Qara amadowa massie

Cinaanchu doorshiwa massie

Furchonniwa massie

Yihowa Farci'raasine

Sidaamu Afoo

Heeshshonna Soqqansho —Xiinxallote Maxaaficho

  |  Dotteessa 2017

 KIRISTAANU HEESHSHORA

Anga Fantine Haadhensa

Anga Fantine Haadhensa

Anga fanne haaˈnannihu ayeti? Wosina ikko ikkano hoogo, Kiristaanu gambooshshenke daanno manna baala anga fane haara hasiissannonke. (Ro 15:7; Ib 13:2) Wole gobbanni daannoha ammanate roduuwanke woy ayyaanaamittetenni shoshshoggitino halashshaano Kiristaanu gambooshshenke dagganno wote anga fanne haara hasiissannonke. Atera togo assinihero mayi macciishshamannohero hedi. Mannu faasiiqe keere haarannohe wote dihagiidhatto? (Mt 7:12) Konni daafira Mangistete Addaraashera gambooshshu hanafara albaanninna goofi gedensaanni woloota keere haaˈrate mayira diwoˈnaalatto? Togo assa Mangistete Addaraashera baxillu woˈmannonna Yihowa ayirranno gede assitanno. (Mt 5:16) Mitto mittonka mancho hasaawisa dandiinannikkiti egennantinote. Kayinni dandiinummo deerrinni keere haaˈrate woˈnaalleemmoha ikkiro, baalunku hagiidhanno. *

Manna anga fanne haaˈra hasiissannonkehu Qaagooshshu Ayyaana daanno wote calla ikkikkinni woˈmanka woteeti. Haaruuddu mereeronke noo baxille laˈuronna insano banxeemmonsata leellinshummoro, Magano guwissaranna ledonke Yihowa magansidhannore ikkitara dandiitanno.—Yoh 13:35.

^ GUFO 3 Qullaawu Maxaafihu xintu seeri, songotenni bohantinorinna insaneeto songotewiinni baddinori gambooshshe dagganno wote keere haaˈneemmokki gede kulannonke.—1Qo 5:11; 2Yo 10.