1 ලේකම් 7:1-40

7  ඉසකාර්ට සිටි පුත්‍රයන් හතරදෙනා නම් තෝලා,+ පුවා,+ යාෂුබ් සහ ෂිම්රොන්ය.+  තෝලාගේ පුත්‍රයන් නම් උස්සි, රෙෆායා, යෙරීයෙල්, යාමයි, ඉබ්සාම් සහ ෂෙමුවෙල්ය. ඔවුහු ඔවුන්ගේ පෙළපතේ ප්‍රධානියෝය. තෝලාගේ පෙළපතින් ඉතා එඩිතර, බලසම්පන්න පුරුෂයෝ බිහි වූහ. දාවිත් රජුගේ කාලයේ+ ඔවුන්ගේ සංඛ්‍යාව විසිදෙදහස් හයසියයකි.  උස්සිට දාව ඉෂ්රාහියා උපන්නේය. ඉෂ්රාහියාට පුත්‍රයෝ පස්දෙනෙක් සිටියෝය. ඔවුන් නම් මිකායෙල්, ඔබදියා, යෝවෙල්, ඉෂ්ෂියා සහ . . .ය.* ඔවුහු සියලුදෙනාම ප්‍රධානියෝය.  ඔවුන්ගේ මුතුන්මිත්තන්ගේ පෙළපතින් පැවත ආ හමුදා භටයින් තිස්හයදහස්දෙනෙක් ඔවුන් සමඟ සිටියෝය. ඔවුන්ගේ ගණන මෙතරම් වැඩි වූයේ ඔවුන්ට බොහෝ භාර්යාවන් හා පුත්‍රයන් සිටි නිසාය.+  ඉසකාර්ගෙන් බිහි වූ සියලුම පවුල්වලට අයත් පුරුෂයන් එඩිතර, බලසම්පන්න අයය.+ පෙළපත් වාර්තාවේ සඳහන් ආකාරයට ඔවුන්ගේ ගණන අසූහත්දහසකි.+  බෙන්ජමින්ගේ පුත්‍රයන්+ තිදෙනා නම් බෙලා,+ බෙකෙර්+ සහ යෙදීයයෙල්ය.+  බෙලාට+ පුත්‍රයෝ පස්දෙනෙක් සිටියෝය. ඔවුන්ගේ නම් එෂ්බොන්, උස්සි, උස්සියෙල්, යෙරිමොත් සහ ඊරිය. ඔවුහු තම පෙළපතේ ඉතා එඩිතර බලසම්පන්න ප්‍රධානියෝය. පෙළපත් වාර්තාවට අනුව+ ඔවුන්ගෙන් පැවත ආ අයගේ ගණන විසිදෙදහස් තිස්හතරකි.  බෙකෙර්ගේ පුත්‍රයන් නම් සෙමීරා, යෝවාෂ්, එලියේසර්, එලියෝනේයයි, ඔම්රී, යෙරෙමොත්, අබියා, අනාතොත් සහ අලෙමෙත්ය.  ඔවුන්ගේ පෙළපතේ ප්‍රධානීන්ගෙන් පැවතෙන්නෝ එඩිතර බලසම්පන්න පුරුෂයෝය. පෙළපත් වාර්තාවල සඳහන් ආකාරයට+ ඔවුන්ගේ ගණන විසිදහස් දෙසියයකි. 10  යෙදීයයෙල්ගේ+ පුත්‍රයා බිල්හාන්ය. බිල්හාන්ගේ පුත්‍රයන් නම් යෙවුෂ්, බෙන්ජමින්, ඒහුද්, කෙනානා, ෂේතාන්, තර්ෂිෂ් සහ අහිෂාහර්ය. 11  ඔවුහු සියලුදෙනා යෙදීයයෙල්ගෙන් පැවතෙන්නෝය. ඔවුහු තම පෙළපතේ එඩිතර, බලසම්පන්න ප්‍රධානියෝය.+ එමෙන්ම ඔවුහු සෙබළුන් ලෙස යුද්ධයට සැරසී සිටි පුරුෂයෝය. ඔවුන්ගේ ගණන දාහත්දහස් දෙසියයකි. 12  ෂප්පිම්වරු+ හා හප්පිම්වරු*+ ඊර්ගේ+ පුත්‍රයෝය. හුෂිම්වරු අහෙර්ගේ පුත්‍රයෝය1. 13  නෆ්තලීගේ පුත්‍රයන්+ නම් යාෂියෙල්,+ ගුනී,+ යේෂෙර් සහ ෂල්ලුම්ය.*+ බිල්හාගෙන්+ පැවත ආවේ මොවුන්ය. 14  මනස්සේට+ අස්‍රියෙල් නමින් පුත්‍රයෙක් සිටියේය. ඔහු ඉපදුණේ මනස්සේගේ සිරියානු උපභාර්යාවටය. (ඇයට ගිලියද්ගේ පියා වූ මාකීර්ද+ උපන්නේය. 15  හප්පිම් සඳහා බිරිඳක්ද ෂප්පිම් සඳහා බිරිඳක්ද මාකීර් සොයා දුන්නේය. ඔහුගේ සහෝදරියගේ නම මයකාය.) මනස්සේගේ දෙවෙනි පුත්‍රයාගේ නම ෂෙලොපෙහාද්ය.+ ෂෙලොපෙහාද්ට සිටියේ දූවරුන් පමණි.+ 16  කල් යත්ම මාකීර්ගේ බිරිඳ වූ මයකාට පුත්‍රයෙක් උපන්නේය. ඔහුට පේරෙෂ් යන නම දෙන ලදි. ඔහුගේ සහෝදරයාගේ නම ෂෙරෙෂ්ය. ෂෙරෙෂ්ගේ පුත්‍රයන් නම් ඌලාම් සහ රෙකෙම්ය. 17  ඌලාම්ගේ පුත්‍රයා බෙදාන්ය. මොවුන් ගිලියද්ගේ පුත්‍රයන්ය. ගිලියද්, මාකීර්ගේ පුත්‍රයාය. මාකීර්, මනස්සේගේ පුත්‍රයාය. 18  ගිලියද්ගේ සහෝදරිය හම්මොලෙකෙත්ය. ඇයට ඉෂ්හොද්, අබි-එෂෙර්+ සහ මාලාහ් උපන්නෝය. 19  ෂෙමිදාගේ පුත්‍රයන් නම් අහියාන්, ෂෙකෙම්, ලික්හි සහ අනියාම්ය. 20  එෆ්‍රායිම්ගේ+ පුත්‍රයා ෂුතෙලාය.+ ෂුතෙලාගේ පුත්‍රයා බෙරෙද්ය. බෙරෙද්ගේ පුත්‍රයා තහත්ය. තහත්ගේ පුත්‍රයා එලෙයාදාය. එලෙයාදාගේ පුත්‍රයා තහත්ය. 21  තහත්ගේ පුත්‍රයා සාබාද්ය. සාබාද්ගේ පුත්‍රයා ෂුතෙලාය. එෆ්‍රායිම්ට එෂෙර් සහ එලෙයාද් යන නම්වලින් පුත්‍රයෝ දෙදෙනෙක්ද සිටියෝය. ඔවුන් ගාත් දේශයේ+ වැසියන්ට අයිති සතුන් පැහැරගෙන යෑමට පැමිණි නිසා එම මිනිස්සු ඔවුන්ව මරා දැමුවෝය. 22  ඔවුන්ගේ පියා වූ එෆ්‍රායිම් දවස් ගණනාවක් ඔවුන්ගේ වියෝව නිසා ශෝක විය.+ ඔහුගේ සහෝදරයෝ පැමිණ ඔහුව සැනසීමට උත්සාහ කළෝය. 23  ඉන්පසු ඔහු තම භාර්යාව සමඟ සයනය කළේය. ඇය ගැබ්ගෙන+ පුතෙකු බිහි කළාය. ඔහු එම පුත්‍රයාට බෙරීයා* යන නම තැබීය. එසේ කළේ ඇය මෙම පුත්‍රයාව බිහි කළ කාලයේදී තම පවුලට මහත් විපතක්+ සිදු වී තිබුණු නිසාය. 24  ඔහුගේ දියණියගේ නම ෂෙයෙරාය. ඇය ඉහළ බෙත්-හෝරොන්+ හා පහළ බෙත්-හෝරොන්+ යන නුවරවල් දෙකද උස්සෙන්-ෂෙයෙරා යන නුවරද ගොඩනැඟුවාය. 25  ඉන්පසු ඔහුට දාව රෙෆා හා රෙෂෙප් යන පුත්‍රයෝ උපන්නෝය.* රෙෂෙප්ගේ පුත්‍රයා තෙලාය. ඔහුගේ පුත්‍රයා තහන්ය. 26  තහන්ගේ පුත්‍රයා ලාදාන්ය. ලාදාන්ගේ පුත්‍රයා අමිහුද්ය. අමිහුද්ගේ පුත්‍රයා එලිෂාමාය. 27  එලිෂාමාගේ පුත්‍රයා නූන්ය.+ නූන්ගේ පුත්‍රයා යෙහොෂුවාය.+ 28  ඔවුන්ට උරුම වූ දේශයට හා ඔවුන් වාසය කළ ස්ථානවලට බෙතෙල්+ හා ඒ අවට පිහිටි කුඩා නුවරවල්ද නැඟෙනහිර දෙසින් නයරාන් නුවරද+ බටහිර දෙසින් ගෙෂෙර්+ හා ඒ අවට පිහිටි කුඩා නුවරවල්ද ෂීකෙම්+ හා ඒ අවට පිහිටි කුඩා නුවරවල සිට ගාසා හා ඒ අවට පිහිටි නුවරවල් දක්වා වූ ප්‍රදේශද ඇතුළත් විය. 29  මනස්සේගේ පුත්‍රයන්ට හිමි ප්‍රදේශයේ සීමාව ළඟ තිබූ බෙත්-ෂෙයාන්+ හා ඒ අවට පිහිටි කුඩා නුවරවල්ද තයනක්+ හා ඒ අවට පිහිටි කුඩා නුවරවල්ද මෙගිද්දෝ+ හා ඒ අවට පිහිටි කුඩා නුවරවල්ද දෝර්+ හා ඒ අවට පිහිටි කුඩා නුවරවල්ද ඔවුන්ට හිමි විය. ඊශ්‍රායෙල්ගේ පුත්‍රයා වූ යෝසෙප්ගේ පුත්‍රයන්+ වාසය කළේ මෙම ප්‍රදේශවලය. 30  ආෂෙර්ගේ පුත්‍රයන්+ නම් ඉම්නාහ්,+ ඉෂ්වා, ඉෂ්වී+ සහ බෙරීයාය.+ ඔවුන්ගේ සහෝදරියගේ නම සෙරාය. 31  බෙරීයාගේ පුත්‍රයන් නම් හෙබෙර් සහ මල්කියෙල්ය. මල්කියෙල් බිර්සායිත්ගේ පියාය. 32  හෙබෙර්ගේ දරුවන් නම් යෆ්ලෙත්, ෂෝමෙර්* සහ හෝතාම්ය. ඔවුන්ගේ සහෝදරිය ෂුවාය. 33  යෆ්ලෙත්ගේ පුත්‍රයන් නම් පාසක්, බිම්හාල් සහ අෂ්වාත්ය. 34  ෂෙමෙර්ගේ පුත්‍රයන් නම් ආහි, රෝගාහ්, යෙහුබ්බා සහ ආරම්ය. 35  ඔහුගේ සහෝදර වූ හේලෙම්ගේ පුත්‍රයන් නම් ෂෝපා, ඉම්නා, ෂේලෙෂ් සහ අමාල්ය. 36  ෂෝපාගේ පුත්‍රයෝ සුවා, හර්නෙපෙර්, ෂුවාල්, බේරී සහ ඉම්රාහ්ද 37  බෙෂෙර්, හෝඩ්, ෂම්මා, ෂිල්ෂාහ්, ඉත්රාන් සහ බෙයේරාද වූහ. 38  යෙතෙර්ගේ පුත්‍රයන් නම් යෙෆුන්නෙ, පිස්පා සහ ආරාය. 39  උල්ලාගේ පුත්‍රයන් නම් ආරාහ්, හන්නියෙල් සහ රිෂීයාය. 40  ඔවුහු සියල්ලෝම ආෂෙර්ගේ පුත්‍රයෝය. ඔවුහු තම පෙළපතේ ප්‍රධානියෝය.+ ඔවුහු සෙනඟ අතරින් තෝරාගත්, එඩිතර,+ බලසම්පන්න අය වූහ. ඔවුහු අධිපතීන් ලෙස කටයුතු කළ අයගේ ප්‍රධානියෝය. පෙළපත් වාර්තාවල+ ඔවුන් ලැයිස්තුගත කර තිබුණේ යුද්ධයට සැරසී සිටි සෙබළුන් ලෙසය. ඔවුන් ගණනින් විසිහයදහසකි.+

පාදසටහන්

මුල් හෙබ්‍රෙව් පිටපත්වල නම සඳහන් වී නැත.
හෝ, “ෂප්පිම් හා හප්පිම්.”
උත් 46:24හි සඳහන් වන්නේ, “ෂිල්ලෙම්” ලෙසයි.
තේරුම, “විපත්ති සමඟ.”
රෙෆා හා රෙෂෙප්, බෙරීයාගේ පුත්‍රයන් විය හැකියි.
34වන පදයෙහි සඳහන් වන්නේ, “ෂෙමෙර්” ලෙසයි.