ලෙවී කතාව 17:1-16

17  නැවත යෙහෝවා දෙවි මෝසෙස්ව අමතමින් මෙසේ කීවේය.  “ඔබ ආරොන්ටත් ඔහුගේ පුත්‍රයන්ටත් මුළු ඊශ්‍රායෙල් සෙනඟටත් මෙසේ කිව යුතුයි. ‘යෙහෝවා දෙවි දුන් ආඥාව මෙයයි.  “‘“ඊශ්‍රායෙල් සෙනඟ අතරින් යමෙකු කඳවුර ඇතුළේ නැත්නම් කඳවුරෙන් පිටතදී වස්සෙකුව හෝ බැටළු පැටවෙකුව හෝ එළුවෙකුව හෝ මැරූ පසු,  යෙහෝවා දෙවි වන මාගේ ශුද්ධ කූඩාරම ඉදිරියට එනම්, සම්මුඛ වීමේ කූඩාරමට+ ඇතුල් වන ස්ථානය වෙත ඌව ගෙනැවිත් යෙහෝවා දෙවි වන මට පූජාවක් ලෙස ඔප්පු කළ යුතුයි. එසේ නොකළොත් ඔහු වැගිරූ ලේවලට ඔහු වන්දි ගෙවිය යුතුයි. ඔහු ලේ වැගිරෙවූ නිසා ඔහුව මරා දැමිය යුතුයි.+  මන්ද මින් ඉදිරියට ඊශ්‍රායෙල් සෙනඟ එළිමහනේ තම සතුන්ව නොමැරිය යුතුයි.+ ඒ වෙනුවට සතුන්ව යෙහෝවා දෙවි වන මා ඉදිරියට එනම්, සම්මුඛ වීමේ කූඩාරමට ඇතුල් වන ස්ථානය වෙත ගෙනැවිත් පූජකයාට භාර දිය යුතුයි.+ යෙහෝවා දෙවි වන මට හවුල් පූජාවන් ලෙස උන්ව ඔප්පු කළ යුතුයි.+  සම්මුඛ වීමේ කූඩාරමට ඇතුල් වන ස්ථානයේ තිබෙන යෙහෝවා දෙවි වන මාගේ පූජාසනය මත පූජකයා එම සතුන්ගේ ලේ ඉසිය යුතුයි.+ යෙහෝවා දෙවි වන මට ප්‍රසන්න සුවඳක් ගෙනෙන පිණිස උන්ගේ තෙල්+ කොටස් පූජාසනය මත දැවිය යුතුයි.+  ඔබ මට අවිශ්වාසවන්ත වෙමින්+ භූතයන්ට*+ පුදපූජා ඔප්පු කිරීම මින් ඉදිරියට අත්හැරිය යුතුයි. එය ඔබේ පරම්පරාවලදී බොහෝ කාලයක් පුරා පැවැත්විය යුතු පනතකි.”’  “ඔබ ඔවුන්ට මෙසේ කියන්න. ‘දවන පූජාවක්+ හෝ වෙන ඕනෑම පූජාවක් හෝ ඔප්පු කරන ඊශ්‍රායෙල් ජාතිකයෙකු නැත්නම් ඔබ සමඟ ජීවත් වන විදේශිකයෙකු  පූජාවක් ලෙස ඔප්පු කරන එම සතාව යෙහෝවා දෙවි වන මට පිළිගන්වන පිණිස සම්මුඛ වීමේ කූඩාරමට ඇතුල් වන ස්ථානයට නොගෙනාවොත්+ ඔහුව මරා දැමිය යුතුයි.+ 10  “‘ඊශ්‍රායෙල් ජාතිකයෙකුවත් ඔබ සමඟ ජීවත් වන විදේශිකයෙකුවත් මොනම ආකාරයකින් හෝ ලේ+ අනුභව කළොත් මම ඔහුව ප්‍රතික්ෂේප* කරන්නෙමි. මම ඔහු සමඟ මහත් සේ උදහස් වී+ ඔහුව මරා දමන්නෙමි. 11  මන්ද පණ ඇති සියල්ලන්ගේ ජීවය රැඳී තිබෙන්නේ ලේවලය.+ නමුත් මා සමඟ සාමකාමී සබඳතාවක්+ ඇති කරගැනීමට හැකි වන පිණිස පූජාසනය මත ලේ+ ඔප්පු කරන මෙන් මම ඔබට නියම කරන්නෙමි. මන්ද ලේවල ජීවය රැඳී තිබෙන බැවින් පව්වලට සමාව+ ලබාගත හැක්කේ ලේ මාර්ගයෙන් පමණි. 12  “ඔබෙන් කිසිවෙකු ලේ අනුභව නොකළ යුතුයි. ඔබ සමඟ ජීවත් වන විදේශිකයන්ද+ ලේ+ අනුභව නොකළ යුතුයි” කියා මා ඊශ්‍රායෙල් පුත්‍රයන්ට කීවේ ඒ නිසාය. 13  “‘ඊශ්‍රායෙල් සෙනඟගෙන් කෙනෙකු හෝ වේවා ඔබ සමඟ ජීවත් වන විදේශිකයෙකු හෝ වේවා කෑමට ගත හැකි සතෙකුව හෝ කුරුල්ලෙකුව හෝ දඩයම් කරගත්තොත් ඔහු උගේ ලේ බිමට වත් කර+ පස්වලින් වසා දැමිය යුතුයි.+ 14  මන්ද පණ ඇති සියල්ලන්ගේ ජීවය රැඳී තිබෙන්නේ ලේවලය. “මොනම සතෙකුගේවත් ලේ නොකන්න. මන්ද පණ ඇති සියල්ලන්ගේ ජීවය රැඳී තිබෙන්නේ ලේවලය.+ එබැවින් ලේ අනුභව කරන කවරෙකු නමුත් මරා දමනු ලබන්නේය”+ කියා මා ඊශ්‍රායෙල් සෙනඟට කීවේ ඒ නිසාය. 15  ඊශ්‍රායෙල් ජාතිකයෙකු හෝ වේවා විදේශිකයෙකු හෝ වේවා මළ සතෙකු නැත්නම් වෙනත් සතෙකු විසින් මරා දමනු ලැබූ සතෙකුව කෑවොත්+ ඔහු තම වස්ත්‍ර සෝදා නාගෙන සවස් වන තුරු අපවිත්‍ර කෙනෙකු ලෙස වෙන්ව සිටිය යුතුයි.+ ඉන්පසු ඔහු පවිත්‍ර වන්නේය. 16  නමුත් ඔහු තම වස්ත්‍ර සෝදාගෙන නාගත්තේ නැත්නම් ඔහු තම වරදට ගණන් දිය යුතුයි.’”+

පාදසටහන්

හෝ, “එළු භූතයන්.” එළුවෙකුගේ ස්වරූපය ගත් භූතයන්.
මූ.අ., “මම මගේ මුහුණ ඉවතට හරවාගන්නෙමි.”