Qara amadowa massie

Furchonniwa massie

Yihowa Farci'raasine

Afoo doodhi Sidaamu Afoo

Xagge 48: Hayyoota Gebaooni Manna

Xagge 48: Hayyoota Gebaooni Manna

KANA''AANI gobbara heedhanno katammara noo manni gudisire Isiraeele qasate kaino. Insa duuchchunku Isiraeelete manna qeeltannoha lawinonsa. Qooxeessaho hee'rannohu Gebaooni katami manni kayinni hatto yee dihedino. Kuni manni Maganu Isiraeele kaa'lanni noota ammanino; konni daafira Maganu ledo qasama dihasi'rino. Konnira Gebaooni manni ma assiro afitto?

Insa xeerto gobbanni dagginore labbe leellate heddu. Konni daafira, insa giddonni gamu mannooti tatta'ino uddano uddidhu; tatta''ino caammano wodhitu. Qolteno tatta'ino dooniyyuwa harrete hogobbu; hattono keeshshinoha moolino tima sinqisidhu. Hakkiinnino Iyyaasuwa marte, ‘Bayiru Magani'ne Yihoware macciishshine xeerto gobbanni dangoommo. Magani'ne Gibitsete gobbara assino'nere baala macciishshinoommo. Konni daafira massaggannonke mannooti, doogora shiima sinqe adhine dange ki'ne togo yineemmo gede sokkinonke: “Ninke soqqamaano'neeti. Kiˈne ledo diqasammeemmo yitine qaale e'enke.” Ha'ne dangoommo doogo seeda ikkitino daafira, kuneeti uddanonke tatta'ino garanna timinke keeshshe moolino gara la'e’ yitu.

Iyyaasunna wolootu massagaano Gebaooni mannooti yitinore ammantu. Konni daafira diqanseemmo'ne yite qaale e'u. Ikkollana sasu barri gedensaanni Gebaooni manni qooxeessinsara hee'rannoha ikkinota affu.

Iyyaasuno, ‘Xeerto gobbanni dangoommo mayira yitini?’ yee xa'minsa.

Gebaooni mannino, ‘Hatto yinoommohu, Magani'ne Yihowa tenne Kana''aani gobba wo'ma aa'nera qaale einota macciishshineeti. Konni daafira shitinanninke yine waajjinummo’ yitu. Ikkollana Isiraeele e'ino qaale agadhitu; Gebaooni manna shaa agurte, soqqamaanonsa assidhu.

Yerusaalamete nugusi, Gebaooni manni Isiraeelete ledo jaalooma kalaqi'rino daafira hanqi. Konni daafira, wole shoole nugussa, ‘Daggine Gebaooni manna qasa kaa'le''e’ yii. Hakkiinnino ontunku nugusi Gebaooni manna qassu. Tini nugussa qassannonsa gede assitino Isiraeele ledo, Gebaooni manni jaaloo'mansa hayyimmate? Tenne hajore albaange ronseemmo.

Iyyaasu 9:1-27; 10:1-5.

Iyyaasunna Gebaooni gosa


Xa'muwa

  • Gebaooni manni, qooxeessinsara noohunni Kana''aani manninni baxxannohu mayinniiti?
  • Misilete aana la''attonte gede, Gebaooni manni ma assi? Mayira?
  • Iyyaasunna wolootu massagaano Gebaooni mannira mayite qaale e'u? Sasu barri gedensaanni kayinni ma affu?
  • Wole katammara noo nugussa, Gebaooni manni Isiraeelete ledo jaaloominota affuti ma assitu?

Wole xa'muwa

  • Iyyaasu 9:1-27 nabbawi.

    Yihowa “gobbate heedhanno daga baalanta huntanno gede” Isiraeele hajajinoha ikkirono, Gebaooni manna gawajjotenni gatisasi hiittee amallasi leellishshanno? (Iya. 9:22, 24; Maat. 9:13; Soq. Los. 10:34, 35; 2 Phe. 3:9)

    Iyyaasu Gebaooni mannira eino qaale agadhasi, xaa yanna Kiristaanira mayi roso uyitanno? (Iya. 9:18, 19; Maat. 5:37; Efe. 4:25)

  • Iyyaasu 10:1-5 nabbawi.

    Xaa yannara batinynyu manni Gebaooni manni lawishsha harunsa dandaannohu hiittoonniiti? Konne lawishsha harunsansanni mayi qarri iillannonsa? (Iya. 10:4; Zek. 8:23; Maat. 25:35-40; Yo. Aj. 12:17)