Qara amadowa massie

Cinaanchu doorshiwa massie

Furchonniwa massie

Yihowa Farci'raasine

Sidaamu Afoo

Heeshshonna Soqqansho —Xiinxallote Maxaaficho

  |  Ella 2016

 KIRISTAANU HEESHSHORA

Soqqanshonke Isilanchimma Woyyeessiˈra—Viidiyo Horoonsiˈne Rosiisa

Soqqanshonke Isilanchimma Woyyeessiˈra—Viidiyo Horoonsiˈne Rosiisa

HASIISSANNOHU MAYIRAATI?

Viidiyo illete laˈnanni macciishshinannire amaddino daafira mannu wodana kakkayisate wolqa afidhino. Tini qolte laˈˈanno manchi hedosi billaallitukki harunsanno gedenna lainore hawannokki gede assitanno. Illete leellannore horoonsiˈre rosiisate taalle nookkihu Yihowaati.—Soq 10:9-16; Aj 1:1.

Dancha Duduwo yitanno birosherera noohura 2kinna 3ki rosira guwuursha ikkitanno gede Maganoho Suˈmu Noosi?, Qullaawa Maxaafa Qixxeessinohu Ayeti? nna Qullaawu Maxaafi Halaale Ikkinota Mayinni Anfeemmo? yitanno viidiyo qixxeessinoonni. Qullaawa Maxaafa Xiinxalla Hasiissannohu Mayiraati?, Qullaawa Maxaafa Xiinxallinseemmohu Hiittoonniiti?, hattono Mangistete Addaraashenkera Maa Maa Assinanni? yitanno viidiyo mannu ninke ledo Qullaawa Maxaafa xiinxallanno gede woy songote gambooshshenke daanno gede jawaachishshanno. Mite seeda viidiyono Qullaawu Maxaafi xiinxallo yannara rosiisate horoonsiˈra dandiineemmo.—km 5/13 3.

TENNE ASSA DANDIINANNI GARA:

  • Qaete annira leellisha hasiˈrootto viidiyo balaxxe dirrisiˈri

  • Viidiyo laˈne qollannita mitte woy lame xaˈmo qixxeessiˈri

  • Viidiyo fanteenna ledo laˈe

  • Qara qara hedo hasaabbe

TOGO ASSATE WOˈNAALLE:

  • Tiraaktuwanke giddo mittete aana badhiidi qoola fante, Qullaawa Maxaafa Xiinxalla Hasiissannohu Mayiraati? yitanno viidiyowa massitanno koodde leellishi

  • Qullaawu Maxaafi Halaale Ikkinota Mayinni Anfeemmo? yitanno viidiyo leellishittohu gedensaanni, Dancha Duduwo yitanno biroshere elte 3ki roso egensiisi