Skip to content

පටුනට යන්න

 මුල් පිටුවෙන් | ජය ගත් අභියෝගයක්

ජය ගත් ඉපැරණි අභියෝගයක්

ජය ගත් ඉපැරණි අභියෝගයක්

ලෝකය පුරාම ඉන්න මිනිසුන් කතා කරන භාෂා ගණන දැන් 7,000කටත් වඩා වැඩියි. ඒ නිසා ගමනාගමනය, වෙළඳාම, අධ්‍යාපනය සහ රාජ්‍ය වැඩකටයුතු වගේ දේවලට භාෂාව බාධාවක් වෙලා තියෙනවා. ඒක අද ඊයේ වුණ දෙයක් නෙමෙයි. අවුරුදු 2,500කට විතර කලින් අහෂ්වේරොෂ් කියන රජගේ පාලන සමයේත් මේ ගැටලුව තිබුණා. පර්සියානුවන් ඔහුගේ අනුමැතිය අරන් රාජ්‍ය නියෝගයක් ‘ඉන්දියාවේ සිට ඉතියෝපියාව දක්වා තිබූ සියලු පළාත්වල එනම්, පළාත් 127ක වෙසෙන අධිපතීන්ට ඒ ඒ පළාත්වල ජීවත් වූ සෙනඟගේ භාෂාවලින් හා ඔවුන්ට කියවිය හැකි අකුරුවලින්’ ලියලා යැව්වා. *

එතරම් විශාල කාර්යයක් කරන්න අද තියෙන ආණ්ඩු ඇතුළු විවිධ සංවිධාන උත්සාහ කරන්නේවත් නැහැ. ඒත් බයිබලය ඇතුළු පොත් පත්, සඟරා, ඕඩියෝ සහ වීඩියෝ වැඩසටහන් විශාල ප්‍රමාණයක් සංඥා භාෂා 80ක් ඇතුළු භාෂා 750කට වඩා වැඩි ගණනකින් ප්‍රකාශයට පත් කරන්න එක සංවිධානයකට පුළුවන් වෙලා තියෙනවා. ඔවුන් බ්‍රේල්වලිනුත් පොත් පත් ප්‍රකාශයට පත් කරනවා. ඒ සංවිධානය තමයි යෙහෝවා දෙවිගේ සාක්ෂිකරුවන්ගේ සංවිධානය.

ඒ වැඩකටයුතුවලින් ඔවුන්ට මුදල් ලැබෙන්නේ නැහැ. පරිවර්තකයන් ඇතුළු ඒ වැඩවලට හවුල් වෙන අනිත් අය වැඩ කරන්නේ ස්වේච්ඡාවෙන්. ඒ තරම් විශාල භාෂා ගණනකට ප්‍රකාශන පරිවර්තනය කරන්න ඒ අය මහන්සි වෙන්නේ ඇයි? ඔවුන් ඒ වැඩකටයුතු කරන්නේ කොහොමද?

^ 3 ඡේ. බයිබලයේ එස්තර් 8:9 කියවන්න.