1 ලේකම් 5:1-26

5  ඊශ්‍රායෙල්ගේ කුලුඳුලා වූ+ රූබෙන්ගේ පුත්‍රයන්+ පිළිබඳ විස්තර මතු දැක්වේ. ඔහු කුලුඳුලා වුවත් ඔහු තම පියාගේ විවාහ යහන කිලිටි කළ බැවින්+ කුලුඳුලා ලෙස ඔහු සතු උරුමය ඊශ්‍රායෙල්ගේ පුත්‍රයා වූ යෝසෙප්ගේ පුත්‍රයන්ට දෙන ලදි.+ එහෙයින් කුලුඳුලාට හිමි උරුමය ලැබෙන්නා ලෙස ඔහුව ලැයිස්තුගත කළේ නැත.  යූදා+ තම සහෝදරයන්ට වඩා බලවත් විය. නායකයා ලෙස පැමිණෙන තැනැත්තා බිහි වීමට නියමිතව තිබුණේ ඔහුගේ පෙළපතින්ය.+ එනමුත් කුලුඳුලාට හිමි උරුමය ලැබුණේ යෝසෙප්ටය.+  ඊශ්‍රායෙල්ගේ කුලුඳුලා වූ රූබෙන්ගේ පුත්‍රයන් නම් හනොක්,+ පල්ලූ,+ හෙස්‍රොන් සහ කාමී+ යන අයයි.  යෝවෙල්ගේ පුත්‍රයා ෂෙමායාය. ෂෙමායාගේ පුත්‍රයා ගොග්ය. ගොග්ගේ පුත්‍රයා ෂිමෙයිය.  ෂිමෙයිගේ පුත්‍රයා මීකාය. මීකාගේ පුත්‍රයා රෙයායාය. රෙයායාගේ පුත්‍රයා බාල්ය.  බාල්ගේ පුත්‍රයා බෙයේරාහ්ය. රූබෙන් ගෝත්‍රයේ අධිපතියෙකු වූ ඔහුව ඇසිරියාවේ රජු වූ තිල්ගත්-පිල්නෙසෙර්+ විසින් වහලෙකු ලෙස ගෙන යන ලදි.  බෙයේරාහ්ගේ සහෝදරයන්ගේ නම්වලින් පෙළපත් වාර්තා වී+ ඇති අතර ඔවුන්ගේ නම් මෙසේය. මූලිකයා යෙයීයෙල්ය. මීට අමතරව සෙකරියාද  යෝවෙල්ගේ පුත්‍රයෙකු වූ+ ෂෙමාගේ පුත් ආසාස්ගේ පුත්‍රයා වන බෙලාද ඔවුන් අතර සිටියෝය. අරෝයේර්හිද+ නෙබෝ+ සහ බාල්-මෙයොන්+ දක්වා විහිදී යන ප්‍රදේශයෙහිද බෙලා වාසය කරමින් සිටියේය.  ඔහු වාසය කළ භූමි ප්‍රදේශය නැඟෙනහිර දෙසට එනම්, යුප්‍රටීස් ගඟ+ අසල පාළුකරයට ඇතුල් වන ස්ථානය දක්වා විහිදී ගියේය. ඔවුහු එහි වාසය කළේ ඔවුන් රැකබලා ගත් සතුන් ගිලියද් දේශයේදී+ බොහෝ සෙයින් වැඩි වූ නිසාය. 10  සාවුල් රජුගේ කාලයේදී ඔවුහු හග්රියවරුන්ට විරුද්ධව යුද්ධ කර ඔවුන්ව පරාජය කළෝය.+ එහෙයින් ගිලියද් දේශයට නැඟෙනහිරින් පිහිටි දේශය පුරාම තිබූ ඔවුන්ගේ කූඩාරම්වල ඔවුහු වාසය කළෝය. 11  ඔවුන් අසල ජීවත් වූ ගාද්ගෙන් පැවතෙන්නන්+ වාසය කළේ බාෂාන් දේශයේ+ සලෙකා නම් නුවර+ දක්වා ඇති ප්‍රදේශයේය. 12  බාෂාන්හි වාසය කළ ඔවුන්ගේ ප්‍රධානියා යෝවෙල්ය. දෙවෙනියා ෂාපාම්ය. ඔවුන් සමඟ යානයි හා ෂාපාත්ද සිටියෝය. 13  ඔවුන්ගේ ඥාති සහෝදරයෝ සත්දෙනෙකි. ඔවුන් නම් මිකායෙල්, මෙෂල්ලම්, ෂෙබා, යෝරයි, යාකාන්, ෂීය සහ ඒබර් යන අයයි. 14  මොවුහු අබිහයිල්ගේ පුත්‍රයෝය. අබිහයිල් හූරිගේ පුත්‍රයාය. හූරි යාරොවාගේ පුත්‍රයාය. යාරොවා ගිලියද්ගේ පුත්‍රයාය. ගිලියද් මිකායෙල්ගේ පුත්‍රයාය. මිකායෙල් යෙෂීෂයිගේ පුත්‍රයාය. යෙෂීෂයි යාඩෝගේ පුත්‍රයාය. යාඩෝ බූෂ්ගේ පුත්‍රයාය. 15  ඔවුන්ගේ මුතුන්මිත්තන්ගේ පෙළපතේ මූලිකයා වූයේ ආහිය. ආහි අබ්දියෙල්ගේ පුත්‍රයාය. අබ්දියෙල් ගුනීගේ පුත්‍රයාය. 16  ඔවුහු දිගටම ගිලියද්+ හා බාෂාන් දේශවල+ මෙන්ම ඒ දේශ අවට තිබූ කුඩා නුවරවල+ හා ෂාරොන්හි තණබිම් පිහිටි දේශ සීමා තුළ වාසය කළෝය. 17  ඔවුන් සියලුදෙනාගේ පෙළපත් ඇතුළත් වාර්තා සකස් කරන ලද්දේ යූදාහි රජු වූ යෝතම්ගේ+ කාලයේදී හා ඊශ්‍රායෙල්හි රජු වූ යෙරොබොවම්ගේ*+ කාලයේදීය. 18  රූබෙන්ගේ පුත්‍රයන්ගෙන්ද ගාද්වරුන්ගෙන්ද මනස්සේ නම් ගෝත්‍රයේ කොටසකින්ද හමුදාවට තෝරාගත් පුරුෂයන්ගේ ගණන හතළිස්හතරදහස් හත්සිය හැටකි.+ ඔවුහු දුනු ශිල්පයට දක්ෂ, යුද්ධයට පුහුණු වූ පලිස් සහ කඩුවලින් සන්නද්ධ වූ, එඩිතර පුරුෂයෝය.+ 19  ඔවුහු හග්රියවරුන්ටද+ යෙතූර්+ නාෆිෂ්+ සහ නෝදාබ් යන ජන පිරිස්වලටද විරුද්ධව යුද්ධ කළෝය. 20  ඔවුහු සටන් කරද්දී දෙවිගේ උපකාර ඉල්ලා කන්නලව් කළෝය.+ දෙවිගේ උපකාරය ඔවුන්ට ලැබුණු නිසා හග්රියවරුන්ව හා ඔවුන් සමඟ සිටි සියලුදෙනාවම පරාජය කිරීමට ඔවුන්ට හැකි විය. දෙවි ඔවුන්ට උපකාර කළේ ඔවුන් දෙවි කෙරෙහි විශ්වාසය තැබූ නිසාය.+ 21  ඔවුහු ඔටුවන් පනස්දහසක්ද බැටළුවන්+ දෙලක්ෂ පනස්දහසක්ද බූරුවන් දෙදහසක්ද අල්ලාගත් අතර මිනිසුන් ලක්ෂයක්ද වහලුන් ලෙස යටත් කරගත්තෝය.+ 22  දෙවි ඔවුන් වෙනුවෙන් සටන් කළ නිසා+ ඔවුන්ගේ සතුරෝ බොහෝදෙනෙක් සටනේදී මිය ගියෝය. පසු කලෙක ඔවුහු වහල්කමට යන තෙක්ම තමන් අල්ලාගත් එම ප්‍රදේශයෙහි වාසය කළෝය.+ 23  මනස්සේ නම් ගෝත්‍රයේ කොටසකට+ අයත් පුත්‍රයෝ බාෂාන්+ සිට බාල්-හෙර්මොන්+ දක්වාද එතැන් සිට සෙනීර්+ හා හෙර්මොන් කන්ද+ දක්වාද විහිදී ගිය දේශයේ වාසය කළෝය. ඔවුහු ගණනින් බොහෝ සෙයින් වැඩි වූහ. 24  ඔවුන්ගේ මුතුන්මිත්තන්ගේ පෙළපතේ මූලිකයන් නම් ඒෆෙර්, ඉෂී, එලියෙල්, අෂ්‍රියෙල්, යෙරෙමියා, හෝදවියා සහ යාදියෙල් යන අයයි. ඔවුහු එඩිතර, බලවත්, ඉමහත් කීර්තියක් ඉසිලූ පුරුෂයෝය. තම මුතුන්මිත්තන්ගේ පෙළපතේ මූලිකයන් ලෙස කටයුතු කළේ ඔවුන්ය. 25  එනමුත් ඔවුහු තම මුතුන්මිත්තන් නමස්කාර කළ දෙවිට ද්‍රෝහිව කටයුතු කිරීමට පටන්ගත්තෝය. එමෙන්ම දෙවි ඔවුන්ගේ ඇස් පනාපිටම දේශයෙන් පන්නා දැමූ ජාතීන් ඇදහූ දෙවිවරුන්ව+ අදහමින් ඔවුහු පිළිකුල්සහගත දේවල් කළෝය.+ 26  එහෙයින් ඊශ්‍රායෙල් ජනයාගේ දෙවි, ඇසිරියාවේ රජු වූ+ පූල්+ එනම්, තිල්ගත්-පිල්නෙසෙර්ව+ ඔවුන්ට විරුද්ධව නැඟී සිටීමට පෙලඹුවේය.+ ඔහු රූබෙන්වරුන්වද ගාද්වරුන්වද මනස්සේ නම් ගෝත්‍රයේ කොටසකට අයත් අයවද වහලුන් ලෙස රැගෙන ගොස්+ හලා,+ හාබොර්, හාරා සහ ගෝසාන් ගඟ අසල පදිංචි කෙරෙව්වේය. ඔවුහු අද දක්වා එම ප්‍රදේශවල වාසය කරති.

පාදසටහන්

එනම්, 2වන යෙරොබොවම් රජුගේ කාලයේදීය. 2රාජා 14:16-29 බලන්න.