Qara amadowa massie

Cinaanchu doorshiwa massie

Furchonniwa massie

Yihowa Farci'raasine

Sidaamu Afoo

Heeshshonna Soqqansho —Xiinxallote Maxaaficho

  |  Woxawaajje 2016

 KIRISTAANU HEESHSHORA

Soqqanshonke Isilanchimma Woyyeessiˈra—Qullaawu Maxaafi Rosaano Insaneeto Maganoho Sayisse Uyitanno Gedenna Cuuantanno Gede Kaaˈla

Soqqanshonke Isilanchimma Woyyeessiˈra—Qullaawu Maxaafi Rosaano Insaneeto Maganoho Sayisse Uyitanno Gedenna Cuuantanno Gede Kaaˈla

HASIISSANNOHU MAYIRAATI? Qullaawu Maxaafi rosaano Yihowa hagiirsiisate insaneeto isira sayisse aanna cuuama hasiissannonsa. (1Ph 3:21) Insaneeto Yihowara sayisse uyitu wote eˈino qaali garinni heedhannori ayyaanaamittete agarooshshe afidhanno. (Fa 91:1, 2) Mittu Kiristaanchi heeshshosi sayise aannohu Yihowaraati ikkinnina mannaho, loosoho woy dirijjitete diˈˈikkino. Konni daafira, rosaanote Maganoho noonsa baxillinna galati lexxanno gede kaaˈla hasiissannonke.—Ro 14:7, 8.

TENNE ASSA DANDIINANNI GARA:

  • Xiinxallissinanni wote, hasaabbinanni coyi Yihowa daafira maa kulannoro hasaabbe. Qullaawa Maxaafa barru baala nabbawanno gedenna ‘agurikkinni’ woy ganye Yihowa huucciˈranno gede jawaachishisi.—1Te 5:17; Ya 4:8

  • Rosaanchiˈne isonooto Maganoho sayise aanna cuuama ayyaanaamittete mixosi assiˈranno gede jawaachishshe. Qoleno, tenne mixosi wonshiˈrate kaaˈlannosire lawishshaho gambooshshu yannara hedosi coyiˈranna qachisira woy loosu bayicho farciˈra lawinore assanno gede kaaˈlesi. Kayinni, Yihowa aye manchono isira soqqamanno gede giddeessannokkita qaagi. Meessaneeto Maganoho sayise aa banxe assineemmoreeti.—Mar 30:19, 20

  • Rosaanchiˈne Yihowa hagiirsiisatenna cuuamate ikkado ikkate biddi assiˈra hasiissannosire biddi assiˈranno gede jawaachishshe. (La 27:11) Qullaawu Maxaafi rosaanchihu mitu akatinna rosichi adhe lophinoha ikkanno daafira, akkala mannimma fushshe hoole haaro mannimma uddiˈranno gede agurrikki kaaˈla hasiissannoha ikkara dandaanno. (Ef 4:22-24) Agarooshshu Shaera fulannohu “Qullaawu Maxaafi Mannu Heeshsho Soorre Biddi Assanno” yaanno birxichi giddonni mito kullesi

  • Yihowara soqqantine afidhinoonni hagiirre kullesi.—Is 48:17, 18