යෙසායා 55:1-13

55  පිපාසිත සියල්ලෙනි,+ ඇවිත් වතුර බොන්න.+ මුදල් නැති සියල්ලෙනි, ඇවිත් කෑම කන්න.+ ඇවිත් වයින්+ හා කිරි+ නොමිලේ ලබාගන්න.+  ඔබ කෑම මිල දී ගන්නවා වෙනුවට නොවටිනා දේවල් සඳහා මුදල් යොදවන්නේ මන්ද? තෘප්තිය නොගෙනෙන දෙයක් වෙනුවෙන් වෙහෙසෙන්නේ මන්ද?+ මට සවන් දී, හොඳ දේ කන්න.+ දිව පිනවන රසවත්ම කෑම කා තෘප්තිමත් වන්න.+  මා කියන දේ අසා+ මා ළඟට එන්න.+ මට සවන් දී ඔබේ ජීවිතය රැකගන්න.+ එවිට කිසිදා වෙනස් නොවන ගිවිසුමක් මම ඔබ සමඟ ඇති කරන්නෙමි.+ එය මා දාවිත්ට දක්වන සදාතනික ප්‍රේමය* හා බැඳි ගිවිසුමකි.+  මම ඔහුව සියලු ජාතීන්ගේ+ නායකයා+ හා අධිපතියා+ ලෙස පත් කර සාක්ෂිකරුවෙකු+ ලෙස ඔවුන් අතරට යවන්නෙමි.+  ඔබ නාඳුනන ජාතියක් ඔබ වෙතට කැඳවාගන්නහුය.+ ඔබ නාඳුනන ඒ සෙනඟ ඔබ වෙතට දිව එන්නෝය.+ ඔවුන් ඔබ වෙත දිව එන්නේ ඔබේ දෙවි වන යෙහෝවා නිසාය.+ මන්ද ඊශ්‍රායෙල්හි ශුද්ධ තැනැත්තා+ ඔබව අලංකාරවත් කරනු ඇත.+  යෙහෝවා දෙවිට ළං වීමට ප්‍රස්තාව තිබියදී ඔහුගේ මඟ පෙන්වීම් පතන්න.+ ඔහු සවන් දෙන කල ඔහුට හඬගසන්න.+  දුෂ්ටයා තම දුෂ්ටකම් මුළුමනින්ම අත්හරීවා!+ කුරිරු තැනැත්තා තම හානිකර සිතුවිලි වෙනස් කරගනීවා!+ එසේ කර, යෙහෝවා දෙවි වෙතට නැවත හැරී එත්වා. එවිට අපේ දෙවි ඔහුට දයාව පෙන්වා+ මුළු හදින්ම ඔහුට සමාව දෙනු ඇත.+  යෙහෝවා දෙවි මෙසේ පවසයි. “ඔබ සිතන්නේ මා සිතන ආකාරයට නොවෙයි.+ ඔබ ක්‍රියා කරන්නෙත් මා ක්‍රියා කරන ආකාරයට නොවෙයි.+  පොළොවට වඩා අහස බොහෝ ඉහළින් තිබෙන්නාක් මෙන්+ මා ක්‍රියා කරන ආකාරය ඔබ ක්‍රියා කරන ආකාරයට වඩා බොහෝ උසස්ය.+ මාගේ සිතුවිලිද ඔබේ සිතුවිලිවලට වඩා බොහෝ සෙයින් උසස්ය.+ 10  වැස්ස සහ හිම පොළොවට වැටී ගස් වැල් පෝෂණය කරන තුරු නැවත අහසට නැඟී යන්නේ නැත.+ එමගින් වපුරන්නාට බීජද ජනයාට කෑමද ලැබෙයි.+ 11  මාගේ මුවින් නික්මෙන මාගේ වචනයත් එලෙසමය.+ එය කිසිවිටෙකත් නිෂ්ඵල වී මා වෙතට හැරී එන්නේ නැත.+ මා කැමති දේ ඒ අයුරින්ම ඉටු වන්නේය.+ මා නියම කළ දේ එලෙසින්ම සිදු වන්නේය.+ 12  “ඔබ නිදහස ලබා ඉමහත් සතුටකින් පිටත්ව එන්නහුය.+ ඔබ කිසි අනතුරක් නොමැතිව සමාදානයෙන් පැමිණෙන්නහුය.+ කඳුද හෙල්ද ඔබව දැක ප්‍රීතියෙන් පිනා යයි.+ වනාන්තරයේ ගස් සතුටින් අත්පොළසන් දෙයි.+ 13  කටු පඳුරු වෙනුවට ජුනිපර් ගස්ද+ වල් පැළෑටි වෙනුවට මරඳ ගස්ද හටගනියි.+ මේ සියල්ල යෙහෝවා දෙවිගේ නාමයට මහත් කීර්තියක්+ ගෙන දෙමින් සදහටම ලකුණක්+ සේ පවතියි.”

පාදසටහන්

හෝ, “ළැදි ප්‍රේමය.”