යෝබ් 30:1-31

30  “නමුත් දැන් මට වඩා වයසින් බාල අය+ මට සිනාසෙති.+මා ඔවුන්ගේ පියවරුන්ව සැලකුවේ,මාගේ සත්ව රැළ රැකවල් කරන බල්ලන් සමඟ සිටින්නවත්නොවටිනා අය ලෙසයි.   ඔවුන්ගේ ශක්තිය පිරිහී තිබිණ.+එමනිසා ඔවුන්ගේ උපකාරයෙන් මට කිසි ප්‍රයෝජනයක් ලැබුණේ නැත.   ඔවුහු නැති බැරිකම හා බඩගින්න නිසා මලානිකව සිටියෝය.කෑම සොයමින් වතුර නැති නිසරුබිම් පුරා ඇවිද්දෝය.+ඔවුහු කුණාටුවෙන් විනාශ වී පාළුවට ගිය දේශයක කෑම සොයා ගියෝය.   ඔවුහු පඳුරු අතරේ තිබෙන ලවණ පැළෑටි උදුරා කෑවෝය.ගස්වල* මුල් ඔවුන්ගේ කෑම විය.   ඔවුන්ව මිනිස් ඇසුරෙන් පන්නා දමනු ලැබීය.+සොරෙකුව එළවා දමන්නාක් මෙන් ඔවුන්වද එළවා දමනු ලැබීය.   ඔවුන්ට නිම්නවලත්ගුල්වල සහ ගල් ගුහාවලත් වාසය කිරීමට සිදු විය.   ඔවුහු පඳුරු අතරේ වැටී විලාප නැඟුවෝය.කටු ගස් අතරේ එක පොදියට ගුළි ගැසී සිටියෝය.   ඔවුහු දේශයෙන් පන්නා දමනු ලැබූකිසිකමකට නැති,+ පහත් අයගේ පුත්‍රයෝය.   නමුත් දැන් මම ඔවුන්ගේ සරදමට ලක් වී සිටිමි.+ඔවුහු මට කවටකම් කරති.+ 10  මාව පිළිකුල් කොට මාගෙන් ඈත් වී සිටිති.+කිසි භයක් නොමැතිව මාගේ මුහුණට කෙළ ගසති.+ 11  දෙවි මාගේ දුන්නෙහි ලණුව ලිහා, මාව ලැජ්ජාවට පත් කළේය.ඒ නිසා ඔවුහු කිසි බියක් නොමැතිව මට සතුරුකම් පෑවෝය. 12  ඔවුහු සියලුදෙනාම දාමරිකයන් මෙන් මාගේ දකුණු පැත්තෙහි මට විරුද්ධව නැඟී සිටියෝය.ඔවුන් මාව පන්නා දැමුවත්මාගේ මාර්ගය අවහිර කොට තිබුණු නිසා මට ගැලවී යෑමට නොහැකි විය.+ 13  ඔවුහු මාගේ ගමන් මඟ විනාශ කරතව තවත් මාව අසරණ කරන්නෝය.+එසේ කිරීමට කිසිවෙකුගේ උදව් උපකාර ඔවුන්ට අවශ්‍ය නැත. 14  බිඳ දැමූ පවුරක් මැදින් නුවරකට කඩාවදින සෙනඟක් මෙන්ඔවුහු කුණාටුවක් බඳු පීඩාවලින් මිරිකී සිටින මාගේ ඇඟට කඩාපනිති. 15  භීතිය මාව වෙළාගත්තේය.මාගේ ගෞරවය සුළඟට ගසාගෙන යන්නාක් මෙන්දමාගේ බලාපොරොත්තු වලාකුළක් මෙන්ද පහව ගියේය. 16  දුක් පීඩා එක පිට එක පැමිණෙන්නේය.+මාගේ ජීවිතය කෙමෙන් කෙමෙන් පහව යන්නේය.+ 17  රාත්‍රියේදී මාගේ ඇටකටු+ කැඩී බිඳී ගොස් ඇත්තාක් මෙන් මට අධික වේදනාවක් දැනෙයි.මාගේ වේදනාවට නිමක් නැත.+ 18  මාගේ රෝගය කොතරම් දරුණුද කියනවා නම් මාගේ වස්ත්‍රය* පවා වෙනස් වී ඇත.මාගේ සළුවේ කර පටිය සේ මාගේ වස්ත්‍රයද මා වටා එතී ඇත. 19  දෙවි මාව මඩ ගොඩකට හෙළා දැමුවේය.මම දැන් දූවිලි හා අළු මෙන් වී සිටිමි. 20  ‘මා උපකාරය පතා මොරගැසුවද ඔබ මට පිළිතුරු දුන්නේ නැත.+මම සිටගත්තෙමි. එහෙත් ඔබ මා දෙස බැලුවේ නැත. 21  ඔබ වෙනස් වී ඇත. මට කුරිරු ලෙස සැලකුවෙහිය.+ඔබ මා සමඟ උදහස් වී ඔබේ මුළු වැර යොදා මට පහර දුන්නෙහිය. 22  ඔබ මාව සුළඟට ගසාගෙන යන්න සලස්වාකුණාටුවෙන් මාව විනාශ කළෙහිය. 23  ඔබ මාව මරණයට පමුණුවන බව මම හොඳින් දනිමි.+මිනිසාගේ අවසන් නවාතැන්පොළට ඔබ මාව ගෙන යන්නෙහිය.’ 24  නටබුන් ගොඩක් මෙන් වී සිටින මිනිසෙකුට කිසිවෙක් පහර දෙන්නේ නැත.+එවැනි කෙනෙකුගේ පිහිටට කිසිවෙක් පැමිණෙන්නේද නැත. 25  නමුත් යමෙකු දුකින් පෙළුණු විට මම හඬා වැලපුණෙමි.+දුප්පතුන් වෙනුවෙන් ශෝක වුණෙමි.+ 26  යහපත පැමිණෙන තුරු බලා සිටියද නපුර මා පසුපස ලුහුබැන්දේය.+එළිය ලැබෙන තුරු බලා සිටියද අඳුර මාව වට කරගත්තේය. 27  මාගේ හදවත වේදනාවෙන් දැවෙන්නේය.විපත්ති කාලය මා පිටට පැමිණියේය. 28  හිරු එළිය නොමැතිව මම දුකින් ඇවිද්දෙමි.+මම සමූහයන් මැද නැඟිට උපකාරය පතා හැඬුවෙමි. 29  මා දැන් හිවලුන්ගේ සහෝදරයෙකු මෙන්දපැස්බරුන්ගේ මිතුරෙකු මෙන්ද වී ඇත.+ 30  මාගේ සම කලු වී ගැලවී යන්නේය.+මාගේ ඇටකටු ගින්නකින් දැවී යන්නාක් මෙන් වියළී ගොස් ඇත. 31  මාගේ වීණාවෙන් විලාප හඬක්දමාගේ නළාවෙන් ශෝක ගී රාවයක්ද නික්මෙන්නේය.

පාදසටහන්

හෙබ්‍රෙව් බසින්, රොතෙම්. වියළි පළාත්වල වැඩෙන පඳුරකි.
මෙහි, “වස්ත්‍රය” ලෙස සඳහන් වන්නේ යෝබ්ගේ සම ගැන විය හැකියි.