Skip to content

පටුනට යන්න

 මුල් පිටුවෙන්

යෙහෝවා දෙවිගේ සාක්ෂිකරුවන් කවුද?

යෙහෝවා දෙවිගේ සාක්ෂිකරුවන් කවුද?

“මං මයික්ව අඳුරන්නේ අවුරුදු ගාණක ඉඳලා. එයා යෙහෝවා දෙවිගේ සාක්ෂිකරුවෙක්. ඒත් එයාගේ ආගම ගැන මට තේරුම්ගන්න බැහැ. යෙහෝවා කියන්නේ කාටද? එයාලා නිවාඩු දින සමරන්නේ නැත්තේ ඇයි? මයික් අන්තවාදී ආගමික කල්ලියකටවත් අහු වෙලාද?”—ඇමරිකාවේ කැලිෆෝර්නියාවල බෙකී.

“මගේ අසල්වැසියන් සාක්ෂිකරුවන් එක්ක බයිබලය පාඩම් කරන්න පටන්ගත්තාම මං මෙහෙම කල්පනා කෙරුවා. ‘යෙහෝවා දෙවිගේ සාක්ෂිකරුවන් කියන නමේ තේරුම මොකක්ද? ආගමකට ඔය වගේ නමක්?’”—කැනඩාවේ ඔන්ටාරියෝවල සෙනන්.

“අපි පල්ලි යන්නේ නැති එක ගැන අපේ හිත වධ දෙන එකෙන් අයුතු ප්‍රයෝජන ගන්න සාක්ෂිකරුවෝ එනවා කියලයි මගේ බිරිඳයි මායි හිතුවේ. පිළිගත් ක්‍රිස්තියානි ආගම්වල අපි හොයන සත්‍යය නැති එකේ සාක්ෂිකරුවෝ කියන අමුතුම නිකායක සත්‍යය තියෙනවා කියලා අපි හිතුවේ නැහැ.”—ඇමරිකාවේ වොෂිංටන්වල කෙන්ට්.

“එයාලා ගැනවත් එයාලගේ විශ්වාසයන් ගැනවත් මට හරි අවබෝධයක් තිබුණේ නැහැ.”—ඩෙන්මාර්කයේ එස්බ්ජෙර්ග්වල සිසිලියා.

ඒ අය ගෙයින් ගෙට හරි මහජනයා ගැවසෙන තැනක හරි පොත් පත් බෙදාහරිනවා ඔයා දැකලා ඇති. නොමිලේ බයිබල් පාඩම් කරන්න කැමතිද කියලත් ඒ අය අහනවා. මේ සඟරාව ඔයාට ලැබුණේ ඒ අයගෙන්ද? යෙහෝවා දෙවිගේ සාක්ෂිකරුවන් කවුද කියන එක ඔයාට ප්‍රශ්නයක්ද? සමහරවිට ඔයා හිතන්නෙත් කලින් සඳහන් කරපු අය හිතපු විදිහට වෙන්න ඇති.

ඔවුන් විශ්වාස කරන්නේ මොනවාද? ඔවුන්ගේ දේවසේවයට සහ නමස්කාර මධ්‍යස්ථානවලට සල්ලි ලැබෙන්නේ කොහොමද? ඔයාගේ ගෙදරදී නැත්නම් ප්‍රසිද්ධ ස්ථානයකදී ඒ අය ඔයාට කතා කරන්නේ ඇයි? ඒ වගේ ප්‍රශ්නවලට උත්තර දැනගන්න ඔයාට පුළුවන් කොහොමද?

සිසිලියා මෙහෙම කියනවා. “මං අන්තර්ජාලයෙන් සාක්ෂිකරුවන් ගැන කියෙව්වේ නරක දේවල්මයි. ඒ අය ගැන අහන්න ලැබුණෙත් කටකතා. හුඟක් අය දුන්නේ වැරදි චිත්‍රයක්. ඒ නිසා ඒගොල්ලන් ගැන මට තිබුණේ වැරදි පින්තූරයක්.” ඒත් ඇයට හරි උත්තර ලැබුණේ යෙහෝවා දෙවිගේ සාක්ෂිකරුවන්ගෙන්ම ඒ ගැන ඇහුවාට පස්සෙයි.

යෙහෝවා දෙවිගේ සාක්ෂිකරුවන් ගැන ඔයාට තියෙන ප්‍රශ්නවලට හරි උත්තර දැනගන්න කැමතිද? එහෙමනම් මේ සඟරාව පළ කරන සාක්ෂිකරුවන්ගෙන්ම ඒ ගැන අහන්න. (හිතෝපදේශ 14:15) අපි කවුද, අපි විශ්වාස කරන්නේ මොනවාද, අපි කරන සේවය මොකක්ද කියලා ඊළඟ ලිපිවලින් ඔයාට දැනගන්න පුළුවන්.