යෙසායා 9:1-21

9  දේශය පුරාම අඳුරු කාලයක් උදා වෙයි. එහෙත් සෙබ්‍යූලන් සහ නෆ්තලී+ යන පළාත් නින්දාවට පත් කළ අවස්ථාවේදී පැවති අඳුරු කාලය තරම් එය දරුණු වන්නේ නැත. යොර්දාන් පළාතට අයත් මුහුද අසලින් දිව යන මාර්ගයේ පිහිටි, බොහෝ ජාතීන් වාසය කරන ගලීල දේශය+ පසු කලෙකදී ගෞරවයට පත් කරනු ලබයි.+  අඳුරේ සිටි ජනයා මහත් ආලෝකයක් දුටුවෝය.+ ඝනාන්ධකාරයෙන්+ වැසී ගිය දේශයේ වැසියන්ට ආලෝකය උදා විය.+  ඔබ ඒ සෙනඟව මහත් ජාතියක් වීමට සලස්වා+ ඔවුන්ට මහත් ප්‍රීතියක්+ ගෙන දුන්නෙහිය. අස්වැන්න නෙළන කාලවලදී+ හා කොල්ල කා ගත් දේ බෙදාගන්නා අවස්ථාවලදී ප්‍රීති වන්නාක් මෙන් ඔවුහු ඔබ ඉදිරියේ ප්‍රීති වෙති.+  මිදියන්වරුන්ව පරාජයට පත් කළ දවසේදී+ කළාක් මෙන් සතුරන් ඔවුන් පිට පැටවූ වියගහද+ ඔවුන්ට දඬුවම් කිරීමට භාවිත කළ දණ්ඩද සැරයටියද+ ඔබ කඩා දැමුවෙහිය.  රණශූරයන්ගේ+ වහන්ද ලේ තැවරුණු වස්ත්‍රද ගින්නට දමන දර මෙන් වී ඇත.+  මන්ද අපට ළදරුවෙක් උපන්නේය.+ අපට පුත්‍රයෙකු දෙන ලද්දේය.+ රාජ්‍ය බලය ඔහුට භාර දෙනු ලබන්නේය.+ ඔහුව උතුම් උපදේශකයාණන්,+ බලවත් දෙවි,+ සදාකාල පියාණන්+ සහ සමාදානයේ කුමාරයා+ ලෙස හඳුන්වනු ඇත.  ඔහු දාවිත්ගේ සිංහාසනය+ මත හිඳ රාජ්‍ය පාලනය භාරගනියි.+ ඔහු මෙතැන් පටන් ධර්මිෂ්ඨකමින්ද+ යුක්තියෙන්ද+ රජකම් කරමින් සදහටම තම බලය පිහිටුවනු ඇත.+ ඔහුගේ රාජ්‍ය බලයට සීමාවක් නොතිබෙයි. සමාදානය සදහටම පවතිනු ඇත.+ ස්වර්ගයේ සේනාවල අධිපති වන යෙහෝවා දෙවි මහත් ආශාවකින් මේ දේ ඉටු කරන්නේය.+  යෙහෝවා දෙවි යාකොබ්ට විරුද්ධව තීන්දුවක් ප්‍රකාශ කළේය. ඔහු තීන්දු කළ දඬුවම ඊශ්‍රායෙල්වරුන් පිටට පැමිණුණේය.+  එෆ්‍රායිම්වරුන් හා සමාරියේ+ ජනයාද එයින් නිදහස් නොවෙයි.+ මන්ද ඔවුහු අහංකාරකමින් මෙසේ උදම් අනති.+ 10  “ගඩොලින් තැනූ ගොඩනැඟිලි කඩා දැමුවත් අපි ඒ වෙනුවට සුවිසල් ගල්වලින්+ ගොඩනැඟිලි තනාගනිමු. සිකමෝර්+ ගස් කපා දැමුවත් අපි ඒ වෙනුවට දේවදාර ගස් සිටවමු.” 11  යෙහෝවා දෙවි එෆ්‍රායිම්වරුන්ව රෙෂින් රජුගේ සතුරන්ගේ අතට හසු කර දෙයි. දෙවි එෆ්‍රායිම්වරුන්ගේ සතුරන්ව ඔවුන්ට විරුද්ධව සටන් කිරීමට පොලඹවයි.+ 12  නැඟෙනහිරෙන් පැමිණෙන සිරියානුවන්ද+ බස්නාහිරෙන් පැමිණෙන පිලිස්තිවරුන්ද+ ඊශ්‍රායෙල්වරුන්ව එක කටින් ගිල දමනු ඇත.+ ඔවුන්ගේ දුෂ්ටකම හේතුවෙන් දෙවිගේ කෝපය තවමත් නිවී නැත. ඔහුගේ හස්තය ඔවුන්ට විරුද්ධව දිගු කර තිබේ.+ 13  එහෙත් සෙනඟ පසුතැවී තමන්ව හික්මවූ තැනැත්තාණන් වෙතට හැරී ආවේ නැත.+ ඔවුහු ස්වර්ගයේ සේනාවල අධිපති වන යෙහෝවා දෙවිගෙන් මඟ පෙන්වීම් පැතුවේ නැත.+ 14  ඒ නිසා යෙහෝවා දෙවි එක දවසකින්+ ඊශ්‍රායෙල්හි හිස+ සහ වල්ගයද+ අතු සහ පන්ගස්ද කපා දමන්නේය. 15  හිස නම් වැඩිහිටි අය සහ ජනයාගේ ගෞරවය දිනාගත් අයය.+ වල්ගය නම් ජනයාව නොමඟ යවන බොරු අනාගතවක්තෘවරුන්ය.+ 16  ජනයාට මඟ පෙන්වන අය ඔවුන්ව මංමුළා කරති.+ ඔවුන් පසුපස යන අය වියවුලට පත් වෙති.+ 17  යෙහෝවා දෙවි ඔවුන්ගේ තරුණයන් තුළ කිසි යහපතක් නොදකින්නේය.+ පියා නැති දරුවාටවත් වැන්දඹුවන්ටවත් ඔහු දයාව නොපෙන්වන්නේය. මන්ද ඒ සියලුදෙනාම දෙවිට ද්‍රෝහිව කටයුතු කරන්නෝය.+ සියල්ලෝම දුෂ්ටයෝය. ඔවුන්ගේ මුවින් පිට වන්නේ නිෂ්ඵල කතාමය. ඔවුන්ගේ දුෂ්ටකම හේතුවෙන් දෙවිගේ කෝපය තවමත් නිවී නැත. ඔහුගේ හස්තය ඔවුන්ට විරුද්ධව දිගු කර තිබේ.+ 18  ඔවුන්ගේ දුෂ්ටකම බුරාබුරා නඟින ගින්නක් මෙනි.+ එය කටු පඳුරුද වල් පැළෑටිද දවා දමයි.+ ඝන වනාන්තර නැති නාස්ති කරයි.+ අවසානයේදී ඉතුරු වන්නේ දුම් වලාවක් පමණි.+ 19  දේශය මෙසේ දැවෙන්නේ ස්වර්ගයේ සේනාවල අධිපති වන යෙහෝවා දෙවිගේ ඇවිළෙන කෝපය නිසයි. දේශයේ වැසියෝ ඒ ගින්නට දමන දර වැනිය.+ කිසිවෙක් තම සහෝදරයාටවත් අනුකම්පාව පෙන්වන්නේ නැත.+ 20  යමෙක් දකුණු පැත්තෙන් මස් කපාගෙන කෑවත් වම් පැත්තෙන් මස් කපාගෙන කෑවත් ඔහුගේ කුස පිරෙන්නේ නැත.+ ඒ එක් එක් කෙනා තම තමාගේම අත් කපාගෙන කන්නෝය.+ 21  මනස්සේ එෆ්‍රායිම්වද එෆ්‍රායිම් මනස්සේවද කා දමන්නේය. එහෙත් යූදාට විරුද්ධව යුද්ධ කිරීමට ඔවුහු එකතු වන්නෝය.+ ඔවුන්ගේ දුෂ්ටකම හේතුවෙන් දෙවිගේ කෝපය තවමත් නිවී නැත. ඔහුගේ හස්තය ඔවුන්ට විරුද්ධව දිගු කර තිබේ.+

පාදසටහන්