Qara amadowa massie

Cinaanchu doorshiwa massie

Furchonniwa massie

Yihowa Farci'raasine

Sidaamu Afoo

Heeshshonna Soqqansho —Xiinxallote Maxaaficho

  |  Birra 2017

 KIRISTAANU HEESHSHORA

Yihowa Guwisidhinanni Heedhe!

Yihowa Guwisidhinanni Heedhe!

Heeshsho muxxe eltooti! Tenne elto horoonsiˈneemmo gari, heeshsho mageeshshi geeshsha naandeemmoro leellishanno. Yihowa Farciˈraasine ikkinoommo daafira, dandoonkenna ogimmanke heeshsho uyinonke Magano Yihowa ayirrisatenna guwisiˈrate horoonsiˈra hasiissannonke. (Fa 36:9; Aj 4:11) Ikkirono tenne bunshe woˈmitino alame giddo barru baala heeshshonke giddo xaadannohu yaachishanno coyi ayyaanaamittete coye assa facci assine agurreemmo gede assankera dandaanno. (Marq 4:18, 19) Konni daafira mittu mittunku ninkeneeto togo yine xaˈma hasiissannonke: ‘Yihowara umo ikkinore aanni noommo? (Ho 14:2) Looseemmo loosi Yihowara gari geeshsha soqqameemmokki gede ataawe ikkinoe? Ayyaanaamittete mixo fushshiˈroommo? Yihowara albinni roore soqqama dandeemmohu hiittoonniiti? ’Woyyeessiˈra hasiissannohe coyi noota huwatittoro, Yihowa kaaˈlannohe gede huuccatto assiri; hakkiinni biddi assiˈra hasiissannohe coye biddi assiˈri. Barru baala Yihowa guwisiˈrakki hagiirraame heeshsho heeˈratto gede kaaˈlitannoheta huluullantooti!—Fa 61:8.

Dandookki ayera soqqamate horoonsidhanni nootto?

DANDOOˈNE YIHOWA GUWISIˈRATE HOROONSIDHE YITANNO VIIDIYO LAˈINI GEDENSAANNI, AANTE NOO XAˈMUWA HASAABBE:

  • Dandoonke Sheexaanu alamera aa hayyo diˈˈikkitino yineemmohu mayiraati? (1Yo 2:17)

  • Umo ikkinore Yihowara uyitannori mayi atoote afidhanno?

  • Dandookkinna ogimmakki horoonsidhe qullaawa soqqansho soqqama dandaattohu hiitte doogganniiti?