හෙබ්‍රෙව් 2:1-18

2  එහෙයින් අප ඇසූ දේවලට+ වැඩි අවධානයක් දීම අවශ්‍යය. අප එසේ නොකළොත් නොසිතූ ලෙස ක්‍රමක්‍රමයෙන් සත්‍ය ඉගැන්වීම්වලින් ඉවත්ව ගොස් අප නොමඟ යෑමට ඉඩකඩ ඇත.+  මන්ද දේවදූතයන් මාර්ගයෙන් පවසන ලද සියල්ල+ කිසි වෙනසක් නොවී එලෙසම සිදු විය. ඊට විරුද්ධව වරදක් හෝ අකීකරු ක්‍රියාවක් කළ සෑම කෙනෙකුටම විරුද්ධව යුක්තියද ඉටු විය.+ අනික් අතට,  අපට ලැබෙන ගැලවීම ගැන මුලින්ම කතා කළේ අපගේ ස්වාමීන්ය.+ ඔහුට සවන් දුන් අය එය සත්‍යයක් බව අපට සනාථ කළෝය.+ එසේනම් මෙතරම් ශ්‍රේෂ්ඨ ගැලවීමක්+ ගැන අප නොසැලකිලිමත්ව කටයුතු කළොත්+ අපට දඬුවම් නොලැබෙයි කියා පැවසිය හැක්කේ කෙසේද?+  මන්ද දෙවි පවා ඊට සාක්ෂි ලෙස බොහෝ ආශ්චර්යයන්, ලකුණු සහ බලවත් ක්‍රියා+ සිදු කරමින් තම කැමැත්තට එකඟව+ තම සේවකයන්ට තම බලය මාර්ගයෙන් විවිධාකාර දීමනාද+ ලබා දුන්නේය.  අප කතා කරමින් සිටින පොළොව එනම්, ඉදිරියේදී ජනාවාස වන පොළොව+ ඔහු භාර දුන්නේ දේවදූතයන්ට නොවේ.  ඒ සම්බන්ධයෙන් සාක්ෂි දෙමින් කෙනෙක් වරක් මෙසේ ලීවේය. “ඔබ මිනිසාව සිහි කිරීමට තරම් ඔහු කවුද?+ ඔබේ රැකවරණය ලැබීමට තරම් මිනිසුන් වටීද?+  ඔබ ඔහුව දේවදූතයන්ට වඩා බලයෙන් මදක් අඩු කෙනෙකු බවට පත් කළෙහිය. ඔබ ගෞරවය සහ තේජස+ නමැති ඔටුන්න ඔහුට පැළඳෙව්වෙහිය. ඔබ නිර්මාණය කළ සියල්ල ඔහු යටතේ තැබුවෙහිය.+  ඔබ සියලු දේවල් ඔහුගේ පාදවලට යටත් කළෙහිය.”+ දෙවි සියලු දේවල් ඔහුට යටත් කර ඇති නිසා+ ඔහුට යටත් නොවන කිසි දෙයක් නැත.+ නමුත් සියලු දේවල් ඔහුට යටත්ව පවතින බව අප තවමත් දකින්නේ නැත.+  අප දකින්නේ දේවදූතයන්ට වඩා බලයෙන් මදක් අඩු කෙනෙකු+ බවට පත් කළ යේසුස්වය. ඔහු තම ජීවිතය පුද කළ නිසා+ ඔහුට තේජස සහ ගෞරවය නමැති ඔටුන්න පළඳවා ඇත.+ ඔහු සෑම මිනිසෙකු වෙනුවෙන්ම මරණයට පත් විය.+ එසේ කළේ දෙවිගේ මහත් කරුණාව සියලුදෙනාටම ලබා දීම සඳහාය. 10  සියලු දේවල් පවතින්නේ දෙවි මාර්ගයෙනි.+ ඒවා එලෙස පවතින්නේ දෙවිගේ ගෞරවය උදෙසාය. එහෙයින් පුත්‍රයන් බොහෝදෙනෙකුව තේජසට පත් කිරීම සඳහා+ දෙවි ඔවුන්ට ගැලවීම ලබා දීමට පත් කර ඇති තැනැත්තාට+ දුක් විඳීමට ඉඩ දීම යෝග්‍ය දෙයක් බව දෙවි තීරණය කළේය. එසේ කළේ එම තැනැත්තාවද සෑම අතින්ම සම්පූර්ණ කෙනෙකු කිරීම සඳහාය.+ 11  ශුද්ධ තත්වයකට පත් වන අයගෙත්* ඔවුන්ව ශුද්ධ කරන තැනැත්තාගෙත්+ පියාණන් එක් කෙනෙක්මය.+ එහෙයින් ඔවුන්ව තම “සහෝදරයන්” කියා ඇමතීමට+ යේසුස් ලැජ්ජා වන්නේ නැත. 12  “මාගේ සහෝදරයන්ට මම ඔබේ නාමය ප්‍රකාශ කරන්නෙමි. සභාව මැදදී ඔබට ප්‍රශංසා ගී ගයන්නෙමි”+ කියා ඔහු පවසන්නේ ඒ නිසාය. 13  එලෙසම ඔහු, “මම ඔහු කෙරෙහි මාගේ විශ්වාසය තබමි”+ කියාද, “යෙහෝවා දෙවි මට දුන් දරුවන් සමඟ මම සිටිමි”+ කියාද පවසයි. 14  එම ‘දරුවන්’ ලේ ඇට මස් නහර* සහිත මිනිසුන් වන නිසා ඔහුද ඒ හා සමාන මිනිසෙක් වූයේය.+ එසේ මිනිසෙකු ලෙස ඔහු වින්ද මරණය මගින්+ මරණය ගෙන ඒමට බලය ඇති+ යක්ෂයාව+ නැති කර දැමීමට ඔහු පියවර ගත්තේය.+ 15  එලෙසම මරණයට බියෙන්+ තම ජීවිත කාලය පුරාම වහලුන් ලෙස සිටි සියලුදෙනාව නිදහස් කිරීමටද+ ඔහු ක්‍රියා කළේය.+ 16  මන්ද ඔහු ඇත්තටම පැමිණියේ දේවදූතයන්ට උපකාර කිරීමට නොව ආබ්‍රහම්ගෙන් පැවතෙන අයට උපකාර කිරීමටය.+ 17  ඒ අනුව තම ‘සහෝදරයන්ට’ සෑම ආකාරයකින්ම සමාන වීමට ඔහුට සිදු විය.+ ඔහු එසේ කළේ දයාවන්ත මෙන්ම විශ්වාසවන්ත උත්තම පූජකයෙකු වී මිනිසුන්ගේ පාප වෙනුවෙන්+ දෙවි ඉදිරියේ පෙනී සිට+ දෙවි සමඟ නැවතත් සමාදාන වීමට මඟ පාදන+ පූජාවක් ඔප්පු කිරීමටය. 18  එසේ ඔහු බොහෝ පීඩාවලට මුහුණ දෙමින් දුක් විඳ ඇති නිසා+ දැන් බොහෝ දුක් පීඩාවලට මුහුණ දෙන අයට උපකාර කිරීමටද ඔහුට පුළුවන.+

පාදසටහන්

හෝ, “දෙවි සඳහා වෙන් කර ඇති අයගෙත්.”
මූ.අ., “ලේ සහ මස්.”