2 ලේකම් 14:1-15

14  කල් යත්ම අබියා රජ මිය ගියේය. ඔහුගේ මුතුන්මිත්තන් මෙන් ඔහුවද තැන්පත් කරනු ලැබීය.+ ඔහුව තැන්පත් කළේ දාවිත්ගේ නුවරෙහිය.+ ඔහුගෙන් පසුව ඔහුගේ පුත් ආසා+ රජකමට පත් විය. ඔහු පාලනය කළ මුල් වසර දහය පුරාම දේශයෙහි සාමකාමී වාතාවරණයක් පැවතිණ.+  ආසා රජ තම දෙවි වූ යෙහෝවාගේ ප්‍රතිපත්ති රකිමින් දෙවි යහපත්යයි සලකන දේ කළේය.  බොරු දෙවිවරුන්ට ඉදි කළ පූජාසනද+ පූජනීය ස්ථානද+ ඔහු ඉවත් කළ අතර බොරු නමස්කාරය සඳහා ඉදි කළ කණුද+ කුලුනුද+ කඩා දැමීය.  සෑම කාරණයකදීම තම මුතුන්මිත්තන්ගේ දෙවි වන යෙහෝවාගේ මඟ පෙන්වීම් පතන්නත්+ දෙවිගේ නීති+ හා දෙවි අණ කළ සියලු දේ+ පිළිපදින්නත් ඔහු යූදාහි වැසියන්ට අණ කළේය.  ඔහු යූදා දේශයේ සියලුම නුවරවලින් බොරු දෙවිවරුන් වෙනුවෙන් ඉදි කළ පූජනීය ස්ථාන හා සුවඳ ද්‍රව්‍ය ඔප්පු කරන පූජාසන ඉවත් කළේය.+ ඔහුගේ රාජධානිය පුරාම සාමකාමී වාතාවරණයක් පැවතිණ.+  යූදා දේශයේ සාමකාමී වාතාවරණයක් තිබූ නිසා ඔහු එහි පවුරුවලින් වට වූ සුරක්ෂිත නුවරවල් ඉදි කළේය.+ ආසා රජු පාලනය කළ දේශයට යෙහෝවා දෙවි සාමකාමී කාලයක් උදා කර දුන් නිසා ඒ කාලය තුළදී ඔහුට විරුද්ධව කිසිවෙක් යුද්ධ කිරීමට පැමිණියේ නැත.+  එහෙයින් ඔහු යූදාහි වැසියන්ට මෙසේ පැවසුවේය. “එන්න, අපි මේ නුවරවල් ගොඩනඟමු. අපි ඒ නුවරවල් වටා පවුරු+ හා මුරටැඹවල්+ ඉදි කර, සවිමත් දොරවල්ද ඒවාට අගුලුද සවි කරමු.+ මේ දේශය අපට අයිති වුණේ අපේ දෙවි වන යෙහෝවාගේ මඟ පෙන්වීම් අපි පැතූ නිසයි.+ මේ දේශයට දෙවි සාමය උදා කර දී තිබෙන්නෙත් ඒ නිසයි.”+ මෙසේ ඔවුහු එකමුතුව එම ඉදි කිරීම් කටයුතු සාර්ථකව නිම කළෝය.+  ආසා රජු සතුව එඩිතර හා බලසම්පන්න පුරුෂයන්ගෙන් යුත් හමුදාවක් සිටියෝය. ඔහුගේ හමුදාවේ පලිස්+ හා හෙල්ලවලින්+ සන්නද්ධ වූ යූදා ගෝත්‍රයට අයත් පුරුෂයෝ තුන්ලක්ෂයක් සිටියෝය.+ දුනු ශිල්පයට දක්ෂ, කුඩා පලිස්වලින් සන්නද්ධ වූ+ බෙන්ජමින් ගෝත්‍රයට අයත් පුරුෂයෝ දෙලක්ෂ අසූදහසක්ද+ ඔහුගේ හමුදාවේ සිටියෝය.  කල් යත්ම ඉතියෝපියානු ජාතික+ සේරා විශාල සේනාවක් සමඟ ඔවුන්ට විරුද්ධව සටනට පැමිණියේය. ඔහුගේ සේනාව අශ්ව රථ තුන්සියයකින් හා සෙබළුන් දසලක්ෂයකින් සමන්විත විය.+ ඔවුහු මරේෂාහ් නම් නුවර දක්වා පැමිණියෝය.+ 10  එවිට ආසා රජද ඔහුට විරුද්ධව සටනට සැරසී මරේෂාහ් අසල පිහිටි ෂෙපාතා නම් නිම්නයට ගියේය. 11  එහිදී ආසා රජ තම දෙවි වූ යෙහෝවාට කන්නලව් කරමින්+ මෙසේ පැවසීය. “යෙහෝවා දෙවියනි, ඔබ උපකාර කිරීමට සූදානම් දෙවි කෙනෙක්. ඒ නිසා අප සුළු පිරිසක් වුණත් විශාල පිරිසක් වුණත් අපට උපකාර කිරීමට එය ඔබට බාධාවක් නොවෙයි.+ යෙහෝවා අපේ දෙවියනි, අපි විශ්වාසය තබා තිබෙන්නේ ඔබ මතයි.+ මේ විශාල සමූහයට විරුද්ධව අපි යුද්ධයට පැමිණියේ ඔබේ නාමයෙන්.+ ඒ නිසා අපට උපකාර කරන්න. යෙහෝවා දෙවියනි, ඔබයි අපේ දෙවි.+ ඔබට වඩා තමන් බලවත් කියා පෙන්වීමට දූවිලි වැනි මේ මනුෂ්‍යයන්ට ඉඩ දෙන්න එපා.”+ 12  යෙහෝවා දෙවි ආසා රජු හා යූදාහි මනුෂ්‍යයන් ඉදිරිපිටදීම ඉතියෝපීය හමුදාව පරාජය කළේය.+ පසුව ඔවුහු පලා ගියෝය. 13  නමුත් ආසා රජ සහ ඔහු සමඟ සිටි මනුෂ්‍යයෝ ඔවුන්ව ගෙරාර් නම් ස්ථානය+ දක්වා ලුහුබැඳ ගියෝය. ඉතියෝපීය හමුදාවේ සියල්ලෝම ඔවුන් අතින් මැරුම් කෑවෝය. කිසිවෙක් ඉතුරු නොවීය. මෙසේ යෙහෝවා දෙවි සහ ඔහුගේ සෙනඟ+ අතින් ඔවුන් සියලුදෙනාම මරණයට පත් විය.+ ඉන්පසු ආසා රජුගේ හමුදාව ඉතියෝපීය වැසියන්ට අයත් වස්තු විශාල ප්‍රමාණයක් කොල්ලයක් ලෙස රැගෙන ගියෝය.+ 14  ඔවුහු ගෙරාර් අවට පිහිටි සියලු නුවරවලටද පහර දුන්නෝය. ඒ නුවරවල සිටි සියල්ලන්ට යෙහෝවා දෙවි ගැන මහත් බියක් ඇති වී තිබිණ.+ එම නුවරවල තිබූ බොහෝ වස්තුද ආසා රජුගේ හමුදාව රැගෙන ගියෝය.+ 15  සතුන්ව ගාල් කර තිබූ තැන්වලටත්+ පහර දුන් ඔවුහු ඔටුවන්+ ඇතුළු විශාල සතුන් පිරිසක්ද රැගෙන ගියෝය.+ ඉන්පසු ඔවුහු යෙරුසලමට නැවත පැමිණියෝය.

පාදසටහන්