Qara amadowa massie

Cinaanchu doorshiwa massie

Furchonniwa massie

Yihowa Farci'raasine

Sidaamu Afoo

Heeshshonna Soqqansho —Xiinxallote Maxaaficho

  |  Arfaasa 2018

 KIRISTAANU HEESHSHORA

Balaxxe Rodiikki Ledo Araarami—Hiittoonni?

Balaxxe Rodiikki Ledo Araarami—Hiittoonni?

Hanni Yesuusi yannara Galiilaho noottohu gede assite hedi. Daasu Ayyaana ayirrisate Yerusaalame haˈrootto. Haammatu Magano magansiˈranno manni konne ayyaana ayirrisate xeertowiinni dayino daafira katamu giddo kandanniwi dino. Ati Yihowara kakkalo shiqishiˈra hasiˈrootto. Konnira meichokki goshooshidhanni injiitannokkinna mannu batiˈreenna ruukkitino doogo amadde qullaawu mini noowa haˈra hanafitto. Qullaawu minira iillatto wote atente gede kakkalo shiqishiˈranno manni hakko woˈme no. Jeefoteno ate tari iilleenna meichokki amadde kakkalaasinchu albaanni maritto. Tenne giddo mittu giwamootto rodiikki qulli yiihe, kuni rodiikki hakko mannu woˈminowa woy wolewa katamu giddo heeˈrara dandaanno. Yesuusi togoo coyi kalaqamanno wote maa assa hasiissannohero xawisino. (Maatewoosi 5:24 nabbawi.) Yesuusi kulino garinni atinna giwamootto rodiikki araarama woy salaame kalaqa dandiitinannihu hiittoonniiti? Woroonni kulloonni doorshi giddo gara ikkinoha malaatisi.

ATI ASSA HASIISSANNOHERE

  • Rodookki hasaawisa hasiissannohehu iso hanqanno gede assinori noota buuxitto gedensaanni callaati

  • Rodiikki coye iibbabbishinoha woy soˈrinoha ikkiro iso ammansiisse biddi assate woˈnaala hasiissannohe

  • Rodiikki hedosi coyiˈranna cincite macciishsha, hattono yaannore gudde buuxa hoogittoro nafa koffi yiinoheteranna hedoottokkiri ikkinotera giddokkinni maaro xaˈmira

RODIIKKI ASSA HASIISSANNOSIRE

  • Wolootu songote giddo noo roduuwira koffi asoottosire kule kaaˈlo hasiˈra

  • Atera hanqe coyira, koffi assoottosire mitto mittonka coye kulehe bushu ate ikkoottota ammansiisa

  • Ati iso hasaawisate umokki heeshshi assoottota huwate wodaninni gatona yaa hasiissannosi

Yannankera Maganoho saadate kakkalo shiqinsheemmokkiha ikkirono, Yesuusi rodiinke ledo noonke salaamenna Magano hagiirsiisanno garinni magansiˈrate mereero noo fiixooma kulinohu hiittoonniiti?