2 පේතෘස් 2:1-22

2  කෙසේවෙතත් දෙවිගේ සෙනඟ අතරෙහි බොරු අනාගතවක්තෘවරු සිටියෝය. එලෙසම ඔබ අතරෙහිත් බොරු ගුරුවරු සිටිනු ඇත.+ ඔවුහු රහසිගතව, විනාශකාරී බොරු ඉගැන්වීම් ඔබ අතරෙහි පතුරුවමින් තමන්ව මිල දී ගත් ස්වාමීන්ව පවා ප්‍රතික්ෂේප කරන්නෝය.+ නමුත් ඔවුහු හදිසියේම විනාශයට ලක් වනු ඇත.  බොහෝදෙනෙක් ඔවුන්ගේ නින්දිත ක්‍රියාවන්+ අනුකරණය කරන්නෝය.+ එමගින් සත්‍ය මාර්ගයට විරුද්ධව නින්දාසහගත කතා පැතිරෙනු ඇත.+  තණ්හාවෙන් ක්‍රියා කරන ඔවුහු, ඔබට වංචනික දේවල් පවසා ඔබෙන් අයුතු ප්‍රයෝජන ගන්නෝය.+ කෙසේවෙතත් පුරාණයේ සිට ඔවුන් සඳහා නියමිතව තිබෙන විනිශ්චය+ ප්‍රමාද වන්නේ නැත. ඔවුන්ට අනිවාර්යයෙන්ම විනාශය අත් වේ.+  ඇත්තෙන්ම පව් කළ දේවදූතයන්ට දඬුවම් කිරීමට දෙවි පසුබට වූයේ නැත.+ ඔහු ඔවුන්ව ටාටරස්*+ නම් පහත් ස්ථානයට හෙළා තද අන්ධකාරයෙන් වැසුණු වළවල්වලට ඔවුන්ව සීමා කළේය. ඔවුන් එහි සිටින්නේ තම විනිශ්චය ලැබෙන තුරුය.+  එලෙසම දෙවි, නෝවාගේ කාලයේදී පැවති තමාට කිසි ගෞරවයක් නොදැක්වූ ලෝකයට+ දඬුවම් කිරීමටද පසුබට වුණේ නැත. ඔහු එය ජලගැල්මකින් විනාශ කළ විට+ ධර්මිෂ්ඨකම ගැන දේශනා කළ නෝවාවද+ තවත් හත්දෙනෙකුවද ආරක්ෂා කළේය.+  එලෙසම ඔහු සොදොම් සහ ගොමෝරා යන නුවරවල් විනාශ කරමින්+ ඒවා අළු බවට පත් කළේය. එමගින් තමාට කිසි ගෞරවයක් නොදක්වන අයට ඉදිරියේදී සිදු වන දේ ගැන ඔහු පැහැදිලිව පෙන්වා දුන්නේය.+  නමුත් කිසි ප්‍රතිපත්තියක් නැති ජනයාගේ නින්දිත ක්‍රියා දැක බොහෝ සෙයින් දුක් වූ+ ධර්මිෂ්ඨ මිනිසෙකු වූ ලොත්ව දෙවි ගලවාගත්තේය.+  මන්ද දුෂ්ට ක්‍රියා කරමින් සිටි ඔවුන් අතරෙහි දිනපතාම වාසය කළ ඒ ධර්මිෂ්ඨ මිනිසාට තමා ඇසූ දුටු දේවල් නිසා ඉමහත් වේදනාවක් දැනිණ.  දෙවිට භක්තියක් ඇතුව ජීවත් වන අයව හිංසා පීඩාවලින් ගලවාගන්නේ කෙසේද කියා යෙහෝවා දෙවි දන්නේය.+ එසේම විනිශ්චය කිරීමට නියමිත දවස දක්වා අධර්මිෂ්ඨයන්ව වෙන් කර තැබීමටත් ඔහු දන්නේය.+ 10  විශේෂයෙන්ම එසේ වෙන් කර තබන්නේ අන් අයවත් අපවිත්‍ර ජීවිතයකට යොමු කරමින් අනාචාරයෙහි යෙදෙන අයවයි.+ එලෙසම තමන්ට වඩා ඉහළ අධිකාරියක් හොබවන පුද්ගලයන්ට කිසිම ගෞරවයක් නොදක්වන අයවද+ එසේ වෙන් කර තබනු ඇත. කිසිම කෙනෙකුට බිය නොවන ඔවුන් කටයුතු කරන්නේ තම හිතුමනාපයටය. ඔවුහු යම් තේජසක් හිමි අය ඉදිරියේ බිය වෙනවා වෙනුවට ඔවුන්ට විරුද්ධව නින්දාසහගත දේවල් පවසති.+ 11  නමුත් ශක්තියෙන් හා බලයෙන් වැඩි දේවදූතයන්වත් එවැනි බොරු ගුරුවරුන්ට විරුද්ධව නින්දාසහගත වචන යොදාගෙන චෝදනා එල්ල කරන්නේ නැත.+ ඔවුන් එසේ නොකරන්නේ යෙහෝවා දෙවිට දක්වන ගෞරවය නිසාය.+ 12  අල්ලාගත් පසු මරා දැමීමට පමණක් උපන්, කිසි හැඟීමක් දැනීමක් නැති තිරිසනුන්ට ඒ මිනිසුන් සමානය. ඔවුන් නින්දාසහගතව කතා කරන්නේ ඔවුන්ට කිසි අවබෝධයක් නැති දේවල් ගැනය.+ එලෙස ඔවුන් අනුගමනය කරන විනාශකාරී පිළිවෙත නිසා ඔවුන්ට අත් වන්නේ විනාශය පමණි. 13  තමන් කළ වැරදිවල ප්‍රතිඵල විඳින ඔවුහු,+ තමන්ටම හානි පමුණුවාගන්නෝය.+ දිවා කාලයේදී ඔවුන් තම පව්කාර ආශාවන් තෘප්තිමත් කරගන්නේ ඉමහත් ආස්වාදයක් ලබමිනි.+ ඔබ අතරේ සිටින ඔවුන්ව පැල්ලම් සහ කැළැල්වලට සමාන කළ හැක. ඔවුහු ඔබ සමඟ ආහාර ගන්නා අතරතුරේදී ඉමහත් සතුටක් ලබමින් තම මුළා කරවනසුලු අදහස් පතුරුවති.+ 14  ඔවුන්ගේ ඇස් යොමු වී තිබෙන්නේ අනාචාරය* වෙතටය.+ පව්කාර දේවල් කිරීමට ඔවුන් තුළ ඇති පෙලඹීම පාලනය කළ නොහැකි තරම්ය.+ ඔවුන් වරදට පොලඹවන්නේ අස්ථිර අයවය. ඔවුන්ගේ සිත් යොමු වී තිබෙන්නේ තණ්හාවටය.+ ඔවුහු ශාප ලත් අය වෙති.+ 15  ඔවුන් හරි මඟ අත්හැර නොමඟ ගොස් ඇත. ඔවුන් අනුගමනය කරන්නේ වැරදි දේවල් කර ලාභ ලබාගැනීමට ප්‍රිය කළ+ බෙයොර්ගේ පුත් බාලාම්ගේ ක්‍රියාකලාපයයි.+ 16  නමුත් ඔහු කළ වරදට ඔහුට අවවාද ලැබිණ.+ බර අදින ගොළු සතෙක් මිනිසෙකුගේ හඬින් ඒ අනාගතවක්තෘවරයාට කතා කරමින්+ ඔහුගේ උමතු ක්‍රියාකලාපය නතර කර දැමීමට උත්සාහ කළේය.+ 17  එවැනි අය සිඳී ගිය දිය උල්පත් හා සමානය.+ චණ්ඩ මාරුතයකින් ගසාගෙන යන මීදුමක් හා සමානය. ඔවුන් සඳහා වෙන් කර තිබෙන්නේ දැඩි අන්ධකාරය පමණි.+ 18  මන්ද ඔවුහු කිසි හරයක් නැති දේවල් ගැන මහ ඉහළින් කතා කරති. ඊට අමතරව ඔවුහු වැරදි දේවල් කරන අයගෙන් යන්තමින් හෝ ගැලවී යන අයව+ පව්කාර ආශාවලට+ හා නින්දිත ක්‍රියාවලට යොමු කරමින් නැවතත් වරදට පොලඹවති.+ 19  එම දුෂ්ට මිනිසුන් අනුන්ට නිදහසක් ලබා දීමට පොරොන්දු වුවත්+ ඔවුහු ඉතා පිරිහුණු ජීවිතයකට වහල්ව සිටිති.+ මන්ද යමෙක් යම් දෙයකට හසු වී සිටී නම් ඔහු ඊට වහල්ව සිටියි.+ 20  ඇත්තෙන්ම ස්වාමීන් සහ ගැලවුම්කරු වන යේසුස් ක්‍රිස්තුස් පිළිබඳ නිවැරදි දැනුමක් ලබාගෙන මේ ලෝකයේ අපවිත්‍ර ක්‍රියාවලින් ගැලවුණු පසු+ ඔවුන් නැවතත් ඒ දේවලටම පැටලී ඒවාට හසු වුවහොත්+ ඔවුන් මුලින් සිටි තත්වයට වඩා ඔවුන්ගේ අවසන් තත්වය භයානක වනු ඇත.+ 21  මන්ද ධර්මිෂ්ඨ මාර්ගය කුමක්ද කියා නිවැරදි ලෙස දැනගත් පසු තමන්ට භාර දුන් ශුද්ධ වූ ආඥාවලට පිටු පාමින්+ ඒවායින් ඉවතට හැරෙනවාට වඩා ඔවුන් ඒ මාර්ගය ගැන නොදැන සිටියා නම් හොඳය.+ 22  ඇත්තෙන්ම, “බල්ලෙකු+ උගේ වමනය ලෙව කන්නා සේය. සේදූ ඊරි නැවතත් මඩේ පෙරළෙන්නා සේය”+ යන සැබෑ වූ හිතෝපදේශය ඔවුන්ට අදාළ වේ.

පාදසටහන්

මෙය භාවිත කර තිබෙන්නේ නෝවාගේ දවසේදී දෙවි තමාට අකීකරු වූ දේවදූතයන්ව තම ගෞරවනීය ස්ථානයෙන් පහත් කළ ආකාරය විස්තර කිරීමටය. එය සිරගෙයක් හා සමානය.
මූ.අ., “පරදාර සේවනය.” මෙය භාවිත කරන්නේ විවාහක පුරුෂයෙකු හෝ ස්ත්‍රියක අනාචාරයේ යෙදීම විස්තර කිරීමටය.