1 කොරින්ති 1:1-31

1  මෙම ලිපිය ඔබට ලියන්නේ දෙවිගේ කැමැත්තට අනුව+ යේසුස් ක්‍රිස්තුස්ගේ නියෝජිතයෙකු*+ ලෙස කැඳවනු ලැබූ පාවුල් වන මමය. මා සමඟ අපගේ සහෝදර සොස්තනේස්ද+ සිටියි.  කොරින්තියේ+ තිබෙන දෙවිගේ සභාව වන ඔබට මා ලියන්නේ මෙයයි. ක්‍රිස්තුස් යේසුස් සමඟ එකට බැඳී සිටින ඔබ සියලුදෙනාම ශුද්ධය.*+ එහෙයින් අපගේ ස්වාමීන් වන යේසුස් ක්‍රිස්තුස්ගේ නාමයෙන්+ කන්නලව් කරන සෑම තැනකම වෙසෙන සියලුදෙනාව මෙන්ම ඔබවත් ශුද්ධ තැනැත්තන් ලෙස කැඳවා ඇත.+ යේසුස් ඔවුන්ගේ මෙන්ම අපගෙත් ස්වාමීන්ය.+  අපගේ පියාණන් වන දෙවිගෙන්ද ස්වාමීන් වන යේසුස් ක්‍රිස්තුස්ගෙන්ද+ මහත් කරුණාවත්+ සමාදානයත්+ ඔබට ලැබේවා!  ක්‍රිස්තුස් යේසුස් තුළින්+ දෙවි ඔබට මහත් කරුණාවක් පෙන්වා ඇති නිසා+ ඒ ගැන මම නිතරම දෙවිට ස්තුති කරමි.  මන්ද යේසුස් සමඟ එකට බැඳී සිටින ඔබට දෙවි බොහෝ සෙයින් ආශීර්වාද කර ඇත.+ එහෙයින් දෙවිගේ පණිවිඩය ප්‍රකාශ කිරීමට ඔබට හොඳ හැකියාවක් ලැබී ඇති අතර ඔබ දැනුමෙන්ද පූර්ණ වී ඇත.+  ඉන් පැහැදිලි වන්නේ ක්‍රිස්තුස් පිළිබඳ සාක්ෂිය+ ඔබට හොඳින්ම කාවැදී ඇති බවය.  එමනිසා අපගේ ස්වාමීන් වන යේසුස් එළිදරව් වන කාලය පැමිණෙන තුරු මහත් ආශාවකින් බලා සිටින ඔබට,+ කිසිම දීමනාවකින් අඩුවක් අද්දකින්න සිදු වන්නේ නැත.+  ඊට අමතරව අවසානය දක්වාම ස්ථිරව සිටීමට+ දෙවි ඔබට උපකාර කරනු ඇත. එයින් අපගේ ස්වාමීන් වන යේසුස් ක්‍රිස්තුස්ගේ+ දවසේදී+ නිදොස්ව සිටීමට+ ඔබට හැකි වෙයි.  තම පුත්‍රයාද අපගේ ස්වාමීන්ද වන යේසුස් ක්‍රිස්තුස් සමඟ හවුල්කරුවන් වීමේ ප්‍රස්තාව+ භුක්ති විඳීම සඳහා ඔබව කැඳවූ දෙවි, තමන් පැවසූ දේ ඒ අයුරින්ම ඉටු කරන විශ්වාසවන්ත දෙවි කෙනෙකි.+ 10  සහෝදරයෙනි, අපගේ ස්වාමීන් වන යේසුස් ක්‍රිස්තුස්ගේ නාමයෙන්+ ඔබෙන් යමක් ඉල්ලීමට කැමැත්තෙමි.+ එනම් ඔබ පවසන දේවල් අතර එකඟතාවක් තිබිය යුතු බවයි.+ ඔබ අතර කිසි භේදයක් නොතිබිය යුතුයි.+ ඔබ සියලුදෙනා අතර පූර්ණ එකමුතුකමක් තිබිය යුතුයි. එසේ කළ හැක්කේ එක හා සමාන ආකල්ප දැරීමෙන් හා එක හා සමාන ආකාරයකින් කල්පනා කිරීමට පුරුදු වීමෙනි.+ 11  මගේ සහෝදරයෙනි, මා ඒ දේ ඔබට පැවසුවේ ඔබ ගැන යමක් මට ආරංචි වී ඇති නිසාය.+ ඔබ අතර ආරවුල් සහ මතභේද ඇති බව ක්ලොයිගේ පවුලේ අය මට දන්වා ඇත. 12  එනම් සමහරුන්, “මා පාවුල්ගේ පැත්තේ” කියාත් තවත් සමහරුන්, “මා අපොලොස්ගේ පැත්තේ”+ කියාත් වෙනත් අය, “මා සීෆස්ගේ පැත්තේ” කියාත් නැතහොත්, “මා ක්‍රිස්තුස්ගේ පැත්තේ” කියාත් පවසන බව මට ආරංචි විය. 13  එයින් පැහැදිලි වන්නේ ඔබ ක්‍රිස්තුස්ව කණ්ඩායම්වලට බෙදාගෙන ඇති බවය.+ ඔබ වෙනුවෙන් වධකණුවේ මිය ගියේ පාවුල්ද? ඔබ බව්තීස්ම වුණේ+ පාවුල්ගේ අනුගාමිකයන් වීමටද? 14  ක්‍රිස්පස්+ හා ගායස්ව+ හැර මම ඔබ අතරේ සිටින වෙන කිසිවෙකුවත් බව්තීස්ම නොකළෙමි. ඒ ගැන මම දෙවිට ස්තුතිවන්ත වෙමි. 15  එහෙයින් මා බව්තීස්ම වූයේ පාවුල්ගේ අනුගාමිකයෙකු වීමට කියා කිසිවෙකුට පැවසිය නොහැක. 16  මා ස්තෙෆනස්ගේ නිවසේ සිටින අයව+ බව්තීස්ම කළ බවද මට දැන් මතක් වේ. නමුත් ඔවුන් හැර මා වෙන කිසිවෙකුව බව්තීස්ම කළාද කියා මට මතක නැත. 17  ක්‍රිස්තුස් මාව යැව්වේ+ බව්තීස්ම කිරීමට නොව ශුභාරංචිය ප්‍රකාශ කිරීමටය. මා ශුභාරංචිය ප්‍රකාශ කළේ උගතුන්ගේ තර්ක විතර්ක යොදාගෙන නොවේ.+ එසේ කළා නම් ක්‍රිස්තුස් වධකණුවක මරනු ලැබූ බවට වූ කාරණය නිෂ්ඵල දෙයක් ලෙස පෙනෙනු ඇත. 18  මන්ද විනාශයට සුදුසු අය+ ක්‍රිස්තුස්ව වධකණුවක මරනු ලැබූ බවට වූ පණිවිඩය සලකන්නේ මෝඩ දෙයක් ලෙසය.+ නමුත් ගැලවීම ලබන අපට+ නම් ඒ පණිවිඩය තුළින් දෙවිගේ බලය ප්‍රකාශ වේ.+ 19  ලියවිලිවල සඳහන් ආකාරයට, “මම ප්‍රඥාවන්තයන්ගේ ප්‍රඥාව නැති කර දමන්නෙමි.+ බුද්ධිමතුන්ගේ+ බුද්ධිය පහ කරන්නෙමි”+ කියා දෙවි පවසා ඇත. 20  එසේනම් ප්‍රඥාවන්තයන්, නීතිය පිටපත් කරන්නන්,+ මේ සමාජයේ+ සිටින වාදවිවාදවලට දක්ෂයන්+ වැනි අයගෙන් ඇති ප්‍රයෝජනය කුමක්ද? මේ ලෝකයේ ප්‍රඥාව මෝඩකමක් බව දෙවි ඔප්පු කර පෙන්වූයේ නැද්ද?+ 21  මේ ලෝකයේ ජනයා තම ප්‍රඥාව මත රඳා සිටින නිසා+ ඔවුහු දෙවිව දැන හඳුනා ගෙන නැත.+ එහෙයින් ලෝකයේ ජනයාට මෝඩ දෙයක් ලෙස පෙනෙන+ පණිවිඩයක් දේශනා කර එය විශ්වාස කරන අයව පමණක් බේරාගැනීම සුදුසු බව දෙවි තීරණය කළේය. අප දෙවිගේ ප්‍රඥාව දකින්නේ එලෙසය. 22  යුදෙව්වරුන් ඉල්ලා සිටින්නේ ඔවුන්ට ආශ්චර්යයන් පෙන්වන්න+ කියාය. ග්‍රීකවරුන් පවසන්නේ ඔවුන්ට ප්‍රඥාව අවශ්‍යයි+ කියාය. 23  නමුත් අප දේශනා කරන්නේ වධකණුවක ඇණ ගසා මරනු ලැබූ ක්‍රිස්තුස් ගැනයි.+ යුදෙව්වරු ඒ ගැන කෝප වී එය පිළි නොගනිති.+ වෙනත් ජාතීන් එය සලකන්නේ මෝඩකමක් ලෙසය.+ 24  නමුත් යම් තැනැත්තෙක් යුදෙව්වෙක් වුවත් ග්‍රීකයෙක් වුවත් ඔහු දෙවි විසින් කැඳවනු ලැබූ කෙනෙක් නම් දෙවිට තිබෙන බලය+ හා ප්‍රඥාව+ ක්‍රිස්තුස් තුළින් ප්‍රකාශ වන බව ඔහු විශ්වාස කරන්නේය. 25  මන්ද දෙවි යොදාගන්නා අයව මිනිසුන්ට මෝඩ අය ලෙස පෙනුණත් මිනිසුන් ප්‍රඥාවන්තයි කියා සලකන අයට වඩා ඔවුන් ප්‍රඥාවන්තය. එලෙසම දෙවි යොදාගන්නා දුර්වල අය මිනිසුන් ශක්තිමත් ලෙස සලකන අයට වඩා ශක්තිමත්ය.+ 26  සහෝදරයෙනි, මිනිසුන්+ ප්‍රඥාවන්තයන් ලෙස සලකන බොහෝදෙනෙකුවත්+ ඉහළ තනතුරුවල වැජඹෙන බොහෝදෙනෙකුවත්+ සමාජයේ ඉහළ පැළැන්තිවල සිටින බොහෝදෙනෙකුවත් දෙවි කැඳවා නැති බව ඔබ දෙස බැලීමෙන්ම පැහැදිලි වේ. 27  ඒ වෙනුවට දෙවි තෝරාගත්තේ මේ ලෝකයේ මිනිසුන් මෝඩයන් ලෙස සලකන අයවය.+ එසේ කළේ ප්‍රඥාවන්තයන්ව ලැජ්ජාවට පත් කිරීම සඳහාය. එසේම දෙවි මේ ලෝකයේ මිනිසුන් දුර්වලයි කියා සලකන අයව තෝරාගත්තේ බලවත් අයව ලැජ්ජාවට පත් කිරීම සඳහාය.+ 28  ඊට අමතරව මේ ලෝකයේ එතරම් වැදගත්කමක් නැති අයවත් මිනිසුන් හෙළාදකින අයවත් කිසිම පිළිගැනීමක් නැති අයවත් දෙවි තෝරාගත්තේය.+ එසේ කළේ මිනිසුන් වැදගත් ලෙස සලකන දේවල් නිෂ්ඵල දේවල් බව පෙන්වීම සඳහාය.+ 29  දෙවි එසේ කළ නිසා කිසි මිනිසෙකුට දෙවි ඉදිරියේ තමා ගැන පුරසාරම් දෙඩීමට හේතුවක් නැත.+ 30  ඔබ ක්‍රිස්තුස් යේසුස් සමඟ එකට බැඳී සිටින්නේ දෙවි නිසාය. එසේම දෙවිගෙන් ලැබෙන ප්‍රඥාවට මඟත්+ ධර්මිෂ්ඨ වීමට මඟත්+ ක්‍රිස්තුස්ය. අප ශුද්ධ අය* වන්නෙත්+ ඔහු නිසාය. ඊට අමතරව අප නිදහස ලබා සිටින්නේ ඔහු අප වෙනුවෙන් ගෙවූ වන්දිය නිසාය.+ 31  එසේ වූයේ, “ආඩම්බරයෙන් කතා කරන තැනැත්තා යෙහෝවා දෙවි ගැන ආඩම්බරයෙන් කතා කළ යුතුයි”+ කියා ලියවිල්ලෙහි සඳහන් වී ඇති දේ ඉටු වීම සඳහාය.

පාදසටහන්

හෝ, “යවනු ලැබූවෙකු.”
හෝ, “දෙවි සඳහා වෙන් කර ඇති අයයි.”
හෝ, “දෙවි සඳහා වෙන් කර ඇති අය.”