2 ලේකම් 7:1-22

7  සලමොන් රජ තම යාච්ඤාව නිම කළ විගස+ ස්වර්ගයෙන් ගින්නක් නික්ම ඇවිත්+ දවන පූජා+ සහ අනිකුත් පූජා සියල්ල දවා දැමීය. එවිට යෙහෝවා දෙවිගේ තේජසින්+ ගෘහය පිරී ගියේය.  යෙහෝවා දෙවිගේ තේජසින් යෙහෝවා දෙවිගේ ගෘහය පිරී ගොස් තිබූ නිසා යෙහෝවා දෙවිගේ ගෘහයට ඇතුල් වීමට පූජකයන්ට නොහැකි විය.+  ස්වර්ගයෙන් ගින්නක් පැමිණි ආකාරයත් යෙහෝවා දෙවිගේ තේජසින් ගෘහය පිරී ගිය ආකාරයත් සියැසින් දුටු සියලුම ඊශ්‍රායෙල්වරු තමන් සිටගෙන සිටි ගල් ඇල්ලූ භූමිය මතම දණින් වැටී,+ නැමී+ යෙහෝවා දෙවිට ස්තුති කරමින්, “ඔහු යහපත්ය.+ ඔහුගේ මහත් ප්‍රේමය* සදාකල් පවතින්නේය”+ කියා පැවසූහ.  රජද මුළු සෙනඟද යෙහෝවා දෙවිට පූජා ඔප්පු කළෝය.+  සලමොන් රජ ගවයන් විසිදෙදහසක්ද බැටළුවන් එක්ලක්ෂ විසිදහසක්ද ඔප්පු කළේය.+ එලෙස රජද මුළු සෙනඟද එක්ව දෙවිගේ ගෘහය සැබෑ නමස්කාරය වෙනුවෙන් වෙන් කළෝය.+  ඒ අතර පූජකයෝ+ තමන්ට නියමිත වගකීම් ඉටු කරමින් සිටියෝය. ලෙවීවරුද+ දාවිත් රජු සෑදූ සංගීත භාණ්ඩ+ වාදනය කරමින්, “දෙවිගේ මහත් ප්‍රේමය* සදාකල් පවතින්නේය” කියා ගායනා කළෝය.+ එසේ ඔවුහු යෙහෝවා දෙවිට ස්තුති කළෝය. මීට පෙර දාවිත් රජු යෙහෝවා දෙවිට ස්තුති ප්‍රශංසා ඔප්පු කළ අවස්ථාවලදීත් ගායකයන් විසින් ගායනා කරනු ලැබුවේ එම වචන පෙළයි. ඔවුන් ඉදිරියේ සිටි පූජකයෝ මහත් හඬින් හොරණෑ පිඹිමින් සිටියෝය.+ මේ දේවල් සිදු වන අතරතුර සියලුම ඊශ්‍රායෙල්වරු සිටගෙන සිටියෝය.  එදින දවන පූජා, ධාන්‍ය පූජා+ හා තෙල් කොටස්+ ඔප්පු කිරීමට සලමොන් සෑදූ තඹ පූජාසනය+ ප්‍රමාණවත් නොවීය. එහෙයින් පූජා ඔප්පු කිරීම සඳහා යෙහෝවා දෙවිගේ ගෘහය ඉදිරිපිට තිබූ මළුවේ මැද කොටස ඔහු පරිශුද්ධ ස්ථානයක් ලෙස වෙන් කළේය.+ ඉන්පසු ඔහු එම ස්ථානයේදී දවන පූජාද+ හවුල් පූජාවල තෙල් කොටස්ද ඔප්පු කළේය.  පසුව සලමොන් රජද මුළු ඊශ්‍රායෙල් සෙනඟද එකතු වී+ දවස් සතක් පුරා උත්සවයක් පැවැත්වූහ.+ ඊට හාමොත්හි දේශ සීමාවේ සිට+ ඊජිප්තු නිම්නය දක්වා+ විහිදී ගිය පළාත්වලින් විශාල පිරිසක්+ පැමිණියෝය.  පූජාසනය පරිශුද්ධ දෙයක් ලෙස කැප කිරීමට දින සතක් වෙන් කරන ලදි. ඉන්පසු තව දින සතක් පුරා උත්සවයක් පවත්වන ලදි. ඒ උත්සවයෙන් පසුව අටවන දවසේදී ඔවුහු විශේෂ රැස්වීමක් පැවැත්වූහ.+ 10  ඉන්පසු සත්වන මාසයේ විසිතුන්වන දින ඔහු සෙනඟව තම නිවෙස්වලට පිටත් කර යැවීය. දාවිත් සහ සලමොන් වෙනුවෙන්ද තම සෙනඟ වන ඊශ්‍රායෙල් ජාතිය වෙනුවෙන්ද යෙහෝවා දෙවි කළ+ යහපත් දේවල් ගැන ඔවුහු සතුටු වී+ ප්‍රීතියෙන්+ තම නිවෙස්වලට ගියෝය. 11  මෙසේ සලමොන් රජ යෙහෝවා දෙවිගේ ගෘහයද+ තම රජමාලිගාවද+ ඉදි කර අවසන් කළේය. ඔහු තමන් සිතූ ආකාරයටම යෙහෝවා දෙවිගේ ගෘහයේ හා තම මාලිගාවේ කටයුතු සාර්ථකව නිම කළේය. 12  යෙහෝවා දෙවි රාත්‍රියේදී සලමොන් රජුට මෙසේ පැවසීය.+ “මම ඔබේ යාච්ඤාවට ඇහුම්කන් දුනිමි.+ මෙම ගෘහය පූජා ඔප්පු කිරීමට සුදුසු ස්ථානයක්+ ලෙස මම පිළිගනිමි.+ 13  යම් අවස්ථාවක වැසි නොවසින පිණිස මා අහසේ කවුළු වසා දැමූ විට+ හෝ දේශය පාළු කර දමන ලෙස මා පළඟැටියන්ට අණ කළ විට+ හෝ මම මාගේ සෙනඟට වසංගතයකින් පහර දුන් විට+ හෝ 14  මාගේ නාමය දරන+ මා තෝරාගත් සෙනඟ+ ඔවුන් කරන වැරදි දේවලින් ඉවත් වී+ බැගෑපත්ව+ මට කන්නලව් කරමින්+ මාගේ පිහිට පැතුවොත්+ ස්වර්ගයේ සිට මම ඔවුන්ට සවන් දෙන්නෙමි.+ ඔවුන්ගේ පව්වලට සමාව දී+ ඔවුන්ගේ දේශය යළි සමෘද්ධිමත් කරන්නෙමි.+ 15  මෙම ස්ථානය වෙතට මාගේ දෑස් යොමු කර+ මෙහි කරන යාච්ඤාවලට මම සවන් දෙන්නෙමි.+ 16  මම මේ ගෘහය සදහටම+ මාගේ නාමය දරන ශුද්ධ ස්ථානයක් ලෙස+ තෝරාගන්නෙමි.+ මම මේ ගෘහය රැකබලා ගන්නෙමි. එය කිසිදා අමතක නොකරන්නෙමි.+ 17  “ඔබේ පියා වූ දාවිත් මෙන් ඔබත් මාගේ කැමැත්තට අනුව ජීවත් වෙමින්+ මා ඔබට අණ කළ+ මාගේ සියලු ආඥාවලට+ හා මා තීන්දු කර ඇති දේවලට+ කීකරු වුණොත් 18  මම ඔබේ රාජකීය පෙළපත ස්ථිර කරන්නෙමි.+ ‘කිසි දිනක ඊශ්‍රායෙල්හි රජකම ඔබේ පෙළපතින් පිට කෙනෙකු අතට නොයනු ඇත’+ කියා ඔබේ පියා වූ දාවිත්ට මම පොරොන්දු වූ දේ එලෙසම ඉටු කරන්නෙමි.+ 19  නමුත් ඔබත් ඔබේ සෙනඟත් මා ඔබට දුන් ආඥා+ සහ පනත්+ කඩ කර මාව අත්හැර+ වෙනත් දෙවිවරුන් ඉදිරියේ වැඳ වැටී+ නමස්කාර කළොත්+ 20  මා ඔබට දුන් දේශයෙන් ඔබ සියලුදෙනාවම මම පන්නා දමන්නෙමි.+ මාගේ නාමය ගෞරවයට පත් කිරීම සඳහා ගොඩනැඟූ මේ ගෘහයද+ මම අත්හරින්නෙමි.+ එවිට ගෘහයට සිදු වූ දේ නිසා වෙනත් ජාතීන්ගේ නින්දා අපහාසවලට ඊශ්‍රායෙල් සෙනඟ ලක් වනු ඇත.+ 21  මේ ගෘහය නටබුන් ගොඩක් වන්නේය.+ එය පසු කර යන සියල්ලෝ පුදුමයෙන් ඒ දෙස බලා,+ ‘මේ දේශයටත් මේ ගෘහයටත් යෙහෝවා දෙවි මෙවැනි දෙයක් කළේ ඇයි’+ කියා විමසනු ඇත. 22  ‘ඔවුන් තම මුතුන්මිත්තන්ව ඊජිප්තු දේශයෙන් පිටතට ගෙනා තම දෙවි+ වන යෙහෝවාව අත්හැර+ වෙනත් දෙවිවරුන්+ ඉදිරියේ වැඳ වැටී නමස්කාර කළ නිසයි+ දෙවි මේ සියලු විපත්ති ඔවුන් පිට ගෙනැවිත් තිබෙන්නේ’+ කියා එවිට සෙනඟ පවසනු ඇත.”

පාදසටහන්

හෝ, “ළැදි ප්‍රේමය.”
හෝ, “ළැදි ප්‍රේමය.”