යෙසායා 16:1-14
-
මෝවබ් දේශයට විරුද්ධව දුන්න තීන්දුවේ තව විස්තර (1-14)
16 දේශයේ* පාලකයා ළඟට බැටළුවෙක්ව යවන්න.සේලාවල ඉඳන් පාළුකරය හරහාසියොන් දියණියගේ කන්දට ඌව යවන්න.
2 කැදැල්ලෙන් පන්නලා දාපු කුරුල්ලෙක් වගේ+මෝවබ් දියණියන් ආනොන්+ ඔයේ තොටුපොළවල් ළඟ ඉඳියි.
3 “මඟ පෙන්වීමක් දෙන්න. තීරණයක් ගන්න.
ඉර මුදුන් වුණ වෙලාවේදී රාත්රිය තරම් අඳුරු වුණ සෙවණැල්ලකින් ආරක්ෂාව ලබා දෙන්න.
විසුරුවාහැරපු අයව සඟවගන්න. පලා යන අයව පාවා නොදෙන්න.
4 මෝවබ්වරුනි, විසිරිලා ගිය අයට ඔබේ දේශයේ රැකවරණය දෙන්න.
ඔවුන්ව විනාශ කරන්න එන අයගෙන් ඔවුන්ව සඟවගන්න.+
පීඩා කරන කෙනාගේ අවසානය ළඟයි.අද්දකින පීඩාත් අවසන් වෙනවා.අනුන්ව පාගලා දාන අයව පොළොවෙන් නැති කරලා දානවා.
5 ඊටපස්සේ දාවිත්ගේ පෙළපතින් එන රජ කෙනෙක් සිංහාසනයක ඉඳගන්නවා.
ඔහු විශ්වාසවන්ත කෙනෙක්.+ නොසැලෙන ආදරය* මත ගොඩනැඟුණු ඔහුගේ පාලනය ස්ථිර එකක් වෙයි.සාධාරණව විනිශ්චය කරන ඔහු යුක්තිය ඉටු කරන්න ප්රමාද වෙන්නේ නැහැ.”+
6 මෝවබ්ගේ ආඩම්බරකම ගැන අපි අහලා තියෙනවා. ඔහු හරිම ආඩම්බරයි.+ඔහුගේ අහංකාරකමත් උද්ධච්චකමත් කේන්තියත් ගැන අපි අහලා තියෙනවා.+ඔහු දොඩවපු ඒ දේවල්වල කිසිම තේරුමක් නැහැ.
7 මෝවබ් තමන්ට වුණ විපත ගැන අඬා වැලපෙනවා.ඒ හැමෝම විලාප තියනවා.+
පහර කාපු අය කිර්හරෙසෙත්වල+ වියළි මිදි* ගැන හිතහිත දුක් වෙනවා.
8 හෙෂ්බොන්වල+ කෙත් මැලවිලා ගිහින්.සිබ්මාවල+ මිදිවතුත් වේළිලා ගිහින්.ජාතීන්ගේ පාලකයෝ ඇවිත් එහේ තිබුණ පලවලින් බර වුණ මිදි අතු පාගලා දැම්මා.ඒ අතු යාසෙර්+ වෙන කල්ම,පාළුකරය වෙන කල්ම විහිදිලා ගියා.
ඒකේ රිකිලි විහිදිලා ගිහින් මුහුද වෙන කල්ම වැඩුණා.
9 ඒ නිසයි මම යාසෙර් ගැන අඬා වැලපෙන විදිහටම සිබ්මාවල මිදිවතු ගැනත් අඬා වැලපෙන්නේ.
අනේ හෙෂ්බොන්, අනේ එලෙයාලෙ,+ මගේ කඳුළුවලින් ඔබව තෙමිලා යයි.මොකද ගිම්හාන පලතුරු නෙළන අයගේ ප්රීති ඝෝෂා හඬත් අස්වැන්න නෙළන අයගේ හඬත් නැති වෙලා ගිහින්.*
10 පලතුරු උයනෙන් ඇහෙන ප්රීති ඝෝෂා හඬ නැති වෙලා ගිහින්.මිදිවතුවල කවුරුත් සතුටින් ගී කියන්නෙවත් ප්රීතියෙන් කෑගහන්නෙවත් නැහැ.+
කිසිම කෙනෙක් මිදි පාගලා වයින් හදන්නෙත් නැහැ.මොකද ප්රීති ඝෝෂා හඬ මම නැති වෙලා යන්න සැලැස්සුවා.+
11 වීණාවක තත් ගැහෙනවා වගේ මගේ අවයව ගැහෙනවා.ඒවා මෝවබ්+ ගැන දැනෙන දුක නිසා ගැහෙනවා.කිර්හරෙසෙත් නිසා මගේ හදවත දුකෙන් බර වෙලා.+
12 මෝවබ් පූජනීය ස්ථානයට* ගිහින් නමස්කාර කරන්න කොච්චර මහන්සි වුණත් ඔහුගේ දේවාලේට ගිහින් කොච්චර යාච්ඤා කළත් කිසිම වැඩක් වෙන්නේ නැහැ.+
13 ඒ තමයි යෙහෝවා දෙවියන් මෝවබ්ට විරුද්ධව දුන්න තීන්දුව.
14 යෙහෝවා දැන් මෙහෙම කියනවා. “මෝවබ්ට ලොකු ගෞරවයක් තිබුණත් අවුරුදු තුනක් ඇතුළත ඔහුව නින්දාවට පත් කරනවා. ඒ අවුරුදු ගණන් කරන්නේ කුලීකරුවෙක්ගේ සේවා කාලය ගණන් කරන විදිහටමයි.* මෝවබ් නින්දාවට පත් වෙද්දී ලොකු වියවුලක් ඇති වෙයි. ඉතුරු වෙන්නේ කීපදෙනෙක් විතරයි. ඔවුනුත් හරිම දුර්වල අය.”+
පාදසටහන්
^ පේන විදිහට මෙතන කතා කරන්නේ යූදා දේශය ගැනයි.
^ “පැහැදිලි කිරීමක්” බලන්න.
^ මෙතන කතා කරන්නේ වේළපු මිදි එකට තද කරලා හදාගත්ත මිදි කුට්ටි ගැනයි.
^ හෝ සමහරවිට, “මොකද ගිම්හානයේ සහ අස්වැන්න නෙළන කාලේ ඇහෙන්නේ යුධ ඝෝෂාවේ හඬ විතරයි.”
^ මූ.අ., “උස් තැනට.”
^ හෝ, “කුලීකරුවෙක් තමන් වැඩ කරන කාලය හරියටම ගණන් කරන විදිහට.” ඒ කියන්නේ හරියටම අවුරුදු තුනකින්.
