යෙසායා 63:1-19

63  ඒදොම්හි+ බොෂ්රා+ නගරයේ සිට දීප්තිමත් වර්ණවලින් යුත් තේජාන්විත සළුපිළි පැළඳගෙන මහත් බලයෙන් යුතුව පැමිණෙන මේ තැනැත්තා කවුද? “ඒ වෙන කිසිවෙකු නොව ධර්මිෂ්ඨ ලෙස කතා කරන,+ ගලවාගැනීමට සියලු බලැති තැනැත්තා වන මමය.”+  මිදි පාගන+ කෙනෙකුගේ වස්ත්‍ර මෙන් ඔබේ වස්ත්‍ර රතු පාටට තිබෙන්නේ මන්ද?  “මම තනිවම මිදි පෑගුවෙමි.+ කිසි මිනිසෙක් මාගේ උදව්වට සිටියේ නැත. මම මහත් කෝපයෙන් ඔවුන්ව පාගා පොඩි කර දැමුවෙමි.+ ඔවුන්ගේ ලේ මගේ ඇඳුම්වල විසි වූ නිසා+ මාගේ ඇඳුම් අපවිත්‍ර විය.  මාගේ සතුරන්ව විනාශ කරන දවස මට සිහි විය.+ මාගේ සෙනඟව මුදවාගන්නා කාලය ළං වී තිබේ.  මට උපකාර පිරිනමන්න කිසිවෙකු සිටීදැයි මම බැලුවෙමි. එහෙත් මට උපකාර කිරීමට කිසිවෙක් ඉදිරිපත් වුණේ නැත.+ ඒ ගැන මම පුදුමයට පත් වුණෙමි. ඒ නිසා ගැලවීම ලබා දෙන පිණිස මමම ඉදිරිපත් වුණෙමි.+ මාව සවිමත් කළේ මාගේ දැවෙන කෝපයයි.+  මම මහත් උදහසින් මිනිසුන්ව පාගා දැමුවෙමි. මාගේ කෝපයෙන් ඔවුන්ව මත් කරවා+ ඔවුන්ගේ ලේ පොළොවට වත් කළෙමි.”+  යෙහෝවා දෙවිගේ කාරුණාව* ගැන මම ප්‍රකාශ කරන්නෙමි.+ යෙහෝවා දෙවි අප වෙනුවෙන් කළ සෑම දෙයක් ගැනම මම ඔහුව පසසන්නෙමි.+ යෙහෝවා දෙවි තම අසීමිත කරුණාවෙන් හා දයාවෙන්+ පෙලඹී ඊශ්‍රායෙල් ජාතිය වෙනුවෙන් කළ සියලු යහපත්කම්+ ගැන කියමින්, මම ඔහුට ප්‍රශංසා කරමි.  දෙවි මෙසේ පවසන්නේය. “ඔවුහු මාගේ සෙනඟය.+ මාගේ විශ්වාසය කඩ නොකරන මාගේ දරුවෝය.”+ ඒ නිසා දෙවි ඔවුන්ගේ ගැලවුම්කරු ලෙස කටයුතු කළේය.+  ඔවුන් වින්ද සෑම දුකක්ම ඔහුටත් දැනුණි.+ ඒ නිසා ඔහු තමාගේම දූතයා එවා ඔවුන්ව ගලවාගත්තේය.+ දෙවි ඔවුන් කෙරෙහි දැක්වූ ප්‍රේමය නිසා ඔහුට අනුකම්පා කර ඔවුන්ව මුදවාගත්තේය.+ දෙවි ඈත අතීතයේදී ඔවුන්ව උසුලාගෙන ගියේය.+ 10  නමුත් ඔවුහු දෙවිට විරුද්ධව කැරලිගැසුවෝය.+ ඔවුහු දෙවිගේ බලයට විරුද්ධව ක්‍රියා කරමින් ඔහුට දුක් දුන්නෝය.+ එමනිසා දෙවි ඔවුන්ගේ සතුරෙකු ලෙස ක්‍රියා කරමින්+ ඔවුන්ට විරුද්ධව සටන් කළේය.+ 11  එවිට ඔවුහු පුරාණයේ විසූ දෙවිගේ සේවකයා වූ මෝසෙස්ගේ දවස් සිහි කරමින් මෙසේ කීවෝය. “තම රැළේ එඬේරුන්+ සමඟ ඔවුන්ව මුහුද මැදින් ගෙනා තැනැත්තාණන් දැන් කොහේද?+ මෝසෙස්ට* බලය+ දුන් තැනැත්තාණන් කොහේද? 12  ඔහු තම තේජවත් හස්තයෙන්+ මෝසෙස්ගේ දකුණත අල්ලා ඔහුට උපකාර කළේය. සෙනඟ බලා සිටියදීම ඔහු මුහුද දෙබෑ කළේ+ ඔහුගේ නාමය සදහටම ගෞරවයට පත් වන පිණිසය.+ 13  පාළුකරයේ නිදැල්ලේ දුවන අශ්වයෙකු මෙන් ඔහු තම සෙනඟව කිසි කරදරයක් නොමැතිව මහා ජල කඳ මැදින් ගෙන ගියේය.+ 14  තැනිතලාවට බැස යන සතෙකු සුවසේ සිටින්නාක් මෙන් යෙහෝවා දෙවි තම බලය මාර්ගයෙන් ඔවුන්ට සැනසීම ලබා දුන්නේය.”+ මෙසේ, ඔබේ සෙනඟට ඔබ මඟ පෙන්වූයේ ඔබේ නාමය තේජසට පත් වන පිණිසය.+ 15  ඉහළින් පිහිටි ඔබගේ තේජසින් පිරි ශුද්ධ වාසස්ථානය+ වන ස්වර්ගයේ සිට අප දෙස බලන්න.+ ඔබ පෙර දවස්වලදී මෙන් මහත් උද්‍යෝගයෙන්+ පියවර ගෙන ඔබේ මහත් බලය නොපෙන්වන්නේ මන්ද? ඔබේ ගැඹුරු සෙනෙහසත් අනුකම්පාවත්+ ඔබේ දයාවත්+ ඔබ දැන් නොපෙන්වන්නේ මන්ද? ඔබ ඒ සියල්ල මාගෙන් සඟවා තබන්නෙහිය.+ 16  යෙහෝවා දෙවියනි, ඔබ අපගේ පියාණන්ය.+ ආබ්‍රහම් සහ ඊශ්‍රායෙල් අපව භාරගත්තේ නැතත් ඔබ අපව ඔබේ දරුවන් ලෙස භාරගන්නෙහිය. පුරාණයේ සිටම ඔබ අපේ මිදුම්කරු ලෙස කටයුතු කර තිබේ.+ 17  යෙහෝවා දෙවියනි, ඔබගේ මාර්ගවලින් මුළාව යන්න ඔබ අපට ඉඩ දෙන්නේ මන්ද? ඔබට ගරුබියක් නොපෙන්වා සිත් දැඩි කරගෙන සිටීමට අපට ඉඩ දෙන්නේ මන්ද?+ ඔබේ සේවකයන් වන අපේ පිහිටට ඇවිත් ඔබට අයිති ගෝත්‍ර+ ගලවාගන්න කියා අපි ඔබෙන් ඉල්ලා සිටින්නෙමු. 18  කෙටි කලකට ඔබේ ශුද්ධ ජාතිය+ දේශය උරුම කරගෙන සිටියේය. එහෙත් ඔබේ සතුරෝ ඇවිත් ඔබේ ශුද්ධස්ථානය පාගා දැමුවෝය.+ 19  අපි කිසිවිටෙකත් ඔබගේ පාලනය යටතේ නොසිටි ඔබගේ නමින් නොහැඳින්වූ සෙනඟක්+ මෙන් වන්නෙමු. අපි දැන් බොහෝ කාලයක් පුරා මේ තත්වයේ සිටින්නෙමු.

පාදසටහන්

හෝ, “ළැදි ප්‍රේමය.”
මූ.අ., “ඔහුට.”