Qara amadowa massie

Cinaanchu doorshiwa massie

Furchonniwa massie

Yihowa Farci'raasine

Sidaamu Afoo

Heeshshonna Soqqansho —Xiinxallote Maxaaficho

  |  Ella 2017

 KIRISTAANU HEESHSHORA

Dancha Duduwo Hagiirrunni Dudubbe

Dancha Duduwo Hagiirrunni Dudubbe

Sabbaka qarra ikkite egentinohe? Ninke giddo duuchaho sabbaka qarra ikkitinonke woti no. Mayira? Qoqqowinkera noo manni kulleemmonsa sokka lashshi assannohura, giwannonkehura, woy anfoommokki mannira farciˈra waajjishannonkehura ikkara dandaanno. Kuri coyibba hagiirrenke huntara dandiitannoti dihuluullissannote. Ikkollana magansiˈneemmo Magani hagiirraamo ikkino daafira, isi hagiirrunni soqqammammosira hasiˈranno. (Fa 100:2; 1Xi 1:11) Sabbakate loosinni hagiidhineemmo gede assannonkehu sasu korkaati maati?

Umihunni, dudumbeemmo sokka hexxonnire kultannote. Yannankera alamete aana noo manni hexxannori noonsakkiha ikkirono, ninke kayinni wodaninsara ‘danchu duduwi’ woˈmanno gede assa dandiineemmo. (Is 52:7) Maganu Mangistehu danchu duduwino lowo geeshsha hagiirsiisannonke. Sabbakate fultinara albaanni Maganu Mangiste albillitte uullate abbitanno atoote hiince.

Layinkihunni, dudumbeemmohu danchu duduwi manna maalaamittetenna ayyaanaamittetenni kaaˈlannonsaho. Insa gawajjanno coye assa agurranni gara rossanno, hattono hegere heeshsho afiˈrate hexxo heedhannonsa. (Is 48:17, 18; Ro 1:16) Ninkeneeto manna hase reyotenni gatisanno manchi gede assine laˈˈa dandiineemmo. Mitu manni gato hasiˈrannokkiha ikkirono, gato hasiˈranno manna hasa diagurreemmo.—Mt 10:11-14.

Sayikkihu qaru korkaati, sabbakate loosinke Yihowa ayirranno gede assanno. Isi loonseemmoha sabbakate looso lowori gede asse laˈˈanno. (Is 43:10; Ib 6:10) Qoleno, isi konne looso loosa dandiineemmo gede shaqqillunni qullaawa ayyaanasi aannonke. Konni daafira, Yihowa qullaawu ayyaani guma ikkinoha hagiirre aannohe gede eegante huucciˈri. (Ga 5:22) Isi kaaˈlonni yaaddonke qeelle, waajjinummokkinni sabbaka dandiineemmo. (Soq 4:31) Hakkiinni qoqqowinkera mannu macciishshirono macciishsha giwirono, sabbakate loosinkenni hagiirre afiˈra dandiineemmo.—Hi 3:3.

Soqqamatto wote heeˈrahera hasiˈratto akati hiikkonneeti? Hagiirrekki leellisha dandaattohu hiittoonniiti?

XIINXALLOTENNINNA HIINCATENNI GALAGALLE HAGIIRRAAMMA IKKA YITANNO VIIDIYO LAˈINI GEDENSAANNI AANTE NOO XAˈMUWARA DAWARO QOLLE:

  • Aganu kiiro qanchu soqqanshora lowo saate soqqammeemmoha ikkirono, ayyaanaamittete coye xiinxallate yanna gaaˈma hasiissannonkehu mayiraati?

  • Meeri lawishsha harunsa dandiineemmohu hiitte doogonniiti?

  • Maganu Qaale hiincattohu mamoote mamooteeti?

  • Dancha duduwo duduwatto wote hagiidhatto gede assannoheri maati?