Qara amadowa massie

Cinaanchu doorshiwa massie

Furchonniwa massie

Yihowa Farci'raasine

Sidaamu Afoo

Qullaawu Maxaafi Xagge Roseemmo Maxaafa'ya

Xagge 28: Qaaqqu Muse Reyotenni Gatino Gara

Xagge 28: Qaaqqu Muse Reyotenni Gatino Gara

KUNEETI danqu qaaqqi wi'lanni beettote angichcho amadanna lai. Kuni qaaqqi Museeti. Tini xuma beetto ayiitiro afootto? Feeriooni ilino beettooti; iseno Gibitsete mootitteeti.

Feeriooni beetto Muse maanxoonniwiinni afidhu wote

Muse ama qaaqqose Gibitsete manni shaannokki gede, maaxxe sase agana keeshshitu. Ikkollana Muse mannu afara dandaanno yite waajjite, iso gatissara assitinore hanni la'no.

Gimboola haadhe wayi eannokki gede assite seekkitu. Hakkiinnino Muse hakko giddo worte, Nayili Lagi mule massite haqalu giddo wortu. Muse rodoo Maariyaami, qooxeessaho uurrite ikkannore la'anno gede amase kultuse.

Hakkawotenni Feeriooni beetto hayishshidhara Nayili Laga daggu. Hedeweelcho haqalu giddo gimboola la'u. Soqqamannose seenni giddo mitte woshshite, ‘Kooee gimboola abbie’ yitu. Nugusu beetto gimboola fantu wote, xumu qaaqqi giddo no! Qaaqquno wi'lanni noo daafira marartusi. Shinasirano dihasidhino.

Hakkunni gedensaanni Maariyaami daggu. Kuneeti ise dagganna misilete aana lai. Maariyaami Feeriooni beetto, ‘Qaaqqo qansite lossitannoheta Isiraeelete mancho mare woshshoheni?’ yite xa'mituse.

Feeriooni beettono, ‘Ee woshshie’ yitu.

Konni daafira Maariyaami amasera kultara doddu. Muse ama dagguta Nugusu beetto, ‘Konne qaaqqo qansite lossie; lossootta waaga eemmahena’ yituse.

Konni daafira Muse ama qaaqqose lossitu. Gedensaanni Muse lophphita, iso umise qaaqqo assidhinotewa Feeriooni beettowa massitu. Muse Feeriooni mine lophphinohu togoonniiti.

Wolaphpho 2:1-10.



Xa'muwa

  • Misilete aana noo qaaqqi ayeeti? Isi aye angichcho amaxxe no?
  • Muse ama iso shinannita gatisate ma assitu?
  • Misilete aana nooti shiima beetto ayeeti? Ise maa assitino?
  • Feeriooni ilino beetto qaaqqo affuta, Maariyaami mayituse?
  • Nugusu beetto Muse amara mayitu?

Wole xa'mo

  • Wolaphpho 2:1-10 nabbawi.

    Muse ama isi qaaqqu hee'reenna qajeelshatenna rosiisate injo afidhuhu hiittoonniiti? Kuni xa noo annuwanna amuwa maa rosiisanno? (Wol. 2:9, 10; Marro 6:6-9; Law. 22:6; Efe. 6:4; 2 Xim. 3:15)