Qara amadowa massie

Cinaanchu doorshiwa massie

Furchonniwa massie

Yihowa Farci'raasine

Sidaamu Afoo

Heeshshonna Soqqansho —Xiinxallote Maxaaficho

  |  Sadaasa 2017

 KIRISTAANU HEESHSHORA

Soqqanshonke Isilanchimma Woyyeessiˈra—Qoqqowinkera Heeˈranno Manna Baala Hasaawisa

Soqqanshonke Isilanchimma Woyyeessiˈra—Qoqqowinkera Heeˈranno Manna Baala Hasaawisa

TOGO ASSA HASIISSANNOHU MAYIRAATI? Zekkaariyaasi, addi addi afoo coyiˈranno manni Maganu Mangisteha dancha duduwo macciishshe adhannota masaalino. (Za 8:23) Ikkina insara dancha duduwo ayi kulanno? (Ro 10:13-15) Qoqqowinkera heeˈranno manni baalaho Maganu Mangisteha dancha duduwo kulate qoossonna qeechi noonke.—od-AM 84 guf. 10-11.

TOGO ASSA DANDIINANNIHU HIITTOONNIITI?

  • Balaxxe qixxaawi. Wole afoo coyirano manninni xaadattohalla ikki? JW Laanguweeji Appi yinanni appilikeeshiine horoonsidhe harancho hasaawu bitima qixxaawa dandaatto. Woy mobayilekinni jw.org aana isi coyiˈranno afiinni qixxaawinore afiˈranno gara leellisha dandaatto

  • Wodanchi. Minunni mine hadhe soqqamatto wote xaadatto manni hasaawisittokki sae haˈroonke. Doogaasincho woy makeena agadhe no manna hasaawisi. Gudumaaleho soqqamatto wote, mixokki mannaho farciˈra ikkitinota deˈooti

  • Baalanka manna hasaawisate woˈnaali. Umo minesi marte hoogootto mancho wole wote marte hasaawisate woˈnaali. Qoqqowikki giddo noo manna baala hasaawisate woˈnaali; lamalate giddo woy barru giddo babbaxxitino yannara mara dandaatto. Mito manna borrote sokka borreessite, silketenni woy doogote xaadde hasaawisa dandaatto

  • Keeshshittokkinni mari. Hasatto noonsare keeshshittokkinni galagalte marte hasaawisi. Hasaawisatto manchi ati dandaattokki afoo coyiˈrannoha ikkiro, isi coyiˈranno afoo dandaanno rodii ledo xaadisi. Isi coyiˈranno afoo dandiitanno halashshaano ledo xaada geeshsha silke bilbila agurtooti.—od-AM 94 guf. 39-40

“GOBBATE QACCE GEESHSHA” SABBAKKE YITANNO VIIDIYO LAˈINI GEDENSAANNI AANTE NOO XAˈMUWA HASAABBE:

  • Roduuwu xeertote heeˈranno mannira sabbakate mayi qixxaawo qixxeessitino? (1Qo 9:22, 23)

  • Insa hiikkonne guficho ikkanno coye dandiite saˈino?

  • Insa mayi atoote afidhino?

  • Qoqqowikki giddo heeˈrannoha lowo manna hasaawisate maa assa dandaatto?