Qara amadowa massie

Cinaanchu doorshiwa massie

Furchonniwa massie

Yihowa Farci'raasine

Sidaamu Afoo

Heeshshonna Soqqansho —Xiinxallote Maxaaficho

  |  Ella 2017

 KIRISTAANU HEESHSHORA

Yihowaha Amanyootu Seera Ayirrisse

Yihowaha Amanyootu Seera Ayirrisse

Maganu Yihowa mannu oosora amanyootu seera fushshino. Lawishshaho, adhanna adhama labbaahunna meyate mereero heedhannota baˈannokki mittimma ikkitinota kulino. (Mt 19:4-6, 9) Isi duuchunku gari foorre tiyyire giwanno. (1Qo 6:9, 10) Isi mannisi baxxe leellanno gede, uddiˈratenna seesate daafira nafa biddishsha fushshino.—Mar 22:5; 1Xi 2:9, 10.

Yannankera lowo manni Yihowa biddishsha diharunsanno. (Ro 1:18-32) Kuni manni rooriidi manni uddiˈrannonna seesanno gara, hattono insa ikkito harunsanno. Insa akkimale ikkitanni heedhe, insa assitannore harunsannokki manna mishshanno.—1Ph 4:3, 4.

Ninke Yihowa Farciˈraasine ikkinoommo daafira, waajjinummokkinni isihu amanyootu seeri ayirranno gede assa hasiissannonke. (Ro 12:9) Hiittoonni? Isi baxannori maatiro hayyotenni mannu afanno gede assa hasiissannonke. Kayinni balanxe Yihowa biddishsha ninke uminke seekkine harunsa hasiissannonke. Lawishshaho, uddiˈneemmonna seenseemmo gara dhoodhineemmo wote ninkeneeto togo yine xaˈma hasiissannonke: ‘Doodheemmo doorshi Yihowa seeranso, alamete ikkito harunseemmota leellishanno? Uddiˈreemmonna seeseemmo gari Magano waajjeemmo Kiristaancho ikkoommota leellishanno?’ Mitte pirogiraame woy filme dhoodhineemmo wote ninkeneeto togo yine xaˈma hasiissannonke: ‘Tini pirogiraame Yihowa hagiirsiissanno? Tini pirogiraame aye seera harunsinanni gede assitannote? Doodheemmo boohaarshi nooehu danchu amanyooti baˈˈanno gede assannoho? (Fa 101:3) Kuni boohaarshi maateˈya miillara woy wolu mannira guficho ikkanno?’—1Qo 10:31-33.

Yihowaha amanyootu seera ayirrisa lowo geeshsha hasiissannota ikkitinohu mayiraati? Yesuusi Kiristoosi muli yannara, daganna bunshe baala hunanno. (Hi 9:4-7) Hatte yannara Maganu fajjo assitannori calla gattanno. (1Yo 2:15-17) Konni daafira, mannu dancha amanyootenke lae Magano guwisanno gede, Yihowaha amanyootu seera ayirrinso.—1Ph 2:11, 12.

Uddiˈreemmonna seeseemmo gari Maganunniha amanyootu seera harunseemmota leellishanno?

YIHOWA JAALA IKKI—MITTO MANCHONNA MITTE MANCHO YITANNO VIIDIYO LAˈINI GEDENSAANNI AANTE NOO XAˈMUWA HASAABBE:

  • Yihowa seeri garinni heeˈra hayyote yineemmohu mayiraati?

  • Annuwunna amuuwu qaaqquullinsara anjenni kayisse Yihowaha amanyootu seera rosiisa hasiissannonsahu mayiraati?

  • Qaaqquulluno jajjabbuno wolootu Maganu albillittete daafira uyino hexxonni horo afidhanno gede kaaˈla dandiitannohu hiittoonniiti?