විනිශ්චයකරුවෝ 5:1-31

5  ඒ දිනයේදී දෙබොරා+ හා අබිනොවම්ගේ පුත්+ බාරාක්+ මෙම ගීය ගැයුවෝය.+   “ඊශ්‍රායෙල් සෙනඟ සිය කැමැත්තෙන්ම+ දෙවිට වූ භාරය ඔප්පු කිරීම* සඳහාඑඩිතරව යුද්ධයට ගියෝය.එහෙයින් යෙහෝවා දෙවිට ප්‍රශංසා කරන්න.+   මම යෙහෝවා දෙවිට ගී ගයන්නෙමි.+ඊශ්‍රායෙල්වරුන්ගේ දෙවි+ වන යෙහෝවාව පසසන්නෙමි.රජවරුනි! අසන්න.+ අධිපතියෙනි! සවන් දෙන්න.   යෙහෝවා දෙවියනි, ඔබ සේයිර් සිට පිටත්ව යන විටත්+ඒදොම් සිට නික්මෙන විටත්+පොළොව දෙදරුම් කෑවේය.+ අහසින් වැසි ඇද හැළුණේය.+වලාගැබෙන් දිය වෑස්සුණේය.   යෙහෝවා දෙවි ඉදිරියේ කඳු දිය වී යන්නේය.+අර පෙනෙන සීනයි කන්ද+ පවා ඊශ්‍රායෙල්වරුන්ගේ දෙවි+ වන යෙහෝවා ඉදිරියේ කිසිත් නැති තරම්ය.+   අනාත්ගේ පුත් ෂම්ගර්ගේ දවස්වලදීද+යායෙල්ගේ දවස්වලදීද+ මංමාවත් පාළුව හිස්ව තිබුණේය.මඟීන් ගමන් කළේ අතුරු මාවත්වලය.+   දෙබොරා වන මා+ ඊශ්‍රායෙල් දේශයේ මවක් මෙන් කටයුතු කරන තුරු+එහි ගම්මානවල කිසි වැසියෙක් වාසය නොකළේය.+   ඊශ්‍රායෙල් සෙනඟ වෙනත් දෙවිවරුන්ව තෝරාගත්තෝය.+එවිට යුද්ධය දොරටු අබියසටම පැමිණියේය.+හතළිස්දහසක් වූ ඔවුන්ගේ අතෙහිපලිහක්වත් හෙල්ලයක්වත් නොතිබුණේය.+   කැමැත්තෙන්ම ඉදිරියට ආ හමුදාපතීන්ට+මාගේ මුළු හදවතින්ම අගය ප්‍රකාශ කරන්නෙමි.+මම යෙහෝවා දෙවිව පසසන්නෙමි.+ 10  ගිනි පැහැයෙන් යුත් බූරුදෙනුන් පිට නැඟී යන්නෙනි,+අගනා බුමුතුරුණු මත සැතපී සිටින්නෙනි,මඟ තොටේ ගමන්ගන්නෙනි,මේ ගැන සිතන්න.+ 11  දිය පුරවාගැනීමට පැමිණි අය+යෙහෝවා දෙවිගේ ධර්මිෂ්ඨ ක්‍රියා ගැන කතා කරති.+ඊශ්‍රායෙල් දේශයේ වැසියන්ගේ ධර්මිෂ්ඨ ක්‍රියා ගැනද ඔවුහු කතා කරති.එවිට යෙහෝවා දෙවිගේ සෙනඟ නුවරේ දොරටු වෙත ගමන් කරති. 12  අවදි වන්න, දෙබොරා අවදි වන්න!+අවදි වී ගීයක් ගයන්න!+නැඟිටින්න, අබිනොවම්ගේ පුත්+ බාරාක්, නැඟිටින්න!+ ඔබ අල්ලාගත් අයව රැගෙන යන්න! 13  ඉතුරු වූ අය බලවතුන් ළඟට ආවෝය.සතුරන්ට විරුද්ධව සටන් කිරීමට යෙහෝවා දෙවිගේ සෙනඟ මා ළඟට ආවෝය. 14  සටන සඳහා එෆ්‍රායිම්වරුද තැනිතලාවට ආවෝය.+ඔවුහු බෙන්ජමින්වරුන් පසුපස පියමැන්නෝය.මාකීර්ගෙන්+ ආඥාපතීහුදසෙබ්‍යූලන්ගෙන් ලිපිකරුවෝද ඒ සමඟ ආවෝය.+ 15  ඉසකාර්ගෙන් අධිපතීහුද+ දෙබොරා සමඟ ආවෝය.ඉසකාර් ගෝත්‍රයෙන් බාරාක්ද ඔවුන් සමඟ ආවේය.+ඔහුද තැනිතලාවට බැස ගියේය.+නමුත් රූබෙන්වරුන් සිටියේ සිතේ දෙගිඩියාවෙනි.+ 16  ඔබ බඩු මලු අතරේ සැඟවී සිටින්නේ මන්ද?එඬේරුන්ගේ නළා හඬ අසන්නද?+රූබෙන්වරුනි, ඔබ සිටියේ සිතේ දෙගිඩියාවෙනි.+ 17  ගිලියද්හි වැසියෝ යොර්දාන් ගඟෙන් එතෙරට වී සිටියෝය.+දාන්, ඇයි ඔබ නැව්වල ලැගුම් ගෙන සිටියේ?+ආෂෙර්වරුද මුහුදු වෙරළේ නිකරුණේ කාලය ගත කරමින්,තොටුපොළවල් අතරේ වාසය කළෝය.+ 18  නමුත් සෙබ්‍යූලන්වරු තම දිවි පරදුවට තැබුවෝය.+නෆ්තලීවරු+ රණබිමේ ජය කෙහෙලි නැඟුවෝය.+ 19  රජවරු ඇවිත් සටන් කළෝය.මෙගිද්දෝ+ ජල ධාරා ළඟ තයනක්හිදී+කානාන්හි රජවරු සටන් කළෝය.+නමුත් රිදී ඔවුන්ට නොලැබුණේය.+ 20  අහස්තලයේ තාරකාවෝ තම වාසස්ථානයේ සිටසිසෙරාට විරුද්ධව සටන් කළෝය.+ 21  ඉපැරණි කීෂොන් නදියේ දිය පහරට ඔවුහු ගසාගෙන ගියෝය.+මම බලසම්පන්න සතුරන්ගේ ශක්තිය බෙලහීන කළෙමි.+ 22  අශ්වයන්ගේ කුර පොළොවේ ගැටෙන හඬ දසත විහිදී ගියේය.+මන්ද අශ්වයෝ පිම්මේ දිව ගියෝය. 23  ‘මේරොෂ්ට ශාප වේවා!+ එහි වැසියන්ට සදා ශාප වේවා’කියා යෙහෝවා දෙවිගේ දේවදූතයා+ කීවේය.මන්ද ඔවුහු යෙහෝවා දෙවිගේ සහයට නොපැමිණියෝය.ඔවුහු යෙහෝවා දෙවිට සහය වූ බලවන්තයන්ට අතහිත නොදුන්නෝය. 24  කේනීය ජාතික හෙබෙර්ගේ බිරිඳ වූ+ යායෙල්+ ස්ත්‍රීන් අතරින් බොහෝ ආශීර්වාද ලත් තැනැත්තියකි.කූඩාරම්වල වෙසෙන තැනැත්තියන් අතර ඇය ආශීර්වාද ලද්දියකි.+ 25  ඔහු ඇගෙන් වතුර ඉල්ලුවේය. ඇය ඔහුට බීමට කිරි දුන්නාය.මුදවාපු කිරි ඇය රන් තැටියක ඔහුට පිළිගැන්වූවාය.+ 26  ඇය දකුණතට මිටියක්ද අනික් අතට කූඤ්ඤයක්ද ගෙන,+සිසෙරාගේ හිස පසාරු කරගෙන යන ලෙස ගැසුවාය.+ඇය ඔහුගේ නළල දෙපළු කළාය. 27  ඇගේ දෙපාමුල ඔහු වැටී සිටියේය.ඇගේ පාමුල ඔහු වැතිර සිටියේය.ඔහු වැටී සිටි තැනම මිය ගියේය.+ 28  සිසෙරාගේ මව, ‘ඔහුගේ රථ පෙළ පමා වන්නේ මන්ද?+ඔහුගේ අශ්වයන්ගේ කුර හඬ තවමත් නෑසෙන්නේ මන්ද’+කියමින් කවුළු අතරින් එබී බැලුවාය.+ 29  එවිට ඇයට ගුරුහරුකම් දුන් අය+ පිළිතුරු දුන්නෝය.ඇයද තමාටම මෙසේ කියාගත්තාය. 30  ‘ඔවුන් කොල්ලය එකතු කරගන්නවා ඇති.+තම තමන්ට කාන්තාවන් එක් කෙනෙක් හෝ දෙන්නෙක් සොයනවා ඇති.+සිසෙරා සඳහා වැඩ දැමූ වර්ණවත් වස්ත්‍රයක්දකොල්ලය ලබාගන්නා අය සඳහා ගෙල පළඳනාද සොයනවා ඇති.’ 31  යෙහෝවා දෙවියනි! ඔබේ සියලු සතුරෝ විනාශ වෙත්වා!+දෙවිට ප්‍රේම කරන්නෝ+ දීප්තියෙන් බැබළෙන හිරු මෙන් වෙත්වා!”+එතැන් පටන් වසර හතළිහක් පුරා දේශයේ සාමකාමී වාතාවරණයක් පැවතිණ.+

පාදසටහන්

හෙබ්‍රෙව් බසින්, හිසකෙස් නොබැඳ සිටීම. එසේ කරන්නේ ඔවුන්ගේ භාරයට සංකේතයක් ලෙසය.