සෙකරියා 3:1-10

3  පසුව දෙවි මට දර්ශනයක් මාර්ගයෙන් උත්තම පූජක යොෂුවාව+ පෙන්වූවේය. යොෂුවා, යෙහෝවා දෙවිගේ දූතයා ඉදිරියේ සිටගෙන සිටියේය. සාතන්*+ යොෂුවාට විරුද්ධව නැඟී සිටීමේ අරමුණින් ඔහුගේ දකුණු පැත්තේ සිටියේය.+  එවිට යෙහෝවා දෙවිගේ දූතයා+ සාතන්ට මෙසේ කීවේය. “සාතන්, ඔබට තරවටු කළ යුත්තේ යෙහෝවා දෙවිමය.+ නැවතත් යෙරුසලම තම නුවර ලෙස තෝරාගත්+ යෙහෝවා දෙවිම ඔබට තරවටු කළාවේ! මේ තැනැත්තා ගින්නෙන් ඉවතට ඇද දැමූ දර කැබැල්ලක් මෙනි.”+  යොෂුවා දේවදූතයා ඉදිරියේ සිටියේ කිලිටි වස්ත්‍ර ඇඳගෙනය.+  දේවදූතයා තමා ඉදිරියේ සිටි අයව අමතා, “මොහු ඇඳගෙන සිටින කිලුටු ඇඳුම් ගලවා දමන්න” යයි කීවේය. ඔහු යොෂුවාව අමතා, “මම ඔබේ පාප ඉවත් කළෙමි.+ ඔබට දැන් විශේෂ වස්ත්‍රයක් අන්දවනු ඇත”+ කියා කීවේය.  එවිට මම, “ඔහුට පිරිසිදු හිස්වැස්මක් පළඳවන්න”+ කියා කීවෙමි. ඔවුහු ඔහුට අලුත් වස්ත්‍රයක් දී පිරිසිදු හිස්වැස්මක් ඔහුට පැළඳුවෝය. යෙහෝවා දෙවිගේ දූතයා එතැන සිටගෙන මේ සියල්ල දෙස බලාගෙන සිටියේය.  ඉන්පසු යෙහෝවා දෙවිගේ දූතයා යොෂුවාට මෙම උපදෙස දුන්නේය.  “ස්වර්ගයේ සේනාවල අධිපති වන යෙහෝවා දෙවි මෙසේ පවසන්නේය. ‘ඔබ මගේ අණපනත් පිළිපදිමින් මා පෙන්වන මාර්ගයේ ගමන් කරන්න.+ ඔබ එසේ කළොත්, මාගේ සෙනඟට යුක්තිය ඉටු කර දීමට+ හා මාගේ ගෘහය* හොඳින් බලා කියා ගැනීමට මම ඔබව පත් කරන්නෙමි. මෙතැන ඔබ සමඟ සිටින අනික් අයට මෙන් ඔබටත් නිදහසේ මා වෙතට ළඟා වෙන්න අවසර දෙන්නෙමි.’  “‘උත්තම පූජක යොෂුවා, මා දැන් ඔබට කියන දේට ඇහුම්කන් දෙන්න. යොෂුවා ඉදිරියේ වාඩි වී සිටින පුරුෂයෙනි, අනාගතයේ සිදු වීමට නියමිත දෙයක් ඔබෙන් නියෝජනය කරයි.+ එබැවින් ඔබත් මට සවන් දෙන්න. ඉදිරියේදී අංකුරය ලෙස හඳුන්වන+ මාගේ සේවකයාව මම එවන්නෙමි.+  මා දැන් යොෂුවා ඉදිරියේ තබන ගල+ දෙස බලන්න. එහි ඇස් සතක් පෙනෙන්න තිබේ.+ මම ඒ ගල මත අකුරු පෙළක් කොටන්නෙමි.+ එමෙන්ම දේශයේ වැසියන්ගේ පාප මම එක දවසකින් ඉවත් කර දමමි.’+ මේ දේවල් පැවසුවේ ස්වර්ගයේ සේනාවල අධිපති වන යෙහෝවා දෙවිය. 10  “ස්වර්ගයේ සේනාවල අධිපති වන යෙහෝවා දෙවි තවදුරටත් මෙසේ පවසන්නේය. ‘ඒ දවසේදී ඔබ ඔබේ මිත්‍රයන්ට ආරාධනා කර, ඔවුන් සමඟ මිදිවැල් හා අත්තික්කා ගස් යට සුව සේ කල් ගෙවනු ඇත.’”+

පාදසටහන්

හෝ, “විරුද්ධකාරයා.” යෝබ් 1:6හි, දෙවන පාදසටහන බලන්න.
මූ.අ., “ගෘහය අවට තිබෙන මළු.”