Qara amadowa massie

Cinaanchu doorshiwa massie

Furchonniwa massie

Yihowa Farci'raasine

Sidaamu Afoo

Qullaawu Maxaafi Xagge Roseemmo Maxaafa'ya

Xagge 21: Yooseefi Roduuwisi Gibbusi

Xagge 21: Yooseefi Roduuwisi Gibbusi

BEETTU yaadinonna hexxo mudhino gara lai. Kuni beetti Yooseefiiti. Roduuwisi kuri Gibitse hadhanno mannootira hirte ka'inosi. Yooseefi hakko massite borojjichcho assitaraati. Yooseefi ledo amatenni xaaddannokki roduuwisi rodiinsara tenne bunshe assituhu mayiraati? Korkaatuno Yooseefi hinaassinohuraati.

Roduuwisi Yooseefi hirtanni noosi

Anninsa Yaaqoobi, Yooseefi lowo geeshsha baxannosi. Konni daafira, biifado uddano gowisiisisi. Yooseefiri 10 bayiruuddu roduuwi Yaaqoobi baxannosi gara la'uti, Yooseefi hinaassunna gibbu. Ikkollana Yooseefi gibbinohu konnira calla di''ikkino.

Yooseefi lame haaqe haaqiirino. Lamente haaqera roduuwisi sagaddannasi laino. Yooseefi roduuwisira tenne kulinsata, roore gibbusi.

Mitto barra, Yooseefiri bayiruuddu roduuwi anninsa gereewo allaaltanni noowa, roduuwisi noo gara laˈˈanno gede Yaaqoobi Yooseefi fushshe soyi. Roduuwisi isi daanna la'uti, gamu, ‘Amme shinona!’ yitu. Bayiru rodiinsa Roobeeli kayinni, ‘Dee'ni, hatto assitinoonte!’ yii. Insano shaa agurte, dukke wayi nookki balera tuggu. Hakkunni gedensaanni, hiitto assitannoro amaalamate ofoltu.

Amaalantanni heedheenna, Isimaeelete manni ha'ranni dayi. Yihuda isi ledo amatenni xaaddannokki roduuwasi togo yii: ‘Amme Isimaeelete mannira hirrona.’ Insano isi yii gede assitu. Yooseefi 20 birrira hirtu. Togo assansa lowo geeshsha kaajjillu wo'mino assooteeti!

Tini ooso anninsara mayitaraati? Meichcho gorrite Yooseefita biifado uddano mundeetenni marro marro qolte cuu'u. Hakkiinnino cuu'ino uddano anninsa Yaaqoobiwa massite, ‘Tenne anfoommo; Yooseefiteronna te'ee hanni lai’ yitu.

Yaaqoobino uddano Yooseefita ikkitinota afi. ‘Yooseefi kawoote moyichchulla itino,’ yee wi'li. Yooseefi roduuwino anninsa hatto yee hedara hasidhino. Yaaqoobi lowo geeshsha xissiisi'ri. Lowo barrano wi'li. Ikkollana Yooseefi direyino. Massinisi gobbara mayi iillisiro hanni laˈno.

Kalaqo 37:1-35.



Xa'muwa

  • Yooseefi roduuwisi hinaassuhu mayiraati? Hinaasse marichcho assitu?
  • Yooseefi roduuwi iso hiissitara hasidhu? Roobeeli kayinni mayyii?
  • Isimaeelete daddalaano hadhanni dagguta mayi maikki?
  • Yooseefi roduuwi anninsa Yooseefi reyino yee hedanno gede assate ma assitu?

Wole xa'muwa

  • Kalaqo 37:1-35 nabbawi.

    Songote giddo loonsoonni cubbo kula lainohunni, Kiristaanu Yooseefi lawishsha harunsa dandaannohu hiittoonniiti? (Kal. 37:2; Zel. 5:1; 1 Qor. 1:11)

    Yooseefira roduuwisi diinna ikkitanno gede assinonsahu maati? (Kal. 37:11, 18; Law. 27:4; Ya. 3:14-16)

    Shii'niro assa gara ikkino coyi, Yaaqoobi assinohu maati? (Kal. 37:35)