2 සාමුවෙල් 16:1-23

16  දාවිත් රජ කඳු මුදුනේ+ සිට ටික දුරක් බැස යද්දී මෙෆිබොෂෙත්ගේ+ සේවකයා වන ෂීබා+ තමාව හමු වීමට එන බව දුටුවේය. ෂීබා පැමිණියේ ගමනට සූදානම් කළ බූරුවන් දෙදෙනෙකු සමඟය.+ බූරුවන් පිට රොටි දෙසියයක්ද+ වියළි මිදි කුට්ටි සියයක්ද+ වෙනත් වියළි පලතුරු* කුට්ටි සියයක්ද+ විශාල වයින් භාජනයක්ද+ පටවා තිබිණ.  රජ එය දැක, “ඔබ මේවා ගෙනාවේ ඇයි”+ කියා ෂීබාගෙන් ඇසුවේය. එවිට ෂීබා ඔහුට මෙසේ කීවේය. “ඔබේ ගෙයි වැසියන්ගේ ගමනට උපකාරයක් හැටියටයි මම මේ බූරුවන්ව රැගෙන ආවේ. රොටි සහ පලතුරු කුට්ටි ගෙනාවේ ඔබේ සේවකයන්ට කන්න දෙන්න.+ පාළුකරයේදී+ වෙහෙසට පත් වුණාම+ ඔබට බොන්න වයිනුත් ගෙනාවා.”  එවිට රජ, “ඔබේ ස්වාමියාගේ පුත් මෙෆිබොෂෙත් කොහේද”+ කියා ඔහුගෙන් ඇසුවේය. ෂීබා දාවිත් රජුට මෙසේ කීවේය. “‘ඊශ්‍රායෙල් සෙනඟ මගේ පියාගේ රාජ්‍යය අද නැවත මගේ අතට දෙයි’ කියලා ඔහු යෙරුසලමේම නතර වුණා.”+  එය අසා රජ, “මෙෆිබොෂෙත්ට අයිති සෑම දෙයක්ම අද මම ඔබට දෙනවා”+ කියා ෂීබාට කීවේය. එවිට ෂීබා ඔහුට මෙසේ කීවේය. “මගේ ස්වාමීනි, රජ්ජුරුවනි, හැමදාමත් මේ විදිහට මට කරුණාවෙන් සලකන්න කියලා මම ඔබෙන් බැගෑපත්ව+ ඉල්ලා සිටිනවා.”  දාවිත් රජු බහුරීම් නුවරට+ පැමිණි විට සාවුල්ගේ පවුලට අයිති කෙනෙකු වූ ගෙරාගේ පුත්‍රයා වන ෂිමෙයි+ එතැනට පැමිණ ඔහුට අපහාස කරන්න පටන්ගත්තේය.+  ඔහු දාවිත් රජුට හා ඔහුගේ සේවකයන්ට ගල් ගැසුවේය. ඒ අවස්ථාවේ සෙනඟද සියලු බලසම්පන්න පුරුෂයෝද රජුගේ දෙපැත්තේ සිටගෙන සිටියෝය.  ෂිමෙයි, දාවිත් රජුට අපහාස කරමින් මෙසේ කීවේය. “මිනී මරුවා!+ මෙහෙන් පලයං. නුඹ කිසි කමකට නැති මිනිහෙක්.+  නුඹ සාවුල්වත් ඔහුගේ පවුලේ අයවත් විනාශ කරලා ඔහුගෙන් රජකම පැහැරගත්තා. අද යෙහෝවා දෙවි නුඹට දඬුවම් කරන්නේ ඒ නිසයි. යෙහෝවා දෙවි රජකම නුඹෙන් පැහැරගෙන නුඹේ පුත් අබ්සලොම්ට ඒක දුන්නා. නුඹ මිනී මරුවෙක්!+ ඒ නිසයි නුඹට මේ හැම විපතක්ම සිදු වුණේ.”  එවිට ෂෙරුයියාගේ පුත්‍රයා+ වන අබිෂයි රජුගෙන් මෙසේ ඇසුවේය. “රජ්ජුරුවනි, මගේ ස්වාමීනි, ඔබට අපහාස කරන්න මේ බල්ලාට*+ ඉඩ දෙන්නේ මොකටද?+ මම දැන්මම ගිහින් ඔහුගේ බෙල්ල කපලා දාන්නම්!”+ 10  නමුත් රජ මෙසේ කීවේය. “ෂෙරුයියාගේ පුත්‍රයෙනි,+ මේ මනුෂ්‍යයා මොනවා කිව්වත් ඔබ කලබල වෙන්නේ ඇයි?+ ඔහුට ඕනේ දෙයක් කියන්න ඉඩ දෙන්න.+ මට අපහාස කරන්න ඔහුව එවලා තියෙන්නේ යෙහෝවා දෙවියි.+ ඉතින්, ‘ඔබ මේ දේ කළේ ඇයි’ කියලා ඔහුගෙන් අහන්න අපිට අයිතියක් තියෙනවාද?”+ 11  දාවිත් රජ අබිෂයිටද ඔහුගේ සේවකයන්ටද තවදුරටත් මෙසේ කීවේය. “මගේම පුතා මාව මරන්න හොයද්දී+ බෙන්ජමින් ගෝත්‍රයේ කෙනෙක්+ මට මේ විදිහට කතා කරන එක පුදුමයක්ද? යෙහෝවා දෙවියි ඔහුව එවලා තියෙන්නේ. ඒ නිසා ඔහුට ඕනේ දෙයක් කියන්න ඉඩ දෙන්න. 12  සමහරවිට යෙහෝවා දෙවි මං දිහා බලලා+ මට කළ මේ අපහාසය වෙනුවට යෙහෝවා දෙවි මට යහපතක් වෙන්න සලස්වයි.”+ 13  ඉන්පසු දාවිත් රජද ඔහුගේ සෙනඟද එතැනින් යන්න ගියෝය. නමුත් ෂිමෙයි කන්ද දිගේ ඔවුන් පසුපස ආවේය. ඔහු දාවිත් රජු ළඟටම පැමිණ ඔහුට අපහාස කරමින්+ ගල් ගැසුවේය. ඔහු දාවිත් රජු දෙසට වැලිද වීසි කළේය.+ 14  බොහෝ වේලාවකට පසුව විඩාවට පත්ව සිටි දාවිත් රජ සහ ඔහුගේ සෙනඟ ගිමන්හැරීමට නතර වූහ.+ 15  ඒ අතරතුර අබ්සලොම් හා ඊශ්‍රායෙල්හි ජනයා යෙරුසලමට ඇතුල් වූහ.+ අහිතොෆෙල්ද+ ඔහු සමඟ සිටියේය. 16  පසුව දාවිත් රජුගේ මිත්‍රයා+ වන අර්කීවරයෙකු වූ+ හූෂයි+ අබ්සලොම් වෙත පැමිණ මෙසේ කීවේය. “රජු බොහෝ කල් ජීවත් වේවා!+ රජු බොහෝ කල් ජීවත් වේවා!” 17  අබ්සලොම් එය අසා, “ඔබේ මිතුරාට ප්‍රේමය* පෙන්වන්නේ මෙහෙමද? ඇයි ඔබ ඔබේ මිතුරා සමඟ ගියේ නැත්තේ”+ කියා හූෂයිගෙන් ඇසුවේය. 18  එවිට හූෂයි ඔහුට මෙසේ පැවසුවේය. “මම කොහොමද ඔහු සමඟ යන්නේ? මම සේවය කරන්න ඕනේ යෙහෝවා දෙවි තෝරාගත් තැනැත්තාටයි. මේ සෙනඟත් ඊශ්‍රායෙල් ජනයාත් තෝරාගත්තේ ඔබවයි. ඒ නිසා මම ඉන්නෙත් ඔබ සමඟයි. 19  මම නැවතත් මේ දේ ඔබට කියන්න කැමතියි. මම සේවය කරන්නේ ඔබටයි. ඔබේ පියාට සේවය කළා වගේම මම දැන් ඔබටත් සේවය කරනවා.”+ 20  පසුව අබ්සලොම් අහිතොෆෙල්ට මෙසේ කීවේය. “මම දැන් මොනවාද කරන්න ඕනේ කියලා මට කියන්න.”+ 21  එවිට අහිතොෆෙල් ඔහුට මෙසේ කීවේය. “ඔබේ පියා මාලිගාව බලාගන්න තියලා ගිය+ ඔහුගේ උපභාර්යාවන් සමඟ ලිංගික සම්බන්ධකම් පවත්වන්න.+ ඔබ මේ විදිහට ඔබේ පියාට+ නින්දා කළා+ කියලා මුළු ඊශ්‍රායෙල් සෙනඟ දැනගත්තාම ඔබේ පැත්තේ සිටින සියලුදෙනාගේ සිත්+ තව තවත් ධෛර්යවත් වෙයි.” 22  පසුව අහිතොෆෙල්ගේ උපදෙස්වලට අනුව අබ්සලොම්ගේ සේවකයෝ රජමාලිගාවේ සැඳැල්ල මත+ කූඩාරමක් සෑදුවෝය. ඉන්පසු අබ්සලොම් එළිපිටම+ තම පියාගේ උපභාර්යාවන් සමඟ ලිංගික සම්බන්ධකම් පැවැත්වූවේය.+ මුළු ඊශ්‍රායෙල් සෙනඟට ඒ ගැන ආරංචි විය. 23  ඒ කාලයේදී මිනිසුන් අහිතොෆෙල්ගේ+ උපදෙස් මොන තරම් ඉහළින් සැලකුවාද කිවහොත් එය සැබෑ දෙවිගෙන්ම ලැබුණු උපදෙස් හා සමානව සලකනු ලැබීය. දාවිත් රජු හා අබ්සලොම්ද ඔහුගේ උපදෙස් සැලකුවේ එලෙසය.+

පාදසටහන්

මූ.අ., “ගිම්හාන පලතුරු.” මෙය විශේෂයෙන්ම යොමු දක්වන්නේ අත්තික්කාවලටය. සමහරවිට රටඉඳිත් ඊට ඇතුළත් විය හැකියි.
මූ.අ., “මේ මළ බල්ලාට.”
හෝ, “ළැදි ප්‍රේමය.”