu Yihowa huucci'ri gedensaanni, ‘Arrishsho, noottawa uurri!’ yiinohu iseraati. Hakkiinnino arrishsho xabbanni keeshshituta, Isiraeele ola qasante qeeltu.

Kana''aani gobbara Maganu manna gibbannori wolootuno haammata nugussa no. Iyyaasunna wottaaddarisi hatte gobbara noore 31 nugussa lewu diri giddo qasse qeeltu. Hakkunni gedensaanni Iyyaasu Kana''aani gobba, baatto afidhinokki Isiraeelete ga'rera beenkanni gede assi.

Lowo diri sai gedensaanni, Iyyaasu 110 dirisinni reyi. Isinna jaallasi lubbote noo diro wo'manka Isiraeelete manni Yihowara hajajamino. Kuni danchu manni reyi gedensaanni kayinni, mannootu busha coye assite qarru aana ubbu. Maganu kaa'lannonsa gede hasidhinohu tenne yannaraati.

Iyyaasu 10:6-15; 12:7-24; 14:1-5; Mesaafinti 2:8-13.



Xa'muwa

  • Misilete aana Iyyaasu mayyaanni no? Mayira?
  • Yihowa Iyyaasunna wottaaddarasi kaa'linohu hiittoonniiti?
  • Iyyaasu me''e diinna qase qeelino? Mageeshshi yanna giddo qeelino?
  • Iyyaasu Kana''aani gobba beehinohu mayiraati?
  • Iyyaasura reyi wote me''e diro ikkinosi? Isi reyi gedensaanni mannu ma assi?

Wole xa'muwa

  • Iyyaasu 10:6-15 nabbawi.

    Yihowa Isiraeelete manna kaa'late arrishshonna aganu noowa uurranno gede assinota afanke, xaa yannara iso addaxxineemmo gede assitannonkehu hiittoonniiti? (Iya. 10:8, 10, 12, 13; Far. 18:3; Law. 18:10)

  • Iyyaasu 12:7-24 nabbawi.

    Isiraeele Kana''aani gobbara heedhannore 31 nugussa qeeltanno gede assinohu ayeeti? Xaa yannara ninke tenne afa hasiissannonkehu mayiraati? (Iya. 12:7; 24:11-13; Marro 31:8; Luq. 21:9, 25-28)

  • Iyyaasu 14:1-5 nabbawi.

    Isiraeelete ga'rera baatto beenkoonnihu hiittoonniiti? Dagganno Gannatera heedhanno ragge lainohunni, tini maa leellishshanno? (Iya. 14:2; Isa. 65:21; Hiz. 47:21-23; 1 Qor. 14:33)

  • Mesaafinti 2:8-13 nabbawi.

    Iyyaasu Isiraeelete waro assi gede, xaa yannara songote giddo kaadaasine seejjannohu ayeeti? (Mes. 2:8, 10, 11; Maat. 24:45-47; 2 Tes. 2:3-6; Tit. 1:7-9; Yo. Aj. 1:1; 2:1, 2)