2 කොරින්ති 7:1-16

7  ප්‍රේමණීය සහෝදරයෙනි, අපට ඒ පොරොන්දු ලබා දී තිබෙන නිසා+ අපගේ මනස+ සහ ශරීරය අපවිත්‍ර කරවන සෑම දෙයකින්ම ඉවත් වී අපි අපවම පවිත්‍ර කරගනිමු.+ එලෙසම දේවගරුබිය දක්වමින් අපගේ ශුද්ධකම දිනෙන් දින පූර්ණ මට්ටමකට ගෙනෙමු.+  අපට ඔබේ හදවත්වල ඉඩක් දෙන්න.+ අප කාටවත් වරදක් නොකළ අතර කිසිම කෙනෙකුව අප නොමඟ යවා නැත. කිසිවෙකුගෙන් යම් වාසි ප්‍රයෝජන ගත්තේවත් නැත.+  මා එසේ කියන්නේ ඔබට නින්දා කිරීමේ අදහසින් නොවේ. මන්ද මා කලින් පැවසූ ලෙසම අපට කුමක් සිදු වුවත් ඔබ වෙනුවෙන් අපගේ හදවත්වල තිබෙන සෙනෙහස කිසිදා නැති වන්නේ නැත.+  කිසි බියක් සැකක් නැතුව මට ඔබ සමඟ විවෘතව කතා කළ හැකියි. එලෙසම මට ඔබ ගැන මහත් ආඩම්බරයක්ද දැනේ.+ එහෙයින් මට මහත් සැනසීමක් දැනෙන අතර+ අපට මොන තරම් පීඩා පැමිණියත් ඉමහත් ප්‍රීතියකින් මගේ හදවත ඉපිල යයි.+  ඇත්තෙන්ම අප මැසිඩෝනියාවට ගිය විට+ අපට කිසි සහනයක් දැනුණේ නැත.+ හැම අතින්ම අපි පීඩා වින්දෙමු.+ බොහෝදෙනෙකු අපට පීඩා කළ අතර අප අතරේ සිටි සහෝදරයන් ගැනද අපි බියෙන් සිටියෙමු.  නමුත් තීතස් පැමිණ අප සමඟ යම් කලක් සිටි* නිසා අධෛර්යයට පත් වී සිටින අයව සනසන දෙවි+ ඔහු මාර්ගයෙන් අපව සැනසුවේය.  ඔහුගෙන් අප සැනසිල්ලක් ලැබුවේ ඔහු අප ළඟ සිටි* නිසා පමණක් නොවේ. ඔහු ඔබ ගැන දැනගත් දෙයින් සැනසිල්ලක් ලැබූ නිසා ඒ සැනසිල්ල මගින් ඔහු අපවද සැනසුවේය. මන්ද ඔබ මාව දකින්න මහත් ආශාවකින් සිටින බවත් ඔබ මහත් දුකින් සිටින බවත් මා ගැන ඔබ දක්වන අවංක උනන්දුව ගැනත් ඔහු අපට දැන්වූ නිසා+ මගේ ප්‍රීතිය තවත් වැඩි විය.  ඒ නිසා මගේ ලිපිය ඔබට යම් දුකක් ගෙන දුන්නත්+ මට ඒ ගැන කනගාටුවක් දැනෙන්නේ නැත. (ඒ ලිපිය කෙටි කලකට ඔබ තුළ දුකක් ඇති කළ බව මම දනිමි.) මුලින් ඒ ලිපිය ලිවීම ගැන මා කනගාටු වුවත්,  මම දැන් ඒ ගැන සතුටු වෙමි. එසේ සතුටු වන්නේ ඔබ නිකම්ම දුක් වූ නිසා නොව ඔබේ දුක ඔබේ පසුතැවිල්ලට මඟ පෑදූ නිසාය.+ මන්ද ඔබ දෙවි ඉදිරියේ අවංකවම දුක් වුණේය.+ එහෙයින් අප නිසා ඔබට අත් වූයේ යහපතක් මිස අයහපතක් නොවේ. 10  මන්ද කෙනෙක් දෙවි ඉදිරියේ අවංකවම දුක් වෙනවා නම් එය පසුතැවිල්ලටත් ඒ පසුතැවිල්ල ගැලවීමටත් මඟ පාදයි. ඒ නිසා ඔබ කනගාටු නොවිය යුතුයි.+ අනික් අතට මේ ලෝකයේ මිනිසුන් මෙන් දුක් වීමෙන් කිසි පලක් නැත. එසේ කළොත් එය විනාශයට හේතු වේ.+ 11  ඒ වෙනුවට දෙවි ඉදිරියේ අවංකවම දුක් වීමෙන් ඔබට අත් වන ප්‍රතිඵල මොනවාද කියා දැන් බලන්න.+ මුලින්ම ඔබ යම් පියවර ගැනීමට දැඩි වෑයමක් දැරූ අතර ඇති වූ කැළැල නැති කිරීමටද මහත් ආශාවක් ඔබ තුළ ඇති විය. එලෙසම කලින් කළ වරද ගැන පිළිකුලක්ද දෙවි සඳහා ගරුබියක්ද ඔබට ඇති වූ අතර වරද නිවැරදි කරගැනීමට+ අවංක ආශාවකින්ද උද්‍යෝගයෙන්ද ඔබ ක්‍රියා කර ඇත. ඒ අනුව ඒ කාරණය සම්බන්ධයෙන් ඔබ පවිත්‍ර වී ඇති බව සෑම පැත්තකින්ම පැහැදිලිය. 12  ඇත්තෙන්ම මා මේ දේවල් ගැන ඔබට ලියා එව්වේ වරද කළ තැනැත්තා වෙනුවෙන්වත්+ වරදින් පීඩා විඳි පුද්ගලයා වෙනුවෙන්වත් නොවේ. ඒ වෙනුවට අප පැවසූ දේවලට ඔබ කොතරම් උනන්දුවකින් සවන් දෙනවාද කියා දෙවි ඉදිරියේ පැහැදිලි වීම සඳහාය. 13  අපට සැනසීමක් ලැබී තිබෙන්නේ ඒ නිසාය. නමුත් අප ලැබූ සැනසිල්ලට අමතරව තීතස් අද්දුටු ප්‍රීතිය දැක අපි තවත් ප්‍රීතිමත් වුණෙමු. මන්ද ඔබ සියලුදෙනා නිසා ඔහුට මහත් සහනයක් ලැබී ඇත.+ 14  එහෙයින් මා ඔබ ගැන ඔහුට ආඩම්බරයෙන් පැවසූ දේවල් බොරු වූයේ නැති නිසා මම ලැජ්ජාවට පත් වූයේ නැත. අප ඔබට පැවසූ සියල්ල සැබෑ වූ ලෙසම අප තීතස් ඉදිරියේ ඔබ ගැන ආඩම්බරයෙන් පැවසූ දේවල්ද සැබෑ බව ඔප්පු වී තිබේ.+ 15  මීට අමතරව ඔබ කීකරු වූ ආකාරයත්+ ඔහුව මහත් ගෞරවයකින් පිළිගත් ආකාරයත් ඔහුට මතක් වන විට ඔබ කෙරෙහි ඔහුට ඇති සෙනෙහස තව තවත් වැඩි වේ. 16  ඔබ නිසා මට මහත් දිරිගැන්වීමක් ලැබෙයි කියා සිතමින් මමද ප්‍රීතිමත් වෙමි.+

පාදසටහන්

පැමිණ සිටීම. ග්‍රීක බසින්, පරූසියා. උපග්‍ර. 7 බලන්න.
පැමිණ සිටීම. ග්‍රීක බසින්, පරූසියා. උපග්‍ර. 7 බලන්න.