යෝබ් 31:1-40

31  “මාගේ දෑස් සමඟ මම ගිවිසුමක් ඇති කළෙමි.+එසේනම් මා වැරදි චේතනාවකින් තරුණියක දෙස බලන්නේ කෙසේද?+   ස්වර්ගයේ වසන සියලු බලැති දෙවිගෙන්මිනිසාට ලැබෙන උරුමය කුමක්ද?+   වැරදිකරුවන් පිටට විපත්ති පැමිණෙනු ඇත.+නපුරු දේ කරන්නන්ට විනාශය අත් වනු ඇත.   දෙවි මා ජීවත් වන ආකාරය දෙස බලා,මා තබන සෑම පියවරක් දෙසම විමසිල්ලෙන් බලන්නේ නැද්ද?+   මා වංක මිනිසුන් සමඟ ඇසුරු කරමින්+වංචනික දේ කිරීමට මාන බලන්නේ නම්+ ඔහු එය දකින්නේ නැද්ද?   ඔහු මාව නිවැරදි තරාදියක තබා කිරා මැන බලා,+මාගේ විශ්වාසවන්තකම දැනගනු ඇත.+   මා නිවැරදි මඟෙන් ඉවත් වී,+මාගේ ඇසට ප්‍රිය දේ පසුපස ගොස්,+මාගේ අත් දූෂිත දෙයින් පුරවා ඇත්නම්+   මා වපුරන දේ අන් අය භුක්ති විඳිය යුතුයි.+මාගේ දරු පරම්පරාව නැති නාස්ති විය යුතුයි.   මා වෙනත් ස්ත්‍රියක දෙස කාමාශාවකින් බලන්නේ නම්+මාගේ අසල්වැසියාගේ දොරකඩ ළඟ සැඟවී ඔහුගේ භාර්යාව එන තුරු රැක සිටින්නේ නම්+ 10  මාගේ භාර්යාව වෙනත් පුරුෂයෙකු වෙනුවෙන් ධාන්‍ය අඹරනු ලැබේවා!ඇය වෙනත් පුරුෂයන් සමඟ සයනය කරාවා!+ 11  මන්ද මා එලෙස හැසිරුණා නම් මා ක්‍රියා කර ඇත්තේ ඉතා නින්දිත ලෙසය.මා සිදු කර තිබෙන්නේ විනිශ්චයකරුවන් ඉදිරියට ගෙන යා යුතු වරදකි.+ 12  එවැනි වැරදි ආශාවක් මුළුමනින්ම විනාශයට පත් කරන ගින්නක් මෙනි.+එය මා රැස් කරගත් සියල්ල සහමුලින්ම නැති නාස්ති කරනු ඇත. 13  මාගේ දාසයා හෝ දාසිය හෝ මට විරුද්ධව පැමිණිල්ලක් ගෙනා විටමා ඔවුන්ට යුක්තිය ඉටු නොකළේ නම් 14  දෙවි ඔවුන් වෙනුවෙන් නැඟී සිටින දවසේදී මා කුමක් කරන්නද?දෙවි ඉදිරියේ ගණන් දෙන විට මාගේ නිර්දෝෂකම ඔප්පු කරන්නේ කෙසේද?+ 15  ඔවුන්ව නිර්මාණය කළෙත් මාව මව්කුසේ නිර්මාණය කළ තැනැත්තාම නොවේද?+අප සියල්ලන්ව මව්කුසේ වැඩෙන්න සැලැස්වූයේ ඒ තැනැත්තාම නොවේද? 16  මා දිලිඳුන්ගේ ආශාවන් ඉටු කර නොදී+වැන්දඹුවගේ දුකේදී ඉවත බලාගත්තා නම්+ 17  මම පියා නැති දරුවන්ගේ කුසගින්න නොතකාමාගේ කුස විතරක් පුරවාගත්තා නම් දෙවි එය දකින්නේ නැද්ද?+ 18  (මාගේ තරුණ වියේ පටන් මම පියා නැත්තාට පියෙක් වුණෙමි.දැනුම් තේරුම් ඇති වයසේ පටන් වැන්දඹුවන්ට උපකාර කළෙමි.) 19  ඇඟට ඇඳුමක් නොමැතිව+හෝ පොරවාගැනීමට වස්ත්‍රයක් නොමැතිව හෝ පීඩා විඳින දුගියෙකු දුටු විට, 20  මාගේ බැටළුවන්ගේ ලොම්වලින්+ ඔහුව උණුසුම් නොකළා නම්ඔහුට පිහිට නොවූ නිසා ඔහුගෙන් ආශීර්වාදයක් නොලැබුවා නම්+ දෙවි එය දකින්නේ නැද්ද? 21  නුවර දොරටුව අසලදී+ පියා නැති දරුවන්ට උපකාර කරනවා වෙනුවටඅත මිටමොළවා ඔවුන්ට තර්ජනය කළා නම්+ 22  මාගේ උරහිසෙන්අත ගැලවී වැටේවා! 23  බලයෙන් උසස් වූ+ ශ්‍රේෂ්ඨ දෙවිට විරුද්ධව මට කිසිවක් කළ නොහැකිය.ඔහු ගෙනෙන විපත්තිවලට මුහුණ දීමට මම භය වෙමි. 24  මා රනට කතා කොට, ‘ඔබ මාගේ විශ්වාසය’+ යයි කියමින්එය කෙරෙහි බලාපොරොත්තු තැබුවාද? 25  එසේත් නැත්නම් මට බොහෝ+ ධන සම්පත් හා දේපළතිබුණු හෙයින්+ ප්‍රීතියෙන් ඉපිල ගියාද? 26  දීප්තියෙන් බැබළෙන හිරු දෙස හෝආලෝකය විහිදුවමින් ගමන් කරන සඳු දෙස හෝ බලා,+ 27  මා මුළාව ගොස්+ඒවාට ආචාර කිරීමට* පෙලඹුණා නම් 28  එය සැබෑ දෙවිට විරුද්ධව කරන ද්‍රෝහිකමකි.එයත් විනිශ්චයකරුවන් ඉදිරියට ගෙන යා යුතු වරදකි. 29  මට වෛර කරන කෙනෙකුගේ විනාශය දැක මා සතුටු වුණා නම්+ඔහුගේ විපතේදී මා උදම් ඇනුවා නම් දෙවි මට දඬුවම් කළ යුතුයි. 30  එහෙත් මම එවැනි කෙනෙකුට විරුද්ධව පව් කර,ඔහුට ශාප කිරීමට තරම් එඩිතර වූයේ නැත.+ 31  ‘ඔහුගෙන් ආහාර වේලක් කා තෘප්තියට පත් නොවූ කෙනෙක් නැත’+ කියා මාගේ ගෙයි වැසියන් මා ගැන පවසන්නේ නැත්නම්ඔවුන්ගේ අවශ්‍යතා නොසලකාහැරීම ගැන මා වග කිව යුතු නැද්ද? 32  එහෙත් මම කිසිදා අමුත්තෙකුට එළිමහනේ රාත්‍රිය ගත කරන්න ඉඩ දුන්නේ නැත.+ආගන්තුකයන් වෙනුවෙන් මාගේ නිවසේ දොරටුව සැමදා විවෘතව තිබිණ. 33  සාමාන්‍ය මිනිසෙකු මෙන් මා කළ වැරදි සිතෙහි සඟවා,+ඒවා හෙළි නොකර සිටියා නම් දෙවි එය දන්නේ නැද්ද? 34  එහෙත් මා සමූහයට භය වී සිටි නිසා හෝමාගේ පවුලේ අය මාව පිළිකුල් කරයි යන බිය නිසා හෝමාගේ නිවසට වී මම කළ පාප සඟවා සිටියේ නැත. 35  අනේ, මා පවසන දේට කවරෙකු හෝ සවන් දෙනවා නම් කොතරම් යහපත්ද!+මා මුද්‍රාවෙන් සහතික කළ මාගේ පැමිණිල්ලට සියලු බලැති දෙවි සවන් දී පිළිතුරු දෙන තෙක් මම බලා සිටිමි.+මාගේ විරුද්ධකරු මට විරුද්ධව ගෙන එන චෝදනා ලියවිල්ලක සටහන් කරනවා නම් මම කැමැත්තෙමි. 36  මම ඒවා මාගේ උරහිස මත තබාගෙන යන්නෙමි.අගනා ඔටුන්නක් මෙන් එය පළඳින්නෙමි. 37  මම කිසිවක් නොසඟවා මා ගත් සියලු පියවර ගැන ඔහුට පවසන්නෙමි.+මම නායකයෙකු මෙන් එඩිතරව ඔහු ඉදිරියට යන්නෙමි. 38  මාගේම වගාබිම් මා නිසා හඬා වැලපෙනවා නම්මාගේ කෙත්වල සීසාන ලද පොළොව කඳුළුවලින් තෙමී ඇත්නම් දෙවි එය දකිනු ඇත. 39  මා කිසිවක් නොගෙවා කෙත්වතුවල පලදාව භුක්ති වින්දා නම්+නියම අයිතිකරුවන්ගෙන් එම කෙත්වතු පැහැරගන්න වෑයම් කළා නම්+ 40  මාගේ කෙත්වල තිරිඟු වෙනුවට කටු ගස්ද+බාර්ලි වෙනුවට වල් පැළෑටිද හටගනු ලැබේවා!”මෙයින් යෝබ්ගේ කතාව අවසන් විය.

පාදසටහන්

මුල් භාෂාවේ, “අත සිඹ ආචාර කිරීම” යන අදහස ඇතුළත් කර තිබේ.