1 සාමුවෙල් 2:1-36

2  එවිට හන්නා මෙසේ යාච්ඤා කළාය.+“යෙහෝවා දෙවියනි, ඔබ නිසා මගේ සිත ප්‍රීතියෙන් ඉපිල යන්නේය.+යෙහෝවා දෙවියනි, සැබවින්ම ඔබ මගේ සවිය* වැඩි කළෙහිය.+ඔබ මා ගැලවූ නිසා මම ප්‍රීති වෙමි.+නිර්භීතව මගේ සතුරන්ට විරුද්ධව කතා කරන්නෙමි.   යෙහෝවා දෙවියනි, ඔබ තරම් ශුද්ධ වෙන කිසිවෙක් නැත. මන්ද ඔබ හැර වෙන කිසි දෙවි කෙනෙක් නැත.+අපේ දෙවිට සමාන වූ පර්වතයක් නැත.+   ජනයෙනි, උඩඟු ලෙස පුරසාරම් නොදොඩන්න.අහංකාර ලෙස කතා නොකරන්න.+මන්ද යෙහෝවා දෙවි සියල්ල දන්නා දෙවි කෙනෙකි.+ඔහු සෑම ක්‍රියාවක්ම සාධාරණව විනිශ්චය කරන්නේය.+   දක්ෂ දුනුවායෝ තැතිගෙන සිටින්නෝය.+නමුත් බෙලහීන අය ශක්තිමත්ව සිටින්නෝය.*+   කා බී තෘප්තිමත්ව සිටි අය දැන් කෑම සොයාගැනීමට කුලී වැඩ කරන්නෝය.+නමුත් බඩගින්නේ සිටි අයට තවත් බඩගිනි නොවන්නේය.+ වඳ ස්ත්‍රියට දැන් දරුවන් හත්දෙනෙක් සිටින්නෝය.+නමුත් බොහෝ දරුවන් වැදූ තැනැත්තිය දැන් දුබලව සිටියි.+   දිවි රකින්නෙත් දිවි තුරන් කරන්නෙත් යෙහෝවා දෙවිය.+මිනී වළට+ යවන්නෙත් එයින් ගොඩගන්නෙත් ඔහුමය.+   යමෙකුව දිලිඳුකමට පත් කරන්නෙත්+ පොහොසත් කරන්නෙත් යෙහෝවා දෙවිය.+යමෙකුව පහත් කරන්නෙත් උසස් කරන්නෙත් ඔහුය.+   පොළොවේ අත්තිවාරම තිබෙන්නේ යෙහෝවා දෙවිගේ අතේය.+ඔහු ඒ මත පොළොව පිහිටුවන්නේය.එබැවින් අධිපතීන් සමඟ හිඳුවන පිණිසත් තේජවත් සිංහාසනයක්+ උරුම කර දෙන පිණිසත්+ඔහු දුප්පතුන්ව දූවිලි ගොඩෙන් නැඟිටුවන්නේය.+අළු ගොඩෙන් ඔවුන්ව ඔසවාගන්නේය.+   ඔහු තම පක්ෂපාත සේවකයන්ගේ පය නොලිස්සන ලෙස ඔවුන්ව ආරක්ෂා කරන්නේය.+එහෙත් ඔහු දුෂ්ටයන්ව අන්ධකාරයේ විනාශ කරන්නේය.+මිනිසෙකුට කිසිදා තමන්ගේම බලයෙන් ජය ගත නොහැක.+ 10  යෙහෝවා දෙවිට විරුද්ධව නැඟී සිටින්නෝ තැතිගන්නෝය.+ඔවුන්ට විරුද්ධව ඔහුගේ උදහස ප්‍රකාශ කරන විට අහස ගිගුරුම් දෙන්නේය.+තම රජුව ශක්තිමත් කරන පිණිසත්+තම අභිෂේක ලත් තැනැත්තාගේ සවිය වැඩි කරන පිණිසත්+යෙහෝවා දෙවි මුළු පොළොවම විනිශ්චය කරන්නේය.”+ 11  ඉන්පසු එල්කානා රාමාහි තිබූ තම නිවසට ගියේය. දරුවා පූජක ඒලී යටතේ යෙහෝවා දෙවිට සේවය කළේය.+ 12  ඒලීගේ පුත්‍රයෝ යෙහෝවා දෙවිට කොහෙත්ම ගෞරව නොකළ+ කිසි කමකට නැති මිනිස්සු වූහ.+ 13  යම් කෙනෙකු පූජාවක් ඔප්පු කළ විට සිදු වූයේ මෙයයි. පූජකයන්ට හිමි මස් කොටස්+ තැම්බෙන්න පටන්ගත් විගස+ පූජකයාගේ සේවකයෙක් කොක්කක් අතැතිව එතැනට ආවේය. 14  ඔහු මස් තැම්බෙන හට්ටිය හෝ හැළිය හෝ කල්දේරම හෝ වළඳ හෝ තුළට කොක්ක දමා මස් කැබලි එළියට ඇදගත්තේය. කොක්කට හසු වූ ඕනෑම කොටසක් පූජකයා තම ප්‍රයෝජනය සඳහා තබාගත්තේය. ෂීලෝ නුවර වෙත පැමිණි සෑම ඊශ්‍රායෙලිතයෙකුටම ඔවුහු එසේ කළෝය.+ 15  එපමණක්ද නොව තෙල් කොටස් දැවෙන්නත් කලින්+ පූජකයාගේ සේවකයෙක් පැමිණ පූජාව ඔප්පු කරන තැනැත්තාට මෙසේ කීවේය. “අපිට තම්බපු මස් එපා. පූජකයා කැමති මස් පුලුස්සා කන්නයි. ඒ නිසා අපිට අමු මස් දෙන්න.”+ 16  නමුත් පූජා ඔප්පු කරන තැනැත්තා, “තෙල් කොටස් ටික දැවෙන තුරු ඉන්න.+ ඊටපස්සේ ඔබ කැමති ඕනෑම කොටසක් ගන්න”+ කියා පැවසූ විට සේවකයා මෙලෙස පැවසුවේය. “නැහැ, දැන්මම දෙන්න! නැත්නම් මම බලෙන් ගන්නවා!”+ 17  මෙසේ ඒ පුරුෂයෝ යෙහෝවා දෙවිගේ පූජාවලට අගෞරව කළෝය.+ එබැවින් ඔවුන්ගේ පව් යෙහෝවා දෙවි ඉදිරියේ ඉතා බරපතළ විය.+ 18  ලිනන් රෙදිවලින් මැසූ ඒෆොද් හැට්ටයක්+ ඇඳ සිටි කුඩා සාමුවෙල්, යෙහෝවා දෙවි ඉදිරියේ සේවය කළේය.+ 19  ඔහුගේ මව අවුරුදු පතා ඇගේ පුරුෂයා සමඟ පූජා ඔප්පු කරන පිණිස ඒ ස්ථානයට පැමිණි විට+ අත් නැති කුඩා වස්ත්‍රයක්ද ඔහුට ගෙනැවිත් දුන්නාය. 20  එල්කානාට සහ ඔහුගේ භාර්යාවට ආශීර්වාද+ කරමින් ඒලී මෙසේ කීවේය. “යෙහෝවා දෙවිගෙන් ඔබට ආශීර්වාද ලැබේවා! ඔබ යෙහෝවා දෙවිට දුන් මේ දරුවා+ වෙනුවට මේ බිරිඳගෙන් තවත් දරුවෙක් ඔබට ලැබේවා!” ඉන්පසු ඔවුහු තම නිවස බලා පිටත්ව ගියෝය. 21  යෙහෝවා දෙවිද හන්නාට ආශීර්වාද කළේය.+ ඇය නැවත ගැබ්ගත්තාය. කල් යත්ම ඇය පුතුන් තුන්දෙනෙකුද දූවරුන් දෙදෙනෙකුද බිහි කළාය.+ කුඩා සාමුවෙල් යෙහෝවා දෙවිට ප්‍රසන්න ලෙස* හැදී වැඩුණේය.+ 22  ඒලී ඉතා මහලුව සිටියේය. ඔහුගේ පුත්‍රයන් ඊශ්‍රායෙලිතයන්ට කළ සෑම දෙයක්ම+ ඔහුට ආරංචි විය.+ සම්මුඛ වීමේ කූඩාරම+ අසල සේවය කරමින් සිටි ස්ත්‍රීන් සමඟ ඔවුන් දුරාචාරයේ යෙදුණු බවත්+ ඔහුට දැනගන්න ලැබිණ. 23  එබැවින් ඔහු ඔවුන්ට කතා කර මෙසේ කීවේය.+ “පුතාලා මේ විදිහට හැසිරෙන්නේ ඇයි?+ ඔබ කරන නරක දේවල් ගැන මට හැමෝම ඇවිත් කියනවා.+ 24  අනේ මගේ දරුවෙනි, යෙහෝවා දෙවිගේ සෙනඟ අතරේ පැතිර යන මේ කතා එච්චර හොඳ දේවල් නෙමෙයි.+ 25  මනුෂ්‍යයෙක් තවත් මනුෂ්‍යයෙකුට විරුද්ධව පව් කළොත්+ දෙවිට පුළුවන් ඔහු වෙනුවෙන් මැදිහත් වෙන්න.+ නමුත් මනුෂ්‍යයෙක් යෙහෝවා දෙවිට විරුද්ධව පව් කළොත්+ ඔහු වෙනුවෙන් යාච්ඤා කරන්නේ කවුද?”+ නමුත් ඔවුහු තම පියාගේ හඬට සවන් දුන්නේ නැත.+ මන්ද යෙහෝවා දෙවි ඒ වන විටත් ඔවුන්ව මරණයට පත් කිරීමට තීරණය කර තිබිණ.+ 26  ඒ සියල්ල එසේ සිදු වෙද්දී සාමුවෙල් යෙහෝවා දෙවි හා මනුෂ්‍යයන් ඉදිරියේ ප්‍රසාදය ලබමින් වැඩුණේය.+ 27  පසුව දෙවිගේ අනාගතවක්තෘවරයෙක්+ ඒලී වෙත පැමිණ මෙසේ කීවේය. “යෙහෝවා දෙවි ඔබට මෙසේ කීවේය. ‘ඊජිප්තු දේශයේ පාරාවෝගේ වහලුන් ලෙස සිටි කාලයේදී මම ඔබේ මුතුන්මිත්තාට ප්‍රකාශ වුණේ නැද්ද?+ 28  මට සේවය කරන පිණිස ඊශ්‍රායෙල්වරුන්ගේ සියලු ගෝත්‍ර අතරින් මම ඔහුව තෝරාගත්තෙමි.+ ඒෆොද් හැට්ටය ඇඳ මා ඉදිරියේ පූජකයා ලෙස සේවය කරන්නත් පූජාසනයට+ නැඟ මට ප්‍රසන්න සුවඳක් ගෙනෙන පූජා ඒ මත දවා ඔප්පු කරන්නත් මම ඔහුව තෝරාගත්තෙමි. ඊශ්‍රායෙල් සෙනඟ ගින්නෙන් දවා ඔප්පු කරන සෑම පූජාවක්ම ඔහුගේ ගෙයි වැසියන්ට දෙන පිණිස මම එසේ කළෙමි.+ 29  මාගේ ගෘහයේ+ ඔප්පු කරන්න කියා මා අණ කළ මාගේ යාගවලටත් පූජාවලටත් ඔබ පයින් ගසන්නේ ඇයි?+ ඔබ මට වඩා ඔබේ පුත්‍රයන්ට ගෞරව කරන්නේ ඇයි?+ මාගේ සෙනඟ වන ඊශ්‍රායෙල්වරුන් ඔප්පු කරන සෑම පූජාවකින්ම හොඳම කොටස ගෙන ඔබවම තර කරගන්නේ ඇයි?’+ 30  “ඒ නිසා ඊශ්‍රායෙල්හි දෙවි වන යෙහෝවා ඔබට මෙසේ කියන්නේය. ‘ඔබේ ගෙයි වැසියන් ඇතුළු ඔබේ පෙළපතට අයත් සියලුදෙනා නිරතුරුවම මා ඉදිරියේ සේවය කරනු ඇත කියා මා කලින් කී බව ඇත්තයි.’+ නමුත් යෙහෝවා දෙවි තවදුරටත් මෙසේ කියන්නේය. ‘දැන් මම එයට කිසිසේත්ම ඉඩ නොදෙන්නෙමි. මන්ද මට ගෞරව කරන අයට+ මමත් ගෞරව කරමි.+ නමුත් මට අගෞරව කරන අය අවමානයට ලක් වන්නේය.+ 31  ඔබේ පවුලේ කිසිවෙකු මහලු විය දක්වා ජීවත් නොවන්නේය. මා ඔබටත් ඔබෙන් පැවතෙන්නන්ටත් හිමි සියලු බලතල ඉවත් කරන කාලයක් පැමිණෙන්නේය.+ 32  ඊශ්‍රායෙල්වරුන් මාගේ අතින් යහපත් දේවල් භුක්ති විඳින විට ඔබ මාගේ වාසස්ථානයේදී සතුරන්ගේ අතින් පීඩා විඳිනු ඇත.+ ඔබේ පවුලේ කිසිවෙකු මහලු විය දක්වා ජීවත් නොවන්නේය. 33  එහෙත් ඔබෙන් පැවතෙන්නන්ට මාගේ පූජාසනය ඉදිරියේ සේවය කිරීමට මම ඉඩහරින්නෙමි. නමුත් ඔවුන්ට දැකීමට සිදු වන විපත්ති නිසා ඔවුන්ගේ පෙනීම දුර්වල වී ඔවුන්ගේ ශක්තිය හීන වී යනු ඇත. ඔබෙන් පැවතෙන්නන්ගෙන් බහුතරයක් කඩුවෙන් මැරුම් කනු ඇත.+ 34  හොප්නී හා පිනෙහාස්+ වන ඔබේ පුතුන් දෙදෙනාට සිදු වන දේ ඔබට ලකුණක් වන්නේය. ඔවුහු එකම දවසේ මිය යනු ඇත.+ 35  මට සේවය කිරීමට විශ්වාසවන්ත පූජකයෙකුව මම පත් කරන්නෙමි.+ ඔහු මාගේ කැමැත්තට එකඟව මාගේ සිත සතුටු වන ආකාරයෙන් ක්‍රියා කරයි. මම ඔහුගේ පෙළපත ස්ථිර ලෙස පිහිටුවන්නෙමි. ඔහු මාගේ අභිෂේක ලත්+ තැනැත්තා ඉදිරියේ සැමදා සේවය කරනු ඇත. 36  ඔබෙන් පැවතෙන කිසිවෙකු ඉතුරු වේ නම්+ ඔහු කෑම ලබාගැනීමට මුදල් ටිකක් උපයාගැනීම සඳහා අභිෂේක ලත් තැනැත්තා වෙත ගොස් හිස නමා මෙසේ කියනු ඇත. “අනේ, පූජකයකු ලෙස මාව පත් කරන්න. එතකොට මට කෑමට මොනවා හරි ලැබෙයි.”’”+

පාදසටහන්

මූ.අ., “මාගේ අඟ උසස් කළේය.” සාමාන්‍යයෙන් බයිබලයේ බලය සහ අධිකාරිය සංකේතවත් කිරීමට අඟ හෝ අං යන වචන යොදා තිබේ.
මූ.අ., “ශක්තියෙන් සැරසෙන්නෝය.”
හෝ, “‘යෙහෝවා දෙවි ඉදිරියේ’ එනම්, යෙහෝවා දෙවිගේ ශුද්ධ කූඩාරමේ.”